[reegolas cage]

السلام عليكم و رحمة الله و بركاته

الاخوة الكرام اعضاء المنتدى كل رمضان و انتم الي الله اقرب

انا مهندس في شركة مقاولات و في كام حاجة شفتها في الموقع

كنت عايز اخد راي حضراتكم فيها بعد اذنكم

اول حاجة :

مش كلمة قفلة بالبلدى يعني يا اما فيز تلمس نيوترال او فيز تلمس فيز او فيز تلمس ارضي

فده يعتبر Short Circuit و المفروض مفتاح الحماية كده يفصل

دي صورة لسلك الومنيوم متوصل بفيز من مكان و ماشي علي الارض عريان في اكتر من منطقة و يعتبر لامس الارض لكن مفتاح الحماية ما بيفصلش و الاحمال ما زالت شغالة و في اسلاك في الموقع حالتها اسوء من كده تقريبا ما فيش عوازل في اجزاء كتيره منها بالرغم من انها ممددة علي الارض

http://store1.up-00.com/2016-06/1465830065561.jpg

ثانى حاجة :

في التمديدات الكهربائية في الشقق

شوفت طريقتين للتجميع في التجميع في علب السقف الدائرية و في التجميع في بواطات ترييح

ايهما افضل علي الرغم من ان التجميع في علب السقف الدائرية يسمي بالنظام الامريكي و ان التجميع في بواطات الترييح يسمونه تجميع بلدى و قديم و اتلغي

و دي صورة للتجميع في علب السقف

http://store1.up-00.com/2016-06/1465830361981.jpg

و دي صورة للتجميع في بواط ترييح او Junction box

http://store1.up-00.com/2016-06/1465830501941.jpg

سؤال تالت بعد اذن حضراتكم

انا عندي باتش خرسانة يعمل علي مولد قدرة 380KV
و لا يعمل معه اى احمال اخرى

هل ممكن اوصل معاه احمال انارة و برايز و تكييف علي نفس المولد

و لو ينفع مش في حالة الاستارت اب بتاعت المواتير بتاعت الباتش التكييفات هتفصل و هكذا كل الاجهزة و الانارة هترعش
و ده ممكن يحرق اجهزة كتير

ايزاي اعالج الموضوع ده لو ما عنديش غير مولد واحد فقط

و ايه اخطار ان اوصل الاحمال السنجل فيز دي علي نفس مولد الباتش

و اسف جدا للاطالة علي حضراتكم

[ابوقشه]

وعليكم السلام ورحمة الله تعالى وبركاته
بالنسبة: مش كلمة قفلة بالبلدى يعني يا اما فيز تلمس نيوترال او فيز تلمس فيز او فيز تلمس ارضي

فده يعتبر Short Circuit و المفروض مفتاح الحماية كده يفصل
المفروض هنا مفتاح الحمايه يفصل لكن امتى يفصل ؟
الاجابه يفصل هذا المفتاح عندما يصل الحمل اكثر من التيار المقنن لهذا المفتاح او يحدث شورت سركت بين الفيز والارض لكن هنا لايحدث شورت سركت بملامست الارض بالفيز على حد قولك لان مقاومة الارض اللى موجود عليها السلك مقاومتها عليه جدا ومن الواضح من هذا الصوره المرفوعه الينا ان الارض عباره عن صخور ناريه ومقاومتها عاليه جدا وعلشان يفصل المفتاح بملامسة الفيز بالاض عندما تكون مقاومة الارض المثاليه لاتذيد عن .2 اوم بواسطة الميجر
اما بالنسبة : يهما افضل علي الرغم من ان التجميع في علب السقف الدائرية يسمي بالنظام الامريكي و ان التجميع في بواطات الترييح يسمونه تجميع بلدى و قديم و اتلغي
كل الطرق تؤدى الى روما اللى يرحك فى التوصل والشياكه اعمله ولاحرج
اما بالنسبة : انا عندي باتش خرسانة يعمل علي مولد قدرة 380KV
و لا يعمل معه اى احمال اخرى

هل ممكن اوصل معاه احمال انارة و برايز و تكييف علي نفس المولد
انا لاافهم معنى هذا السؤال هل تقصد 380 kva ام تقصد 380 فولت
ارجوا توضيح السؤال اكثر وماهو المطلوب
شكرا لك اخى الكريم وكل سنه وحضرتك طيب

[reegolas cage]

جزاك الله كل خير اخي الكبير ابو قشة و جعله الله في ميزان حسناتك

اعتقد انه 380 KVA
و هذة صورة لباتش لايضاح ماذا اقصد و الباتش هو محطة خرسانة ثانية

http://store1.up-00.com/2016-06/1465832900121.jpg
و هو مخصص له مولد له فقط زي ما قولت لحضرتك 380KVA

و مولد اخر 77KVA للاحمال السينجل فيز

السؤال ينفع الغي المحول ال 77KVA و احمل احمال علي نفس المولد المغذي للباتش

و اسف بس ليه قدرة المولد بتقاس kVA و ليس KW

و هل الامر بالنسبة للمحولات ايضا تقاس KVA

[ابوقشه]

وعليكم السلام ورحمة الله تعالى وبركاته
من الافضل ان يتم حساب و معرفة حمل ماياخذه الباتش ويتم توفير له قدره مناسبه من خلال مولد مناسب واذا كان هناك فائط فى قدرة هذا المولد فلاحرج من دخول بعض الاحمال عليه بحيث لاتوئثر على استمراره فى التشغيل
اما بالنسبة : اسف بس ليه قدرة المولد بتقاس kVA و ليس KW

و هل الامر بالنسبة للمحولات ايضا تقاس KVA
جميع تصميم الات التحويل والتوليد عند تصميمها يتم حسابها على اساس الكيلوفولت امبير او الميجا فولت امبير او الفولت امبير وليسى بالوات لاختيار مساحة مقطع السلك المناسب ومرعاة الفقد ونوعية الاحمال التى ستدخل على هذه المعدات سواء ان كان حمل مادى او حثى او ثعوى
شكرا لك اخى الكريم

[mahmadsolimanra]

أخى أ \ reegolas cage
النظام الامريكي \ النظام بلدى
النظام البلدى افضل فى الصيانه وفى الحامات الاسلاك
ليه عشان النظام الامريكى بيكون لحام الاسلاك فى علبة المفاتيح والبرايز
وبيكون فى تزاحم فى الاسلاك فى داخل العلبه بتاعه المفاتيح والبرايز
يعنى لو فى سخونه فى الاسلاك ولو قليله تخيل كثره السلك والضغط الاسلاك
على بعض من ضيق العلبه حيحصل أيه
اناكهربائى وشتغلت الامريكى والبلدى
البلدى افضل بكثير

[نعيم البديري]

السلام عليكم ورحمة الله //
بعد اذن الاستاذ الكبير (الاستاذ ابو قشة )
فيما يخص المصطلح الدارج باللغة العامية (القفلة ) قد يختلف معناها في اماكن مختلفة من الدول العربية وربما يوجد من لايعرف القصد بهذه التسمية لدينا بالعراق مثلا تطلق على تماس وشائع الفيز الواحد بالملفات ولا تطلق على التماس بين الفاز والارضي فتلك الاخيرة تسمى تسريب وكما تفضل استاذنا الفاضل (ابو قشة ) هذا التسريب له تيار معين حسب طبيعة الارض وموصليتها اذا صح التعبير وهناك عوامل عديدة تؤثر في تلك الحالة مثلا الرطوبة في الارض . نوع الارض . جهد الفيز الملامس الخ ....
في هذه النقطة بالذات توجد اجهزة حماية خاصة لاتعتمد على حمل القاطع بل على تحسس اي تسريب بين اي فيز والارضي ويسمى هذا الجهاز بالقاطع التفاضلي وتتوفر هذه القواطع بالاسواق حاليا وتجد عليها بيانات الحمل وادنى تيار تسريب ممكن ان تعمل فيه .
فيما تبقى من الاسئلة اتفق تماما مع الاستاذ ابو قشة بما ادلى به من معلومات .

[ابوقشه]

اقتباس المشاركة الأصلية كتبت بواسطة نعيم البديري السلام عليكم ورحمة الله // بعد اذن الاستاذ الكبير (الاستاذ ابو قشة ) فيما يخص المصطلح الدارج باللغة العامية (القفلة ) قد يختلف معناها في اماكن مختلفة من الدول العربية وربما يوجد من لايعرف القصد بهذه التسمية لدينا بالعراق مثلا تطلق على تماس وشائع الفيز الواحد بالملفات ولا تطلق على التماس بين الفاز والارضي فتلك الاخيرة تسمى تسريب وكما تفضل استاذنا الفاضل (ابو قشة ) هذا التسريب له تيار معين حسب طبيعة الارض وموصليتها اذا صح التعبير وهناك عوامل عديدة تؤثر في تلك الحالة مثلا الرطوبة في الارض . نوع الارض . جهد الفيز الملامس الخ .... في هذه النقطة بالذات توجد اجهزة حماية خاصة لاتعتمد على حمل القاطع بل على تحسس اي تسريب بين اي فيز والارضي ويسمى هذا الجهاز بالقاطع التفاضلي وتتوفر هذه القواطع بالاسواق حاليا وتجد عليها بيانات الحمل وادنى تيار تسريب ممكن ان تعمل فيه . فيما تبقى من الاسئلة اتفق تماما مع الاستاذ ابو قشة بما ادلى به من معلومات .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

وعليكم السلام ورحمة الله تعالى وبركاته
اخى الكريم ومهندسنا الغالى / نعيم البديرى
شرفنى مروركم الكريم فى هذا القسم ومداخلتك الطيبه فى هذا الموضوع وكل سنه وحضرتك واهل العراق الشقيق بالف خير وصحه وسلام
شكرا لك حبيبى