[hamada_13]

السلام عليكم
عندي مشكلة غريبة مش لاقي لها حل أرجوا المساعدة

من فترة كنت غيرت الوصلات اللي بتربط مواسير المياه بالسخان .. ولكن كان حدث تسريب في اماكن اخرى لم الاحظها الا بعد فترة .. بالتحديد في الماسورة اللي طالعة من الرداخ الي السربنتينة والماسورة اللي طالعة من الرداخ الي الماسورة اللي في الحيطة .. والاثنين كانوا من جهة المياه السخنة -على الشمال يعني- مشار اليه في الصورة -رقم 4-.

المشكلة ظهرت بعد ايام -السخان كان شغال عادي في الفترة دي- من الكلام ده وكنت ساعتها اكتشفت التسريب ..
وكانت المشكلة بدأت باني لما افتح المياه السخنة .. الشعل كلها تلقط عادي ولكن في خلال 4 ثواني تختفي تماماً ومفيش اثر لأي غاز بيطلع من الفوني.
حصلت مرتين او ثلاثة وبعدها لم تشعل اصلاً.

فكيت الرداخ -وهنا بقى كنت شوفت التسريب- ورحت اغيرله الجلدة واشحم الابرة ودلوقتي بالرغم اني شايف الابرة بتترفع عادي -من الجزء المشار اليه في الصورة التالية رقم 2- مع ضغط المياه مفيش برضه اثر لأي غاز بيطلع من الفوني.


حبيت اتتأكد اني ماشي صح وان الغاز بيطلع للفونية حتى اتأكد لو في سدد او شئ .. فكيت الصمولة في الجزء المشار اليه في الصورة -رقم 1- ولقيت السوستة بتترفع نتيجة لإرتفاع الابرة .. وبالرغم من كده مفيش اي غاز بيطلع من الجزء ده في الماسورة (لو التجربة دي صحيحة يبقى ده معناه ان مفيش غاز بيطلع اصلاً في المسار ده لسدد او لسبب ما .. ياريت اعرف)

الشعلة شغالة وكل شئ والغاز بيطلع منها عادي .. وانا عارف ان مسار الغاز فيها مختلف عن مسار الغاز للفوني.

ياترى ممكن حد يفيدنا؟ جزاكم الله خيراً