[4web]

السلام عليكم ورحمة الله

الإخوة الكرام أوجة مشكلة في جهاز DVR متوقف علي شاشة البوت

المشكلة بدأت فجأة حصل تهنيج في الجهاز فقمت بفصل الكهرباء عنه وإعادتها فتوقف من وقتها علي شاشة البوت ولا يفتح ليظهر الكاميرات

علماً بإنني ذهبت للشركة مرتين وقاموا فيها بشحن سوفت firmware للجهاز وبعدها يعمل وبعد التركيب في مكاني بعد يوم واحد تعود المشكلة مرة أخري

المشكلة تكررت ثلاث مرات بعد شحن سوفت للجهاز يعمل لمدة يوم او يومين وتعود المشكلة مرة أخري

فمن أين تأتي المشكلة بالظبط ؟

علماً بإن باور الجهاز 12 فولت 2 امبير تابع للجهاز ,وباور الكاميرات هو باور سبلاي منفصل

[محمد حليمة]

الفلاش عم يفضي شحنة تلقائي تالف ويجب تبديله

[4web]

اقتباس المشاركة الأصلية كتبت بواسطة محمد حليمة الفلاش عم يفضي شحنة تلقائي تالف ويجب تبديله

طيب يا فندم أيه سبب ان الفلاش بيفضي شحنة ؟

هل في سبب معين أخلي بالي منه عشان أتجنب تكرار المشكلة

[محمد حليمة]

عدم استقرار الكهرباء يؤدي لافراغ الفلاش
او الفلاش تالف

[4web]

اقتباس المشاركة الأصلية كتبت بواسطة محمد حليمة عدم استقرار الكهرباء يؤدي لافراغ الفلاش او الفلاش تالف

مش عارف اشكر حضرتك ازاي يا أستاذ محمد ,انا شحنت الجهاز مرة أخري وهغير الأدابتور الأصلي بأخر وهجرب وإن شاء الله يكون خير

إستفسار أخر بعد إذنك ,في كاميرا واحدة فيها ريجة أو الصورة بتكون مهزوزة قليلاً زي الفيديو دا

https://www.youtube.com/watch?v=K4EFTQyRrKE

فتتوقع حضترتك فين المشكلة هل في الكهرباء ام ال bnc ام الكابل ؟

[Switch]

السبب الرئيسى لضرب الفلاشه او ضرر السوفت (هاكر) من قبل الشركات المنافسة وتظهر المشكلة بكثرة على الاجهزة المثبت عليها (OP) (Static IP) الاستاتيك آى بى ولحل المشكلة نهائى يجب تغيير default password ويفضل اضافه * % $ * & داخل الباسوورد

[4web]

اقتباس المشاركة الأصلية كتبت بواسطة Switch السبب الرئيسى لضرب الفلاشه او ضرر السوفت (هاكر) من قبل الشركات المنافسة وتظهر المشكلة بكثرة على الاجهزة المثبت عليها (OP) (Static IP) الاستاتيك آى بى ولحل المشكلة نهائى يجب تغيير default password ويفضل اضافه * % $ * & داخل الباسوورد

الف شكر يا بشمهندس ,انا فعلاً كنت حاطط IP ثابت ومكنتش بحط باسورد علي الجهاز

طيب هو حالياً السوفت طار وواقف علي شاشة البوت ,هل في حل ممكن أعملة بنفسي أقدر أرجع السوفت ؟

علماً بإن دي صورة البوردة والسوفت الخاص بالجهاز





وشاكر لتعب حضرتك جداً

[Switch]

وعليكم السلام
حقيقى دا هكر ..لاننى على علم بهذا العالم (الهاك)
لابد من عمل باسوورد
وبعد عمل الباسوورد وتشغل الجهاز احتمال كبير حتلاقيه يفتح ويقبل لمدة يوم او يومين او خلال يوم محدد من الاسبوع ودا حتعرفه من خلال مراجعتك للتسجيل ودا ناتج عن محاوله الهاكر اختراق الجهاز وبعد تكرار محاولة الدخول الفاشلة 5 مرات يقفل الجهاز ويفتح فيحاول الهكر 5 محاولات فيقفل الجهاز ........وهكذا حتى يمل ويترك الاستاتيك لذلك اكرر لابد من وضع %$&# اى علامة مع حروف وارقام كى يصعب اختراقها ومتنساش وانت بتغير الباسوورد تضع علامة صح على الادمن والديفولد
اما بالنسبة للسوفت لايوجد جهاز للتعامل مع الدى فى ار عن طريق RX ,TX فيستخدم بدلا منه مبرمجة اى سى ونقوم باستخدام الهوت اير بنزع اى سى الفلاش 8 طرف وبعد قراءة الفلاشه ..( يلزم ممارسة وللعلم هناك اكثر من بروتكول على الاى سى ) نقوم بنزع اى سى الجهاز المعطوب ثم نقوم بكتابه الفلاشه التى قمنا بسحبها على الاى سى ونرده مكانه باستخدام الهت ثم نبرد المازر بورد ونجرب .....وهكذا حتى يعود الجهاز لحالته... والله الموفق والمستعان