اخي myussef
بعد التحية، اديني رأيك في الطريقة دي في الفاكيوم بماتور التلاجة نفسها (و طبعا فيه مشكلة عدم التأكد من ازالة الرطوبة بالكامل):
١- نلحم ماسورة (ربع بوصة مثلا) علي الفلتر و نلحمه مكانه.
٢- نركب جدج الضغط الواطي علي بلف الشحن عند الماتور.
٣- ندور الماتور لغاية الجدج ما يقرا -٢٨ او -٢٩ (طبعا ده ضغط المبخر و الراجع ، بالنسبة للمكثف ضغطه صفر).
لو ان الضغط مش راضي ينزل مثلا -٢٢ و لا -٢٣ يبقي فيه تنفيس او ضعف في الكباس و علشان نحدد نخفس و نلحم الماسورة و نبطل الماتور لو الضغط لم يثبت بعد شوية يبقي تنفيس.
٤- نسيب الماتور داير حوالي تلت او نصف ساعة علشان يخرج الرطوبة من المبخر و الراجع و بعدين نشحن شوية فريون صغيرين (الجدج مفتوح كراك)علشان يطرد هوا اكتر و نخفس و نبطل شحن و نلحم الماسورة (طبعا ممكن يكون لسة فيه رطوبة في المكثف تسدلنا مدخل المبخر عند التشغيل و ده عيب الفاكيوم بماتور التلاجة نفسها)
٥- نبطل الماتور ، الضغط هيزيد فيوصل ل-٢٧ او -٢٦ بسبب الهوا اللي لسة في المكثف بعد كده يثبت و نسيبه شوية يبقي مفيش تنفيس، بعد كدة نشحن علي طول.
عارف ان انت مشغول بس ياريت اول ما تزور الموقع تكتب مشاركة في هذا الموضوع.
و ربنا يوفقك و يبارك لك في بيتك و عيالك
سؤال لاخي myussef في الفاكيوم بماتور التلاجة نفسها
عبدالسلام وادي عتبة ( شكر العضو على هذه المشاركة )
عبدالسلام وادي عتبة ( أعجبته المشاركة )
