المشكله باختصار ان الثلاجه دى من سنه وفيها المشكله دى المشكله ان الزبون اتصل بيا علشان الثلاجه مش بتبرد قوى روحت فكيت لقيت الكويل مشمع ثلج نصفه والنصف الثانى مش مشمع شكيت فى امرين اما سدد او تسريب غيرت المكثف بتعها اللى كان جانب الماتور بمروحه وجبت شبكه 12 ملف ربع وغيرت الكابلرى وجبت كابلرى 036 لان ماتورها زانوسى ثلث حصان وعملت ماسوره راجع خارجيه ولفيت الكابلرى عليها ونضفت الدايره وشحنت
بعدها بشهر اتصل الزبون تانى وقالى نفس المشكله تانى روحت لقيت الكويل برضوا مشمع نصفه والنصف الثانى مش مشمع قيست الضغط لقيته 15 تحت الصفر يعنى تفريغ قولت اديها شويه شحن واشوف للاسف اول مااديتها شويه شحن لقيتها عملت ثلج على الراجع كده اكيد فى سده فكيت المواسير لقيت الكويل والشبكه كلها زيت اسود جامد فغيرت الماتور وجبت ماتور جديد ثلث حصان زانوسى 90 وغيرت الكابلرى تانى ونضفت وشحنت بعد اسبوعين الزبون اتصل بيا تانى روحت لقيت الامبير منخفض والضغط كان 15 تحت الصفر يعنى تفريغ والكويل ملف واحد اللى مشمع والباقى مفيش اى تشميع
قولت للزبون اكيد فى تسريب ولازم اخد الثلاجه عندى اخد الثلاجه عندى على امل ان يكون فى سدد اوتسريب لما فكيت الشحن لقيت مفيش سدد والمواسير نظيفه مافهاش زيت فقولت كده فى تسريب خبيث فكيت الكويل لوحده وضغطه بالهواء على ضغط 300 وكشفت عليه فى المياه مفيش تسريب قولت اضغط الشبكه لقيتها مفهاش تسريب جمعت الثلاجه تانى ولحمت وعملت فاكيوم بطلمبه فاكيوم وهسبها للصبح انا عامل الفاكيوم من الساعه 12 بالليل والساعه دلوقتى 2 يعنى بقالى ساعتين ومفيش تسريب والضغط ثابت 30 تحت الصفر
فياترى المشكله بتاع الثلاجه دى فين بالضبط علشان الزبون صرف عليها جامد وزهق ارجو الاهتمام والرد فى اقرب وقت
ملاحظه
1- انا شحنت الثلاجه دى اخر مره بالاسطوانه 13 كيلو والاسطوانه كانت بتشطب وخلصت شحن والاسطوانه خلصت خالص هل الموقف ده ممكن يعمل مشكله فى الثلاجه
2- الكويل بتاع الثلاحه دى لايوجد فيه مجمع للسائل هل ده فى مشله
3- الثلاجه وهى شغاله حوالين باب الفريز فى الساج الخارجى مثلج جامد يعنى ساقع جامد قوى لدرجه انه عمل تكثيف مياه دى فى مشكله
4- كل مره بشحن بيسيب بلف شحن فى الثلاجه هل ممكن البلف يكون الابره بتاعته سربت
مشكله شاذه جدا فى ثلاجه ايديال نوفروست 18 قدم
عبدالسلام وادي عتبة ( أعجبته المشاركة )
