خروشة تشويش سماعات Speaker 6000واط

[احمد عبقرينو]

بسم الله الرحمن الرحيم

السلام عليكم زملائي الأعضاء والفنيين والمهندسين الكرام
انا عضو جديد بالمنتدى وعندي مشكلة بسيطة في سماعات سبيكر واحدة الأساسية اللي فيها التحكم والتوزيع ودي فيها الصوت بيطلع مشوش وفيه خروشة والتانية شغالة تمام مافيهاش مشاكل
برجاء المساعدة في التشخيص او من لديه خبرة من السادة المهندسين

ولكم جزيل الشكر

الصور

[احمد عبقرينو]

[mourad3d]

من فضلك راجع السماعه ممكن يبقى فيها قطع
ومتابع معاك

[احمد عبقرينو]

راجعت توصيلة السماعة تمام الكابل واصل تمام الأحمر + والاسود السالب - واللي واخدين على طول خرج من البوردة اللي في الصورة من غير جاك من خلف البوردة بلحام مباشر

[mourad3d]

ﻻ اقصد ذلك اقصد راجع غشاء السماعه الخارجى ربما يكوت فيه قطع يؤثر على جودة الصوت

[احمد عبقرينو]

تم التأكد من الغشاء الخارجي للسماعة ولا يوجد به عيب ولا قطع ومرفق تسجيل صوتي يوضح التشويش والخروشة التي لازالت قائمة
تحياتي لك مراد 3D على التواصل تربتت 010.amr

[mourad3d]

اهلا يا عزيزى مره اخرى
الاغنيه ده بحبها اوى هههههههه وتلقيك هتجنن لما بتسمع الصوت كده
عموما هبدا معاك بتفكير منطقى

الاول هبدا معاك بتغديه الدائرة المحول وبردج التحويل ومكثفات التنعيم
اعمل تغذيه خارجيه للدائرة بنفس الجهد وراعى فى التوصيل القطبيه

اذا سمعت الصوت لا يعمل بدون مشاكل انتقل للخطوة الثانيه

قيس مقاومة تكبير الصوت وتاكد من سلامتها وتابع الاصلاح

حدد مجموعه الترانزستورات المسئوله على السماعه التالفه

ارفع الترانزستورات المسئوليه عن السماعه وقيسها على الافوميتر وتاكد من قيم المقاومة بين اطرافه وان الترانزستور يعمل بكفاءة

قيس قيم جميع المقاومات على البورده وتاكد من سلامتها
لا تقوم بتجربه الجهاز الا وانت عملت اختبار للترانزستورات والمقاومات وركبتها لانى الجهد عالى وممكن يحترق

قارن قياسات الترانزستور بترانزستور سليم وتاكد ان القياسات قريبه منه

راجع لحامات المكثفات تكون جيده

اذا كله تمام راجع مكثفات الخرج

لاحظ اخى ان العطل محدود لذلك الشغل كله فى الترانزستورات المسئوله عن العطل برجاء تحديدها بدقه عن طريق اطراف السماعه الوصله اليها

متابع معااااااااااك

[احمد عبقرينو]

والله انت معلم ومنك الناس بتتعلم
وانت الأساس والباقي كله اكياس
بالنسبة لحالة الجنان بتاعة الأغنية فالحالة صعبة وتدهورت جدا بقيت زي اللمبي لما دخله كهربا زيادة وحقدم لنفسي على عداد
-----------------------------------------------------------------------------------
التفكير المنطقي ( اول حاجة بتدل على انك مهندس ورئيس قسم ) لما تبدأ مع واحد مبتدأ مثلي لسه ماعرفش الألف من كوز الدرة في الالكترونيات هههههههه ودي فعلا البداية الصحيحة لأي علاج اشكرك وأحييك عليها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
وحدة وحدة كده حضرتك بتقول ابدأ بالمحول ؟؟؟ ازاي