[مجدي الخواجة]

الشلام عليكم مهندسي القرية المحترمين
معلش استحملوني النهاردة عندي استفسار
انا عندي ريكو 2045 لسا مغير تانك الديفلبر ويونت الدارم
ولما صورت طلعت الصورة فيها لطشات وارضية احد الاشخاص قال لي ليزر عاوز يظبط وبالفعل ظبت في النتيجة لحد ما اظبطت بس اي حركة تاني في اليزر بتختلف وتدي كود 326
فقولت بلاش العب في اليزر واسالكم هنا
انا هبعت صورة للوقتين الاصل والصورة
وكمان هبعت صورة الدرام وهنا عندي استفسار البنات الي عليها سهم احمر دي لازم تكون متلاصقة مع رول الشحن ولي بتكون بعيدة لانها في اليونت الاول قبل التغير كانت بعيدة انما في الجديدة قريبة
وكمان في لطشة علي السهم الاخضر هل دي شفرة
اسف للاطالة ورجاء الافادة


يمكن تكون الصورة مش موضحة اوي الارضة وده نتيجة تصوير الورقة بالموبيل بس الصورة الاصلية طباعة برنتر والصورة بتطلع غامقة وفيها ارضية

[Quraish Falcon]

امسح الكورونا كويس وركب شفره جديده بس علي بالك لما تمسح الكورونا بتظهر نقط في الدرام
علشان تتلاشي المشكله دي بعد ما تمسح الكورونا كويس بميه جيب قماشه ملسها حبر كتير وامسح بيها الكورونا بعد كده بطرف نضيف مش مبلول ولا مطرحه حبر امسح الكورونا تاني
وحاول متشتغلش ع الماكينه قبل ما تعمل الحاجات دي علشان عيب الشفره بيحفر في الدرام وبيقشر الطبقه الي عليه لو اشتغلت عدد عليها بعيبها

[Quraish Falcon]

اللطشه الي في حروف الدرام مش مشكله طالما مش ظاهره في الصوره
والدرام ده ناقص مسطره علي فكره بتبقه فوق الدرام علشان ميقعش لو معندكش حط بديل احشر ورقه جنب الروميمبيل الي بيبقه في الدرام علشان ميقعش جوه المكنه

[مجدي الخواجة]

اقتباس المشاركة الأصلية كتبت بواسطة Quraish Falcon امسح الكورونا كويس وركب شفره جديده بس علي بالك لما تمسح الكورونا بتظهر نقط في الدرام علشان تتلاشي المشكله دي بعد ما تمسح الكورونا كويس بميه جيب قماشه ملسها حبر كتير وامسح بيها الكورونا بعد كده بطرف نضيف مش مبلول ولا مطرحه حبر امسح الكورونا تاني وحاول متشتغلش ع الماكينه قبل ما تعمل الحاجات دي علشان عيب الشفره بيحفر في الدرام وبيقشر الطبقه الي عليه لو اشتغلت عدد عليها بعيبها

أشكرك جدا اخي الكريم

[مجدي الخواجة]

اقتباس المشاركة الأصلية كتبت بواسطة Quraish Falcon اللطشه الي في حروف الدرام مش مشكله طالما مش ظاهره في الصوره والدرام ده ناقص مسطره علي فكره بتبقه فوق الدرام علشان ميقعش لو معندكش حط بديل احشر ورقه جنب الروميمبيل الي بيبقه في الدرام علشان ميقعش جوه المكنه

أشكرك جدا وبالنسبة للمسطرة هي موجوده انا فكتها عشان اقدر اصور الشكل العام لليونت

[عريبى محمود]

السلام عليكم ورحمة الله وبركاته
اخى الكريم

اولا الصورة المرفقة العيب الاساسى بها ناتج عن عدم نظافة رول الشحن قم بتنظيفه بـــ قطعة قماش فانلة داخلية بالكحول ( يعنى قم بتنظيق يونتد الدرام بالكامل ) ثم قم بارجاع كل شىء لاصله ثم قم بتخفيض الشحن بالدخول للبرنامج بــ 107 وده معروف وادخل على برنامج 2201 وخفض القراءة الموجودة بــ100 يعنى لو 560 خليها 460 )
ومنتظر الرد