دائرة كشاف الطوارئ النيون واختبار كفاءة الترانزستور D882 (تصميم يدوي)

[Jotham]

الفكرة بسيطة للغاية:
هذه الدائرة عبارة عن دائرة كانت موجودة بكشاف شحن كنت أجري له صيانة.
فهذه الدائرة تصلح للعمل:
1- كدائرة إنارة للطوارئ ببطارية 6 فولت للمبة واحدة نيون 60 سم. 20 وات أو 18 وات.
2- أو كدائرة إختبار لمدى كفاءة الترانزستور الخادع D882 .....و هنا يلاحظ أنه عند الإختبار يجب وضع قاعدة أو (سوكيت) أو أي إختراعات أخرى لتجنب لحام الترانزستور محل الفحص.....و الدائرة لا تحتاج إلى مبرد للترانزستور.
هناك دوائر بها نفس الترانزستور ويحتاج إلى مبرد...و أخرى لا يحتاج...و أنا في إعتقادي أن هذا الأمر متوقف على تصميم الدرايفر الفيرايت رافع الجهد من حيث الحجم و عدد اللفات.....إلخ
ــــــــــــــــــــــــــ
بالنسبة للدرايفر رقمه EE25-310uH
الدرايفر إشتريته من فترة بعيدة من حسام عبد الشافي - باب اللوق......و كان سعره وقتها 4 جنيه
كان عنده درايفرات كتيرة بنفس الشكل...لكن الرقم مختلف...و كان فيه درايفرات ماكانش مكتوب عليها حاجة خالص...علشان كدا خلي بالك من الرقم
ــــــــــــــــــ
لو فيه أي إستفسار بخصوص الموضوع ده...أنا في الخدمة
ـــــــــ
و الآن مع الصور:




و هذا هو المخطط :

[mourad3d]

جميل جدا موضوع رائع
جزاءك الله خيرا

لدى سؤال :
الدائرة ممكن تحكم على الترانزستور شغال ولا مش شغال بسهوله مفهاش مشكلة لكن ازاى هتقدر تحكم على كفاءة الترانزستور

[Jotham]

المشاركة الأصلية كتبت بواسطة mourad3d

جميل جدا موضوع رائع
جزاءك الله خيرا

لدى سؤال :
الدائرة ممكن تحكم على الترانزستور شغال ولا مش شغال بسهوله مفهاش مشكلة لكن ازاى هتقدر تحكم على كفاءة الترانزستور

أهلاً بيك مهندسنا الكبير / مراد......منورنا باستمرار
:
الترانزستور D882 غريب الأطوار !!
قياسه على الأفوميتر ليس هو الفيصل, و ليس مبرراً أنه سيجعل لمبة النيون تعمل بكامل إضاءتها.
كم من مرات كثيرة - من خلال التجربة - أشتري ترانزستورات جديدة من هذه النوعية, و قياسها سليم 100 % على الأفوميتر و لكن بمجرد توصيله بالدائرة, لمبة النيون تضئ إضاءة خافتة جداً و أحياناً تسمع صوت صفير من الدرايفر مع سخونة سريعة بالترانزستور....و إذا إستبدلته بترانزستور آخر في نفس الوقت و في نفس الدائرة ( إشتريته من مكان آخر )...أجد أن المشكلة زالت و لمبة النيون تعطي إضاءة كاملة و جميلة !!!
مع العلم أن قياسات الترانزستورين متشابهين إلى حد كبير جداً.

[samer6]

طب لو كان عندى دريف من كشاف قديم ولكن 3 طرف من ناحية واربعه طرف من الأخرى ودائرته بها عدد 2 ترانزستور لكل درايف وطبعا مش مكتوب عليه اى بيانان ازاى اعمل دايره الأختبار هذه
وعلى فكره انا عندى كشاف جنرال بنفس تركيب دائرتك

[Jotham]

المشاركة الأصلية كتبت بواسطة samer6

طب لو كان عندى دريف من كشاف قديم ولكن 3 طرف من ناحية واربعه طرف من الأخرى ودائرته بها عدد 2 ترانزستور لكل درايف وطبعا مش مكتوب عليه اى بيانان ازاى اعمل دايره الأختبار هذه
وعلى فكره انا عندى كشاف جنرال بنفس تركيب دائرتك

كل الفكرة ياباش مهندس سمير, إنك لو حبيت تعمل إختبار للترانزستور ده...يفضل يكون معاك دايرة شغالة 100%...وكمان يكون من الأفضل إن الدايرة تكون بتشتغل بترانزستور واحد لكل درايفر.. لسهولة وسرعة تحديد مدى كفاءته وصلاحيته
لإنهم لما يبقوا اتنين لكل درايفر...ممكن نتعب شوية...لإن ممكن يكون واحد شغال و التاني اللي عايزين نختبره فيه مشكلة أو عامل شورت أو تعبان...فالعطلان ممكن يؤثر على اللي شغال...و الموضوع يبقى معقد حبتين.
وبالنسبة للكشاف الجنرال....فعلاً فيه كشافات جنرال بتشتغل بدرايفر EE25-310
بس للأمانة الدايرة اللي أنا عاملها إستشفيتها من دايرة صيني كانت بتتباع في السوق من فترة.
ـــــــــــــــــــــ
وإن حبيت تسهل على نفسك الموضوع أكتر...وتوفر في التكلفة...إشتري دايرة جاهزة لتشغيل عدد 2 لمبة 60 سم, بس تكون بتشتغل بترانزستور واحد لكل درايفر...هايكون سعرها تقريباً 20 جنيه أو 25 جنيه..مش أكتر من كده.
و إقسم الكارتة نصين (حتتين) !!
نص منها إستخدمه لإختبار الترانزستور ( بعد ما تفصله وتركب مكانه قاعدة أو سوكيت)
والنص التاني إستفيد منه بإنك تركبه لأي جهاز عطلان عندك أو أي إستخدام تاني.

[السيد بدوى]

ممكن تضع عدد اللفات لكل نوع من انواع الدرايفر اللي ذكرتها - وما هو الفروقات بينها

[Omar Mekkawy]

جزاك الله كل خير أخوي

بالمناسبة هل لديك صور للترانزيستور ( الجيد والغير جيد ) ؟

وهل ترى انهم متشابهين لدرجة كبيرة ؟

يعطيك العافية

[fade hbeb]

الف شكر اخي الكريم
بالنسبة لمحول الفرايت
باي جهاز ممكن ان يكون موجود
مع تحياتي