[عمروعمرو]

الماتور كان داير و فيه رفة، غيرت له جلب واكس بالبوبينة، بقي بيزن و ما يدورش، و مقدرش ادوره بايدي طول ما موصل بالتيار ،الملف شغال ، الكباستور شغال، الجلب جديدة، يكون العيب من الموبينة؟

[Ahmed Elbhiry]

اقتباس المشاركة الأصلية كتبت بواسطة عمروعمرو الماتور كان داير و فيه رفة، غيرت له جلب واكس بالبوبينة، بقي بيزن و ما يدورش، و مقدرش ادوره بايدي طول ما موصل بالتيار ،الملف شغال ، الكباستور شغال، الجلب جديدة، يكون العيب من الموبينة؟

عيب ميكانيكى وهو :
عدم سنطره جلب الموتور والاكس مع العضو الثابت
يجعل الموتور يلصق عند مرور التيار بالملفات

[عمروعمرو]

و ايه الحل يا بشمهندس احمد؟ يعني اعمل ايه عشان اعالج العيب ده؟

[Ahmed Elbhiry]

اقتباس المشاركة الأصلية كتبت بواسطة عمروعمرو و ايه الحل يا بشمهندس احمد؟ يعني اعمل ايه عشان اعالج العيب ده؟

المروحة نوعها ايه
أكيد توشيبا وش صاج

[عمروعمرو]

بالظبط يا بشمهندس احمد، الله يفتح عليك، توشيبا وش صاج عامودي.

[Ahmed Elbhiry]

هذه المروحة من أرزل انواع المراوح وأسوء تصميم
ولكن تثبيت الجلب الجيد يكون بتثبيت الغطاء بحيث يضغط على السوستة ضغط جيد ولا يسمح للجلب بالتحرك عمودى على الاكس
واذا كان الاظافر بتاعت الغطاء طريه او مكسوره تلغى وأستخدم برشام 4مم للتثبيت

[عمروعمرو]

من كلامك فهمت ان السبب الغطا او الضوافر، الماتور كان وقع و يظهر الغطا اتعوج، لو ما عرفتش استعدله علي الله الاقي غيره.

[Ahmed Elbhiry]

لو لقيت غطيان مستعمله غيرها بالوش وريح نفسك
كان الله فى العون