انفراد : وداعا للطباعه بالمكوى .. الطباعة على البارد بالثنر

[emadhed]

تجربتى تجربة حقيقية بقالى 6 شهور استغنيت تماما عن الطباعة بالمكوى و الطباعه بالسلك سكرين الى ما تتناسبش مع الهواه او الكميات الصغيرة

الان اقدم لكم تجربتى الحقيقية مع نوع جديد من الطباعه الطباعة باستخدام الثنر (thinner)

1- الثنر مادة بتستخدم فى تخفيف البويات و الدوكو و بالتالى الاحبار و يباع لدى محلات بيع الدوكو بنقاوة 82% و عند محلات بيع اددوات و مستلزمات المعمار مثلا البويات

2- كنت دايما بدور على وسيلة فعالة و سريعه و غير مكلفة و اى حد حتى لو طفل يقدر يقوم بيها و جيدة جدا جدا فلقيت بعض الطرق فى الطباعة باستخدام الاسيتون مضاف اليه الكحول بنسبة 3 اسيتون الى 8 كحول و فشبت التجربة لان الاستيون الى عندنا و الكحول غير الى عند الخواجة

3- فقمت بالتجربة باستخدام الاسيتون فقط دون غيرة فاعطى نتيجة جيدة لكن احيانا المسارات بتفرض نظرا لقوة الاسيتون الزائدة عن الحاجة

4- فقمت باستبدال الاسيتون الغالى الثمن بالتنر او الثنر (
thinner) فاعطى نتيجة فعالى جدا تضاهى الطباعه بالسلك سكرن و افضل كتيييييييييييير من الطباعه على الساخن بالمكوى


5- الطريقة دورت عليها فى كل المنتديات العربية فلم اجد احد قد سبقنى اليها خاصة بعد 6 شهور من العمل بها و استغنيت بها حتى على السلك سكرين

الطريقة كالتالى:
==========
الطريقة من سهولتها لا تحتاج الى شرح
1- جهز البوردة بتنظيفها و صنفرتها بسلك تنظيف الاوانى الى بيستخدم فى مطابخنا

2- جهز التصميم المطبوع على برنتر ليزر عالى الجودة و باستخدام ورق الكوشية الى هو بيستخدم فى طباعة المجلات

3- لا تلمس سطح البوردة بعد تنظيفها و صنفرتها باصابع يدك

4- قم بقص التصميم بحجم البوردة

5- ضع القليل من الثنر على سطح البورد و قم بتوزيعه على السطح كاملا ثم ضع ورقة التصميم بعد قصها على البوردة

6- بعد وضع الورقه فى مكانها الصحيح انتظر 10 ثوانى ثم اضغط بيدك على الورقة دون ان تحركها من مكانها لمدة دقيقتين فى حالة اذا كان حجم البوردة كبير من الممكن وضع قطعه من الخشب على التصميم ووضع اى شي ثقيل فوق من منه لمدة دقايق

7- اترك البوردة لمدة 5 دقايق او اكصر لتكتمل عملية نقل التصميم الى البوردة و من الممكن الضغط مع التدليك بمنديل ورق على البوردة كلها و بشكل مستقيم لكن بدون مبالغة

8- ضع البوردة فى الماء لمدة ربع ساعه ثم قم بازالة الورق من فوق التصميم

9- قد نجد لون التصميم بعد الجفاف مال الى اللون الابيض خاصة اعلى التصميم (silk-screen) و لازالته قم بتدليكه جيدا بمنديل بع القليل من زيت الطعام

10- تستطيع تصحيح اى مسارات خاطئة ان وجدت بقلم ماركر

مميزات هذه الطريقة
========
1- رخص المواد المستخدمه
2- السرعه فى الطباعه و قلة الجهد المبذول
3- الدقة الرائعه جدا جدا
4- سهولة ازالة الورق من على البوردة بعد الانتهاء من الطباعه عكس الطباعه بالمكوى

[emadhed]

قريبا سادرج فيديو او صور للموضوع و لكن الطريقة زيها زى المكوى فى كل شي عدا اننا بنستخدم الثنر فى نقل التصنين بدلا من الحراره

[سعيد عويطة]

شكراً وبارك الله فيك.....سوف ابحث عن التنر واجربها

[emadhed]

ناجحة جدا جدا و نسبة الدقة تقارب السلك سكرين ان لم تعادلها

اهم شي استخدام ورق كوشية بتاع المجلات الى بيلمع و الطابعه تكون بتطبع كويس

و باقى الخظوات عادية جدا بعد تجهيز كل شي حط شوية تينر على البوردة وةو حط التصميم و اضغط بايدك لمدة دقائق او حط اى ثقل على البوردة و بعدها اترك البوردة لتجف تماما لمدة دقائق اخرى و بعدها ضعها فى الماء و ممكن تلمعها بقليل من الزيت و منديل ورق بعد الانتهاء

[emadhed]

الطريقة تصلح ايضا للطباعه على اى شي بلاستيك او حديد او حتى خشب
و كذلك الاقلام و المساطر بتاعة اولادنا فى المدارس و خلافه

[ayam]

شكرا لك جزاك الله خيرا

[emadhed]

دى صورة الطباعة و جودتها زيها زى سلك سكرين حتى على ال pcb بنفس الجودة

مع العلم ان البرنر عندى الحبر فيه مش كويس لان الخرطوشة بتاعة الحبر تقليد مش اوريجينال








و دى ال لاpcb بعد الطباعة




و دى ال pcb بعد التحميض مع العلم ان الحمض عندى خلاص بيقولى ارحمنى من كتر الشغل






و دى صورة الطباعة قبل التلميع و ما تتخضش منديل ورق او قطنه عليها زيت اكل و قم بتدليكها بعد ما تجف تماما هتبقى زى الفل






باكد التينر لو عالى التركيز زى الى بيتباع عند بتوع الدوكو النص لتر 30 جنيه ده مش هينفع لازم يكون تنر من الى بيتباع عن بتوع الحدايد و البويات اللتر ب 10 جنيه يعنى تينر مغشوش

و لو عندك تنر عالى التركيز يبقى تغشه بانك تقلل تركيزه باضافة حكول

لانه لو عالى التركيز مجرد ما هتحط التصميم الحبر هيسيح على بعضه فلازم يكون تركيزه قليل علشان ياخد وقت لحد ما يبدا يعمل تفاعلاته مع الحبر و يسحبه من الورقة للبورده

[ah-22]

شكرا اخي ولكن كيف يتم طبع الجزء العلوي (تموضع القطع). هل يتم بنفس طريقة الطبقة النحاسية السفلى.
مع تقديري