[ToXIC]

بسم الله الرحمن الرحيم ..

السلام عليكم و رحمة الله و بركاته ...


بعد إذن حضراتكم كان عندى مشكلة و كنت حابب أطرحها عليكم لعل و عسى إن شاء الله ألاقى ليها حل عندكم ..

انا عندى غسالة توشيا فوق أوتوماتيك ..

كنت جايبها بقالها حوالى سنة .. و كانت شغالة تمام مفيش اى حاجة ..

للأسف إمبارح مرة واحدة و أثناء ما الغسالة شغالة .. برنامج العصر وقف و الغسالة بقت بتطلع صوت إنذار كدا .. و التايمر بقى بيظهر بالمتشقلب
يعنى مثلاً فاضل 40 دقيقة بقت تظهر فى شاشة التايمر بالمتشقلب ..

حاولت أكتر من مرة انى أفضى المياه و أشغل الغسالة من الأول
و نضفت الفلتر و شغلت برنامج تنظيف الحوض لكن ما كملش لأن برضه وصل عند الدوران السريع اللى هو العصر .. و صفرت الغسالة بصوت إنذار ..

انا كنت دورت على حل فى الموقع هنا و لقيت مهندسين كرام قالوا ان دى ممكن تكون مشكلة فى يد الإتزان ، و بصراحة حاولت أوصل ليد الإتزان دى بس ما عرفتش مكانها فى الغسالة فين ؟!!

فيا ريت لو إجابة منكم هل المشكلة دى فعلاً فى يد الإتزان ؟ و لو أيوه يا ريت تشرحلوا أعملها ازاى ؟؟
و لو مش فى اليد دى ، فيا ريت لو أعرف المشكلة فين ؟!!

عارف انى طولت عليكم بس دا من عشمى ..

و بالتوفيق ليكم و شكراً مقدماً ...

[ميدو123123]

رقم كود العطل ايه عموما يد الاتزان افتح باب الغساله وضع ايدك اليمين بجوار مخرج المياه على اليمين هو عباره عن زراع المهم يكون الزراع ده حر

[a7med_Zd_4]

كود العطل E2

[mostaf email]

انا لدي غسالة توشيبا فول اوتوماتيك تعطل فجأه لا اعرف السبب ما بتشغل ياريت الحل