[eslam_spirit]

السلام عليكم و رحمه الله و بركاته
الاخوه الاعزاء
انا زهقت من السخان ر عارف اني زهتقتكم معايا
المشكله باختصار ان السخان مش بيحس بالحراره
يعني بيبتدي يشتغل بعد خمس او ست مرات من فتح الحنفيه
و كل مره يتكتك و الاشعال يشتغل بس يطفي مره تانيه
غيرت جلده الرداخ و صباع جساس الحراره و سنفرته و غيرت البطاريه و عدلت مكان حساس الحراره و قصيت جزء من السلك الواصل بين الحساس و العلبه الزرقاء
خلااااااااص مش باقي غير اني اغير السخان
افيدوني افادكم الله

[hamdy elsherbin]

عندى سخان غار يونيفرسال 6 لتر ... يعمل مرة و عشرة لا .. و عندما يعمل ياخذ وقت طويل و يحتاج ضغط ماء عالى ............. غيرت جلدة الرداخ مفيش فيدة .... غيرت الميكرو سويتش مفيش فايدة ... غيرت الحساس مفيش فايدة ... نظفت مدخل و مخرج الماء مفيش فايدة ......................... قلت اشيل الميكرو سويش الجديد و ارجع القديم و انا بركب القديم ركبته على مسمار واحد من الاثنين و بفتح الماء للتجربة ............. اشتغل ما شاء الله باقل ضغط ماء و كررت العمرة بشكل متتالى الحمد لله .. زى الفل .. ببص على الميكرو سويش وجدته واخد زاوية يعنى ثقب المسمار الثانى باين نصه بس فربطت على كده و الحمد لله .. و حبيت انقل لكم النتيجة ممكن حد يستفيد

[فاروق سالم]

كل الشكر لأخي الباشمهندس hamdy elsherbin
عندي سخان يونفرسال 10لتر منذ سنتين شغال تمام وفجأة اليوم كل ما اشغله يطفأ بعد دقيقتين او ثلاثة وبعد عناء البحث دون جدوي فكيت مسمار من السويتش ورحلتة الي منتصف ثقب المسمار يعني مربوط علي مسمار واحد وبجرب ومش مقتنع ولكن النتيجة كانت شغال 100%
لذلك وجب ان أشكرك انقذتني من مشكلة الله أعلم كانت تجهدني كثير وخاصة اني متأكد من سلامة السويتش ولا يمكن أن أفكر فيه
جزاك الله خيرا وجله في ميزان حسناتك وأثابك الفردوس الأعلي