مساعده

[ahmed73]

السلام عليكم ورحمة الله وبركاته
ممكن يا اهل الخير مساعده لوجه الله
فى لوحه اليكترونيه بيشرحها ناس من الروس هى كنترول لتحكم سرعة الموتور وتغير اتجاهه
بس انا مش عارف افهم حاجه منهم
اسم اللوحه 1085 dta
ممكن حد يساعدنى لوجه الله
وشكرا

[ماجد عباس محمد]

البحث لم يعطى نتيجة محددة لشيء
رجاء وضع رابط

[ahmed73]

المشاركة الأصلية كتبت بواسطة ماجد عباس محمد

البحث لم يعطى نتيجة محددة لشيء
رجاء وضع رابط

https://youtu.be/D7tTxY6o0dY

[ماجد عباس محمد]

أولا هى TDA1085 و ليست dta
ثانيا هذا رابط الداتا شيت لها
http://www.datasheetspdf.com/datasheet/TDA1085%20.html
يمكنك تنزاله و ستجد وصفها و الدائرة اللازمة لتشغيلها
هى مصممه لعمل دائرة تحكم فى سرهة موتور باستخدام ثايريستور

[ahmed73]

المشاركة الأصلية كتبت بواسطة ماجد عباس محمد

أولا هى TDA1085 و ليست dta
ثانيا هذا رابط الداتا شيت لها
http://www.datasheetspdf.com/datasheet/TDA1085%20.html
يمكنك تنزاله و ستجد وصفها و الدائرة اللازمة لتشغيلها
هى مصممه لعمل دائرة تحكم فى سرهة موتور باستخدام ثايريستور

والله انا اسف فعلا للازعاج
حضرتك والله انا مش بفهم فى الاليكترونات انا بتاع ديكور وصدقنى انا ظروفى ما تسمح بانى اشترى دايره جاهزه
انا محتاج انى اعمل الدايره ديه عشان اعمل بيها دولاب خزف عشان اعمل بيها شغل واسوقه عشان انا والله مش بقدر اعمل مجهود كتير عشان ظهرى فى مشاكل وانا والله مش بشتغل من سانة 2011 ساعة الثوره لانى كنت واخد قريه سياحيه فى الغردقه والله خسرت كل شى والتعب ده شد عليا ومحتاج اعمل شغل بسيط واسوقه عشان اجيب منه مدخول والله انا مش بفهم فى الاليكترونات والكهرباء وممكن اللوحه ديه تمشى مع موتور عادى زى مواتير الغسالات القديمه ولا لازم نفس الموتور الغساله الاتومتيك
وهل فى دايره ممكن اسرع بيها الموتور واعكس حركته واعمل استوب وتشغيل من خلال اللوحه ديه
بس اللى محتاحه ازاى اركب المكونات ديه مع بعضها مع مفتياح السرعه وعكس الحركه وفتح الباور وغلقه
رسم كروكى بس كده من خلاله يبين العناصر مع بعضها
وانا اروح اطبع اللوحه عند عند رام تك واجيب العناصر واركبها مع بعض
والله انا اسف بس لولا الظروف ديه ما كنت زهقت حضرتك او تعبتك بس والله ديه مشكلتى
انى اعرف طريقة تركيب السوتشات التحكم على اللوحه وتوصلها مع الموتور
بالله عليك لا تغضب منى بس حبيت اوضح لحضرتك مشكلتى
وشكرا

[ماجد عباس محمد]

معذرة انا لم افهم شيئا
هل اشتريت TDA1085 و محتاج الدائرة؟
و مادام رام يستطيع أن يعملها لك ، ما المشكلة إذن و الدائرة موجودة فى الداتا شيت هو يعرف يعملها

كل نوع موتورات له دوائر تخصه للتحكم فى السرعة و الإتجاه

لو سألته سيدلك

[mr.kamba]

معذرة سؤال لو سمحت انتا عايز تعمل دولاب يكون بداخله ماتور يلف الارفف اللى بتعرض عليها الخزف ولا انا فهمت غلط

[ahmed73]

المشاركة الأصلية كتبت بواسطة mr.kamba

معذرة سؤال لو سمحت انتا عايز تعمل دولاب يكون بداخله ماتور يلف الارفف اللى بتعرض عليها الخزف ولا انا فهمت غلط

لا حضرتك عايز اعمل ماكينه اشتغل عليها الخزف حضرتك لو كتبت فى اليوتيوب دولاب لصنع الخزف هتفهم قصدى
هو ماكينه بنصع من خلالها الخزف عباره عن منضده تحت منها موتور وداوسه قدم بتدوس عليها من خلالها تزود سرعة الموتور وتقلله وتعكس اتجاهه بس انا شوفت لوحه اسمها tda 1085 من خلالها اقدر اتحكم فى سرعة الموتور وعكس الحركه بس مش عارف توصيل المفتايح مع البورده والموتور اازاى واللوحه ديه بتشتغل مع موتور غساله اتوماتيك ممكن تمشى مع اى موتور تانى