[محمد جابر مصطفي]

دلوقتي نستغل فترة الاستراحة بتاعة نص اليوم ونتكلم عن النقط اللي بتظهر في الدرام وبتضيع على ناس كتير انها تستفاد بالعمر الافتراضي الكامل للدرام اللي بيتراوح من 300000 ورقة بالنسبة لموديلات ال22 صورة وصولا الي 750000 ورقة في موديلات ال35 أو ال45 صورة
والسؤال الاول :أيه سبب ظهور نقط في الدرام ؟
لازم كلنا نعرف ان الدرام اهم مافيه الطبقة الخارجيه وهي عبارة عن طبقه حساسة للضوء ويمكن شحنها وكلام كتير مش وقته بس المفيد ان الطبقه دي هي المسؤله عن عملية الطباعة وانتهاء العمر الافتراضي للدرام بانتهاء حساسية الطبقه دي وده بيكون بعد عدد كبير من الورق زي ما مكتوب فوق واللي لازم برده نعرفه ان اي خدش بيحصل في الطبقه اللي بنتكلم عليها بيظهر في الورقة يعني لو حد مسك مفك أو اي اداه حاده وظرف الدرام بشله البشله دي هتظهر في كل الورق اللي انت بتصوره والنقط دي عبارة عن نوع من انواع الخدوش والبشل بس مين اللي بيظرفها للدرام ؟؟؟؟؟؟؟؟؟ !!!!!
المتهم الوحيد في موضوع النقط هو الديفولبر
إزاي : الديفولبر عبارة عن برادة حديد بيتم معالجتها ببعض المواد وبتحتفظ بشحنه معينه مظبوطه من المصنع ومعروف ان الديفولبر مش بيخرج من تانك الديفولبر ووظيفته انه بينقل شحنه بتجيله من الماكينة للحبر عشان تتم عملية الطباعة على الدرام زي ماهو محدد بنظرية التصوير لو في اي مواد غريبة دخلت على الديفولبر ده خصوصا لو مواد معدنية بتسبب تحويل الديفولبر لقزيفه وطلقات نارية بتخرج من التانك متجهه للدرام بتسبب عمل نقط في الطبقه الحساسة للدرام
الكلام العملي : لو نوعية الديفولبر مش كويسه ومش مظبوط بالمواد الخاصه المطلوب اضافتها لبرادة الحديد لتكوين الديفولبر هينقط الدرام
ولو الحبر الي بتحطه في الماكينة مش كويس ومخشوش بمواد رخيصه بيسبب نفس النتيجه
يعني من الاخر لما تيجي تركب ديفولبر استنضف واوعى تحط كيس حبر رخيص او حتى غالي وسمعته وحشه
حافظ على النقطتين دول ومش هتشوف ولا نقطه في الدرام لغاااااية ماحساسية تنتهي وتلاقي نفسك مرضي بالمعدل اللي وصل ليه
وطبعا مش هننسى لايك وشير ودعوتين حلوين لاخوكم
لمزيد من الاعطال الشائعة
https://www.facebook.com/pages/%D8%B...08225332546462