عاوز اسال على ارسال الاشاره الكهرومغناطسيه

[mtm4song]

دلوقتي انا عندي فكرة عن الاشارات الديجتال 0 , 1

في الاصل هيا اشارات كهربيه dc متقطعه 0000 1111 كدا على سبيل المثال

طيب لو انا عاوز ابعت الاشارات دي في هوائي ANTENNA

لازم احولها لمتردد AC وبعدين ابعتها عاوز اعرف

المفروض لازم عشان ابعت اشاره من الهوائي لازم تكون AC متررددة
عشان ينشاء مجال كهرومغانطيسي ؟؟

الاشاره وهيا بتببعت من الهوائي الى هوائي اخر بتكون انالوج بس بتعبر عن شكل اشاره الديجتال الى هيا زي كدا موضوع شفرة مورس بدوس على زرار معين
وفي نفس الوقت في حد في الطرف التاني بيسمع اشاره كل زرار كاني بلظبط
ببعت 000 1111 اصفار وواحيد صح كدا ؟؟

محتاج توضيح في الموضوع دا يا ريت

[flaxder]

وضح انت عايز انهو جزء بالتحديد
لاحظ ان
ارسال الاف ام هو تغيير تردد الاشاره الحامله تبعا للتغير في الشاره المحموله مع ثبات الاتساع
وشكرا

[mtm4song]

المشاركة الأصلية كتبت بواسطة flaxder

وضح انت عايز انهو جزء بالتحديد
لاحظ ان
ارسال الاف ام هو تغيير تردد الاشاره الحامله تبعا للتغير في الشاره المحموله مع ثبات الاتساع
وشكرا

انا عاوز اعرف الاشاره بتتبعت زي ما هيا dc في الهواء
ولا بتتحول ل ac ??

[ماجد عباس محمد]

لاحظ أن الإشارات الديجيتال لا تردد محدد لها فقد تكون نبضة و تتغير على فترات طويله وقد تكون نبضات بسرعات عالية وقد تتغير ما بين الحالتين حسب الحاجة لذا يجب تضمينها أولا على موجة حاملة Carrier wave
التضمين يكون بإحدى الطرق العديدة المعروفة مثل تعديل اتساع AM أو تعديل تردد FM وهما غالبا الأقل استخداما و هناك نظم أخرى مثل إزاحة التردد FSK و الأكثر شيوعا هو تعديل الوجه Phase Modulation وهو ما اتاح إرسال ترددات حتى 54 ك على خط التليفون الذى صمم ليرسل 4 ك فقط و حاليا بهذه السرعان الأعلى بنظم ADSL و التى تصل إلى 8 Mbit/s على خط التليفون

هنا جدول لأنواع التضمين المستخدمة للإرسال الرقمى و غيرة من الإستخدامات الأخرى
https://en.wikipedia.org/wiki/Orthog...n_multiplexing

[mtm4song]

المشاركة الأصلية كتبت بواسطة ماجد عباس محمد

لاحظ أن الإشارات الديجيتال لا تردد محدد لها فقد تكون نبضة و تتغير على فترات طويله وقد تكون نبضات بسرعات عالية وقد تتغير ما بين الحالتين حسب الحاجة لذا يجب تضمينها أولا على موجة حاملة Carrier wave
التضمين يكون بإحدى الطرق العديدة المعروفة مثل تعديل اتساع AM أو تعديل تردد FM وهما غالبا الأقل استخداما و هناك نظم أخرى مثل إزاحة التردد FSK و الأكثر شيوعا هو تعديل الوجه Phase Modulation وهو ما اتاح إرسال ترددات حتى 54 ك على خط التليفون الذى صمم ليرسل 4 ك فقط و حاليا بهذه السرعان الأعلى بنظم ADSL و التى تصل إلى 8 Mbit/s على خط التليفون

هنا جدول لأنواع التضمين المستخدمة للإرسال الرقمى و غيرة من الإستخدامات الأخرى
https://en.wikipedia.org/wiki/Orthog...n_multiplexing

تمام انا فهمت حضرتك انو الاشاره الديجتال 0- 1 بيتعملها modulation


تمام كدا هل التعديل دا بيكون DC ولا AC

يعني انا معايا اشاره ديجتال DC وعاوز اعملها تعديل ها اعملها AC ??

انا شوفت معلومه في الهوائيات ANTENNA بتقول لازم الاشاره الداخله للهوائي
تكون مترددة AC مش DC عشان اقدر ابعتها في الهواء .؟؟

مع انو كل دواير FM والراديو فيها هوائيات التقاط وممكن ارسال بتكون DC
وبتشتغل ببطاريه ؟؟

[ماجد عباس محمد]

المشاركة الأصلية كتبت بواسطة mtm4song

تمام انا فهمت حضرتك انو الاشاره الديجتال 0- 1 بيتعملها modulation


تمام كدا هل التعديل دا بيكون DC ولا AC

يبدو انك لم تستوعب الأمر
التضمين أو Modulation كما هو فى الصورة الى انت رفعتها انك تستخدم موجة حاملة و لها تردد معين يعنى AC و بعد كدة اغير فى أحد خواصها حسب الإشارة الديجيتال
يعنى عندما تكون صفر يكون مثلا الاتساع 2 فولت و عندما يكون 1 يكون الإتساع اكبر قليلا أى 2.5 فولت مثلا
أو عندما تكون صفر يكون مثلا التردد كذا و عندما يكون 1 يكون التردد محتلف قليلا

يعني انا معايا اشاره ديجتال DC وعاوز اعملها تعديل ها اعملها AC ??

لا انا باستخدم تردد مولد من دائرة متخصصة لتقوم بالتغيير الذى شرحته

انا شوفت معلومه في الهوائيات ANTENNA بتقول لازم الاشاره الداخله للهوائي
تكون مترددة AC مش DC عشان اقدر ابعتها في الهواء .؟؟

مع انو كل دواير FM والراديو فيها هوائيات التقاط وممكن ارسال بتكون DC
وبتشتغل ببطاريه ؟؟

ما دخل البطارية بالإشارة التى يستقبلها الراديو؟؟
البطارية مصدر للطاقة لتتمكن الدوائر من التكبير زى ما انت تحتاج للأكل علشان تفكر و تشتغل
هل منطقى أن نقول كيف و انت تناولت "خبز و بيض" على الإفطار تستطيع السير حتى الحى المجاور ثم تقوم بالتفكير وحل مشكلة ما؟؟

[flaxder]

اخي mtm
ركز معايه قوي في السطرين اللي جايين دول
الا نتينا تعتبر اداه تحويل من شكل للطاقه الي شكل اخر مثله مثل السماعه تحول الطاقه الكهربيه الي طاقه صوطيه واللمبه تحول من الطاقه الكهربيه الي الضوءيه والسخان يحول الطاقه الكهربيه الي طاقه حراريه جهاز الطلاء بالكهرباء يحول الطاقه الكهربيه الي طاقه كمياءيه سماعه البيزو تحول الطاقه الكهربيه الي طاقه فوق صوطيه
يعني محول الطاقه هو تغيير شكل طاقه الي اخري
ماشي كده لو انت جبت سيخ حديد وقمت بتنيه اكثر من مره فان ايدك تعتبر اداه تحول الطاقه من حركيه الي حراريه لان ناتج الثني اكتر من مره بيسخن سيخ الحديد ماشي كده
طيب يبقي فيه ثلاث اشياء يجب التنبه جيدا لهم اوله الاداه والطاقه المستخدمه والطاقه الناتجه
الان هل يمكن استبدال اداه مكان اداه اخري
لاينفع استبدالها طبعا يعني
الخليه الجلفانيه تحول الطاقه الكمياءيه الي طاقه كهربيه ولمبه التنجستين تحول الطاقه الكهربيه الي طاقه ضوءيه ففلا يمكن ان تحول الخليه الجلفانيه الطاقه الكهربيه الي ضوءيه
خلاصه ما سبق هو قانون نيوتن الطاقه لا تفني ولا تثتحدث من العدم ولاكن تتحول من شكل الي شكل اخر
نعود مره اخري الانتنا مثل الخليه الجلفانيه الطاقه الكميا ءيه لها صور كثيره وعناصر كثيره ولاكن علشان تنتج كهرباء يجب ان يكون مكونات اخليه تكون معينه وتركيبها وهيءتها تكون معينه لكي تعطي كهرباء
يعني لو جبت حمض الكبريتيك المخفف ووضعته في الخليه فان النات ج يكون كبرته النحاس والخارصين والناتج يكون كبريتات الخارصين وكبريتات النحاس وماء ولا تنتج الكهرباء نهاءيا
اما لو حطينا محلول ملحي لمعدن النحاس فانك تري عمليه الاتاين وتدفع الالكترونات خارج البطاريه مماينتج الكهرباء
يعني هناك اختلاف فبين حمض الكبريتيك المخفف ومحلول ملح النحاس هوه ده بالظبط الفرق بين االتيار الثابت والمتغير فالمواد الموضوعه في الخليه هي مواد كمياءيه بس انهو اللي هايشغلها علي حسب طريقه تشغيلها التيار المتناوب والمستمر يعتبرو طاقه كهربيه لاكن ايهم يستطيع ان يجعل الانتينا يعمل
لاحظ ان الانتينا يحول الطاقه الكهربيه الي طاقه كهرو مغناطيسيه
بمعني اخر تخيل وجود حصان وافترض وجود عربيه بقدره واحد حصان العربيه بتاكل بنزين علشان تمشي والحصان محتاج برسيم علشان يمشي هما الاتنين بيمشو بس الاختلاف فين ان البنزين للاستفاده منه في السياره يجب ان يخلط بالهواء وبعدين شوط الحرق وبعدين شوط العادم وهازا مالا يوجد في الحصان يقوم بتقطيع البرسيم وطحنه ثم هضمه ولا يجوز استبدال البرسيم بالبنزيم كل علي حسب طريقه عمله
اذا يجب معرفه طريقه عمل الانتينا عند تطبيق تيار مستمر
عند مرور تيار مستمر في الانتينا فانه ينشاء مجالين او قوتين مجال مغناطيسي حول السلك المكون للانتينا ويكون اتجاهها حسب قاعده اليد اليمني ومجال كهربي ويكون اتجاهه من القطب الالموجب الي السالب طيب ما الفرق بين التيار الثابت والمتغير ان الثابت ثابت في الاتجاه والمتغير متغير في الاتجاه مع الزمن
يعني الاقطاب مابتتغيرش
لما طبقنا التيار المستمر علي الانتينا الانتينا كون مجال كهربي ومجال مغناطيسي ولاكن ثابتين الاتجاه وهوه ده مكونات الموجه الكهرو مغناطيسيه بس في المستمر مابيكونوش بيمشو
تذكر ان الموجه الكهرو مغناطيسيه مكونه من مجال كهربي ومغناطيسي متعامدين ويسيرو معا في نفس الاتجاه
في الدي سي مابيكونوش متعامدين وبكدا ما ما بيمشوش مع بع التعامد معناه ان اقصي مجال كهربي يقابله اقل مجال مغناطيسي وبمعني اخر ان المجال الكهربي يسبق الاخر ب90درجه
طيب في التيار المتغير لو اخزنا جزء من الانتينا وليكن واحد ميلي وعلمناه وطبقنا موجه جيبيه باي تردد ايه الي هايحصل عندالانتينا اول لما تدخل الاشاره الي الانتنا عند نقطتين التوصيل ينتج مجال كهربي باتجاه معين يسري هازا المجال بطول الانتينا لغايت لما تخلص الدوره الموجبه ثم تنقلب القطبيه عند المنتصف ثانيه وينتج ثانيه مجال كهربي في اتجاه معاكس عند الابتداء في موجه جديده فان اتجاه مجالها يكون معاكس لاتجاه الموجه السابقه ممايدفع الموجه الاولي بعيده عنالثانيه بسبب اختلاف القطبيه بين الموجتين عند نقطه التغيير ودا هوه لغز الانتينا الذي يجهله معظمنا وبالنسبه للمجال المغناطيسي فهو مثل المجال الكهربي مما يجعلهم يتركو الانتينا في شكل متعامد ويسيرو في الفضاء
وشكرا

[flaxder]

ملحوظه الموجه الكهرو المغناطيسيه تتعرض لمعاوقه تضعف من شدتها وتعتمد المعاوقه دي علي النفاذيه النسبيه والقابليه المغناطيسيه لوسط الانتشار وهما مكونين لمعامل اسمه ثابت النتشار وهذا الثابت يتغير من وسط لاخر
وشكرا