ممكن المساعده يا عمالقة الالكترونيات .. : )

[سارونه المزيونه]

السلام عليكم

أول شي أنا عضوه يديده بالمنتدى وأحب أشكر كل القائمين ع المنتدى وأشكر كل الاعضاء على
جهودهم الحلوه ويعطيكم الف عافيه كلكم ..

أنا عندي طلب بسيط وأتمنى أنكم تلبونه وأنا متأكده أنكم ماراح تخيبون ضني ..


السيارات اليديده وبالتحديد Bmw فيها خدمه مميزه تساعد السائق على انه يركز بسياقته ويسوي
شي ثاني يعني مثلا ً اهوه قاعد يسوق ووده أنه يكلم تلفون ( طبعا ً تعرفون ان السيارات اليديده صار
فيها تلفون ) يعني عشان يركز بسياقته يتكلم ويقول تليفون وطبعا ً فيه مايك بالسياره يسمعه
مجرد انه يقول جذيه تطلعله قائمة التلفون .. بعدين يكون وده أنه يختار أسم ويتصل فيه يقول
هذا الاسم مثلا ً ( محمد ) .. أتوماتيكيا ً يتصل التلفون بهذا الرقم ..

وأيضا ً لو وده يشوف تلفزيون ( طبعاً السيارات اليديده صار فيها تلفزيون ) بمجرد أنه يقول كلمة
تلفزيون يطلعله التلفزيون .. وطبعا يختار القناة اللي يبيها بمجرد أنه يقول أسمها ..


وأيضا سمعت أنه في شخص بمدرسة ( بلقيت ) للموهوبين بالولايات المتحده الامريكيه أخترع يدين
أو ذراعين تكتب على الكيبورد بمجرد أنك تقولها الكلمه اللي تبيها يعني تبي تكتب كلمة (ساره )
تقول ساره واليدين تبدأ تكتب الكلمه ..


المهم الطلب اللي أنا أبيه أبي شرح مفصل عن كيفية التقاط الاجهزه للصوت أو الكلمه أو الامر وتنفيذه ..

أبي شرح بالتفصيل الممل واللي يشرحلي أبيه يطول باله علي لأني مبتدئه بعالم الالكترونيات ..



ياليت اللي عنده القدره والخبره مايبخل علينا واللي ينفذلي طلبي راح أدعوله دعوه صادقه من كل قلبي
يالله عاد وروني جهودكم ولا تخيبون ظني .. : )


تحياتي
أختكم : سارونه المزيونه

[العتيبي]

المبتدىء يبحث أفكار بسيطة وليست مركبة كما في مشروع البي أم
الفكرة تعتمد على برنامج حاسوبي مبرمج لكي يتعرف على تردد الحروف والاصوات ومن ثم اعطاء امر بالتنفيذ

[م/محمود حمدى]

العتيبي;]المبتدىء يبحث أفكار بسيطة وليست مركبة كما في مشروع البي أم
الفكرة تعتمد على برنامج حاسوبي مبرمج لكي يتعرف على تردد الحروف والاصوات ومن ثم اعطاء امر بالتنفيذ
00000000000000000000000000000000000000000000000
نعم كلامك سليم 100%
اخى العتيبى

[gaza_son]

ممكن تستفيد لو رجعت لمادة (اشارات ونظم خطيه) ولكن للتطبيق لازم تكون عندك خبره غير عاديه بلغة البرمجة matlab

وهذا كورس في الجامعه يعني الشرح مهما كان مفصل لن يفيد

[سسس]

مشكووورين كلكم على مروركم أنا لقيت الشرح الوافي اللي أبيه .. ونا مو
مبتدئه لدرجة اني ماراح
أفهم الشرح .. أنا أعرف العناصر الاساسيه ...

اللي فهمته من الشرح .. اهوه ان الصوت يدخل الى المايك بصورة ذبذبات والمايك يحتوي على غشاء رقيق يتأثر بالذبذبات الصوتيه فتحركه وهذا
الغشاء مرتبط فيه ملف كهربائي يسير داخله التيار... طبعاً نتيجه لتحرك هذا الغشاء راح يتحرك الملف الكهربائي المرتبط فيه وهذا راح يغير حركة الاكترونيات وبتصير قيمتها مثل قيمة الذبذبات الصوتيه اللي كانت سبب بتغير حركتها .. طبعا ً هذي الاكترونات راح تروح للكمبيوتر بأشاره معينه ( طبعا ً الكمبيوتر مايتعامل الا مع 0 أو 1 ) ..فمثلا ً أهوه مخزن في
ذاكرته أن لو جت له أشاره 10011001 فلازم ينفذ الامر الفلاني ..وبس

يعني أتوقع ان الموضوع كان بسيط لو أحد كلف عمره شوي وكتبلي هذا الشرح .. :know:

( وللمعلوميه أنا اللي كاتبه الموضوع بس للأسف فقدت كلمة السر وما قدرت أسترجعها فسجلت بأسم
ثاني )

بس الحين أنا عندي أسأله بسيطه جداً أتوقع أنها ماراح تكلفكم شي لو جاوبتوا عليها ..

أول سؤال شنو تركيبة الغشاء اللي بالمايك ؟

ومن وين أقدر ألقا ذاكره مبرمجه بلغه معينه تناسب الشي اللي أبيه وكم بتكون تكلفته ؟

ويعطيييكم الف عافيه ومشكورين

[العتيبي]

انت سسس ولا سارونة ؟؟؟؟؟