بعد التحيه بطلب مساعده من حضراتكم فى ادابتور لاب توشيبا

[karim mezo]

بعد اذن حضراتكم بطلب مساعدتكم فى اصلاح ادابتور لاب توشيبا

حيث ان العطل كان فى الكابل وتم تغييره لكن بعد ما قفلت علبة الادابتور ما اشتغلش
قيست ال19فولت مش طالعين فتحته تانى لقيت ان ال300فولت على الايلكو مش موجودين رغم انه كان شغال والعيب كان عيب كابل

فهل ممكن اطمع فى مساعده من حضراتكم لانى للاسف مش عارف اوصل لسبب العطل
بالعلم ان ال220 موجودين على البورده من جوه وفيه قطعه سوداء كده تقريبا بتحل محل الدايودات (4رجل)قيست طرفين طرفين وقايس معايا قياس الدايود
اسف والله طولت ف الكلام

[احمد115]

انا منزل ملف باور بوينت روعة 124 صفحة عن دوائر شاحن اللابتوب ودوائر بسيطة نزله وتابع مخطط الشاحن هتقدر توصل للعطل
http://www.4shared.com/rar/LiTm6AaCba?hc_location=ufi
ولو انت عندك وقت وعاوز تشتغل صح اتفرج على مقاطع فيديو عن الباور سبلاى مش هتلاقيها فى اى مكان فى الوطن العربى لبساطتها
http://www.qariya.info/vb/showthread.php?t=159220
تخياتى

[Omar Mekkawy]

المفروض انه يكون هناك 300 فولت على طرفا المكثف الخاص بالتوحيد . أكيد العيب ممكن يكون من ال Socket أو الفيوز ( حاول تفحص كل شىء قبل قنطرة التوحيد ).

[karim mezo]

ربنا يجزيك خير يا باشمهندس احمد ويارب اعرف أقرأ الدوائر لانى ضعيف فنيا للاسف

باشمهندس عمر مكاوى شكرا لحضرتك لاهتمامك

واانا قيست ال300 على الالكو مش موجودين وقيست الفيوز سليم لكن للاسف مش عارف اتابع الفولت بقصد يعنى مش عارف مسار الفولت عشان اتابعه واعرف الخلل منين

ياريت تساعدونى معلش

[احمد115]

المشاركة الأصلية كتبت بواسطة karim mezo

ربنا يجزيك خير يا باشمهندس احمد ويارب اعرف أقرأ الدوائر لانى ضعيف فنيا للاسف

باشمهندس عمر مكاوى شكرا لحضرتك لاهتمامك

واانا قيست ال300 على الالكو مش موجودين وقيست الفيوز سليم لكن للاسف مش عارف اتابع الفولت بقصد يعنى مش عارف مسار الفولت عشان اتابعه واعرف الخلل منين

ياريت تساعدونى معلش

انت شوف راسمه للشاحن فى ملف الباور بوينت وتابع الجهد من بداية دخوله على الفيوز الى مدخل الاربع دايودات ودور فى نفس المنطقة على ثرموستور يمكن تلاقيه محروق ثم افحص الدايودات وافحص الجهد قبل وبعدها هل هو موجود او لا
هل تقصد بالالكو المكثف الكبير؟
وانا ان شاء الله هعمل مقطع فيديو تابع للدورة الاسبوع القادم عن فحص الشاحن واهم الاعطال وكيف تكتشفها

[mourad3d]

قيس الفولت المستمر 300 فولت على طرفى المكثف الكبير ناحيه الدخل اذا وجدته يبقى كل ما قبله شغال
ان اغلب اعطال هذه الدوائر الموسفت و ايسى الكنتروال
قيس الموسفت والمقاومات من ناحيه دخل الشاحن
اذا كان كل شىء على ما يرام اذن المشكله فى ايسى الكنتروال فى الاغلب ايسهات الكنتروال السطيحه لا تباع ان وجدته غيره وسيعمل الشاحن معك ان شاء الله

يتلف الشاحن عادا من الجزء الذى يتعرض للجهد العالى ويسبب فى تلف معظم هذا الجزء
اذا كان العطل فى الموسفت والموسفت مفتوح (اطرافه الثلاثه تعطى جرس ) انصحك بتغير الموسفت وايضا ايسى الكنتروال لانه تعرض لجهد عالى
واذا كان العطل فى الموسفت والموسفت مغلق قم بتغير الموسفت فقط وقياس المقاومات من حوله

[karim mezo]

ربنا يجزيك خير يا باشمهندس احمد ..مش عارف اقول لحضرتك ايه والله

-
باشمهندس مراد انا قيست الفولت على المكثف الكبير (الالكو) وال30فولت مش موجودين والفيوز سليم والقطعه الى بتحل محل الدايودات سليمه
ممكن يكون ايه الى قاطع الفولت ؟؟

معلش تاعبكم معايا والله بس حاسس ان العطل بسيط وانكم هتقدروا توصلونى للسبب
وكمان الشاحن بتاع واحد عزيز عليا

[mourad3d]

راجع كبل التغذيه انه سليم واتاكد ان بدايه الدائرة ان التغذيه 220 فولت متغير لو كانت الدايودات سيلمه المكثف الكبير هيوصل له 300 فولت مستمر

راعى القياس فى الافوميتر بين التيار المتردد والتيار المستمر