[reegolas cage]

السلام عليكم و رحمة الله و بركاته

الاخوة الافاضل اعضاء المنتدى

كل عام و حضراتكم بخير و نسال الله ان يتم نعمة علينا و نخرج جميعا من رمضان مغفوريين الذنوب

عندي سؤال بخصوص لوحة الشقة و توزيع دوائر الانارة و البرايز و السخان و التكييف في غرفة واحدة

عندي مكيف 2 و ربع حصان
و 2 جهاز كمبيوتر
و احمال انارة
و سخان بالحمام
بالاضافة الي احمال بسيطة كشواحن لابات و موبايلات

ايه الفرق بين اني اغذيهم كلهم من كابل 4 ملي خارج من MCB 40 A مثلا
بمعنى هخليهم كلهم علي نفس المفتاح و نفس اللينة " بلغة الفنيين "

و ايه الفرق بين انى اغذيهم من كابل اربعة ميلي ..... لكن اقسمة لينيات بمفاتيح MCB
يعني يكون مثلا المفتاح الرئيسي MCB 40 A
و مفتاح دائرة الانارة 16 امبير
و مفتاح دائرة البرايز 16 امبير
و مفتاح السخان 25 امبير
و مفتاح التكييف 25 امبير

انا شوفت مكاتب متوصله علي مفتاح واحد و شوفت مكاتب متوصله علي كذا مفتاح و كذا دائرة

ايه الفرق بين الطريقتين و ايهما افضل

[mahmadsolimanra]

أكيد قسمهم على لنيات افضل كل حاجه على مفتاح اتوماتيك
خلى بالك السلك العمومى (( 4 ملى )) صغير على ماذكرته من الاجهزه
انته محتاج سلك عمومى (( 6 ملى ))
التكييف لوحده محتاج سلك (( 4ملى )) ومفتاحه الاتوماتيك 32 أمبير
السخان لوحده محتاج سلك (( 3ملى ))ومفتاحه الاتوماتيك 25 أمبير
البرايز سلك (( 3 ملى أو 2 ملى )) على حسب الاحمال التى تعمل على البرايز والمفتاح الاتوماتيك (( 20 أمبير أو 16 أمبير ))

أما الفرق
التوصيل على لنبه واتوماتك واحد
لو حدث شورت يعنى قفله حيفصل الكهرباء فى المكان بالكامل
خصوصن فى اليل وعند عطل جهاز وعمل صيانه له حتفصل الكهرباء
عن المكان بالكامل
اما التوصيل على عدد من النيات
حيكون كل جهاز مستقل لوحده يعنى يفصل او يعمل منفرد

[reegolas cage]

اقتباس المشاركة الأصلية كتبت بواسطة mahmadsolimanra أكيد قسمهم على لنيات افضل كل حاجه على مفتاح اتوماتيك خلى بالك السلك العمومى (( 4 ملى )) صغير على ماذكرته من الاجهزه انته محتاج سلك عمومى (( 6 ملى )) التكييف لوحده محتاج سلك (( 4ملى )) ومفتاحه الاتوماتيك 32 أمبير السخان لوحده محتاج سلك (( 3ملى ))ومفتاحه الاتوماتيك 25 أمبير البرايز سلك (( 3 ملى أو 2 ملى )) على حسب الاحمال التى تعمل على البرايز والمفتاح الاتوماتيك (( 20 أمبير أو 16 أمبير )) أما الفرق التوصيل على لنبه واتوماتك واحد لو حدث شورت يعنى قفله حيفصل الكهرباء فى المكان بالكامل خصوصن فى اليل وعند عطل جهاز وعمل صيانه له حتفصل الكهرباء عن المكان بالكامل اما التوصيل على عدد من النيات حيكون كل جهاز مستقل لوحده يعنى يفصل او يعمل منفرد

جزاك الله كل خير علي الاهتمام و المساعدة و جعله الله في ميزان حسناتك

بس لو عندى مكتب في تكييف واحد و نص حصان و جهازين كمبيوتر و احمال انارة و برايز فقط

لا مانع من ان يكون كابل التغذية 4 ملي ؟؟؟؟

[mahmadsolimanra]

انته محتاج سلك عمومى (( 6 ملى ))
اما السلك (( 4 ملى )) يعمل ايضن عندك فى المكتب ولاكن
1- هل عندك الفولت لا يقل عن (( 210 فولت ))
2- هل لن تضع احمال على البرايز (( سخان شاى ))
3- هل لن تزيد الاحمال فى المكتب فى المستقبل (( اجهزه جديده ))

خلى بالك حيكون السلك (( 4 ملى )) على اخرو يعنى محمل على اقصى حد له بمعنى فى اوقات الذروة السلك يسخن