[عمروعمرو]

أرجو المساعدة في دايرة حماية ماتور مياه من إنقطاع التغذية

الفكرة اﻷساسية انه في حالة ضعف الحمل علي الماتور الفولت علي ملف الريلاي يهبط فيفصل الماتور.

1- وضع التلامسات في الرسم عندما عوامة الخزان دايرة مفتوحة.

2- عند قفل دايرة عوامة الخزان لو فيه تغذية مياه كفاية :
-ريليه1 يلقط يعني تلامس nc بقي دايرة مفتوحة.
-التايمر أون ديلاي مش لاقط يعني تلامس no دايرة مفتوحة.
-ريليه2 مش لاقط يعني تلامس nc دايرة مقفولة و الماتور يدور.

3- لو المياه ضعفت سوا في وقت التقويم او اي وقت:
- ريليه1 سقط و تلامس nc دايرة مقفولة.
- تايمر أون ديلاي لقط تلامس no دايرة مقفولة.
- ريليه2 لقط و تلامس nc دايرة مفتوحة و الماتور يفصل لغاية ما نعمل رست للدايرة.

4- حطيت تايمر أون ديلاي بدل ما أوصل النقطة المقفولة في ريليه 1 علي طول لكويل ريليه2 علشان تأخير لقط الريليه التاني ثانية واحدة لغاية ما ريليه 1 يلقط فلو ريليه 2 أسرع فب اللقط الدايرة حتبقي مفتوحة علي طول.

5- هوصل الدايرة علي ماتور مياه 2.2 ح
-تيار التشغيل لو ضغط المياه طبيعي 8.34 أمبير.
-الفولت عند الماتور (2.5-3 م من الماتور مكان تركيب الدايرة) 194 ف .
- مما سبق ممانعة الماتور 23.20 أوم.
- هختار ريلاي 1 يكون 5 فولت عشان ما يعاكسش الماتور في التقويم.
- مما سبق ممانعة ملف الريلاي = 23.2 أوم *5 فولت / 189 فولت = 0.61 أوم

أرجو منكم:

1- المراجعة
2- المساعدة في تحديد الريليه المناسب بحيث يفصل لو الفولت الواصل له نزل ل 75% من المقرر يعني 3.75 ف و المطلوب طبعا ان يتحمل الملف و أيضا التلامسات تيار تشغيل الماتور يعني حوالي 10 أمبير حتي يتحمل عند بداية تحميص الماتور.
3- لو فيه قطعة إلكترونية أو دايرة بديل عن التايمر يأخر ريليه 2 ثانية واحدة.

[عمروعمرو]

[ماجد عباس محمد]

معذرة ليست لى خبرة كافية فى هذه الأمور لكن لى ملاحظتين و رجاء

الملاحظة الأولى أنك لو تتبعت المسار الأحمر ستجد أنه متصل بالتيار دوما ولا يتأثر بعوامة الخزان ولو وصل كما باللون الأخضر ستفصل عوامة الخزان عنه التغذية
الملاحظة الثانية أن القاطع الرئيسى هنا هو عوامة الخزان و قد تم توصيله على الأرضى أو النيوترال N وهذا يترك كل الوصلات حيه وهذا خطر لكن لو نقل للفرع الحى L سيؤدى ذات الوظيفة مع فصل الكهرباء تماما عن المكونات وهذا أكثر أمنا

أما الرجاء أن تزيد الإضاءة أثناء التصوير حتى تتضح تفاصيل الصورة أكثر مع الشكر

و أترك الباقى و الأهم لأهل التخصص

[عمروعمرو]

1- آسف أستاذنا ، فعلا فيه قاطع عمومي 2 فاز ( مفتاح بتشينو 26 أمبير ) بين المصدر و الدايرة بس أنا محطتهوش في الرسم للتبسيط و هو بيفصل اللاين الجاي للماتور و النيوترال الجاي لعوامة الخزان عند عمل شغل في الدايرة، و طبعا الدايرة حاليا فيها العوامة و الماتور بس أما دايرة الحماية لسة أنا اللي عاوز أعملها ، و الكهربائي اللي وصلها هو اللي ادي نيوترال لعوامة الخزان مش أنا ، فأنا وجدتها كما هي كذلك و مش عارف إن كان قصده يبعد الكهربا عن عوام الخزان علشان فيه مياه حواليها ولا عمل كدة استسهال فأنا ممكن طبعا أبدل اللاين و النيوترال في الدايرة مكان بعض.

2- راجعت الدايرة و مش قادر أحدد الخطأ فيها:

فلو العوامة فاصلة:
ريلاي1 هيبقي nc موصل بس مفيش نيوترال جاي له.
التايمر no فاصل.
ريلاي2 nc موصل بس مفيش نيوترال واصله و الماتور مش شغال.

لو العوامة وصلت و المياه شديدة:
ريلاي1 nc يفصل.
تايمر no فاصل.
ربلاي2 nc موصل بس جاي له نيوترال و الماتور داير.
وراجع انت برضه.

3- عاوز أستفيد من خبرة أستاذنا م/ ماجد عباس محمد في الالكترونيات في تحديد مكون يحل محل التايمر لان وظيفته يعمل تايم ديلاي لمدة ثانية واحدة للإشارة الجاية لملف ريلاي2.
أو بديل عن هذا المكون دايرة بسيطة تعمل هذه الوظيفة إن أمكن.

بالنسبة للريلاي محتاجه يتحمل 10 أمبير علي الملف و تكون ممانعة ملفه صغيرة بحيث لاتأخذ غير فولت بسيط مايزيدش عن 5 فولت من ممانعة الماتور (23.2 أوم علما بأن الفولت عند للماتور 194) حيث أنه علي التوالي معاها، فلو ممكن تقولي أشتري إيه من النخيلي مثلا حتي لو محتاج أعيد لفه المهم أحل المشكلة.

فإن كان طلبي هذا متوفر فبها و نعمت و إلا فأنت مشكور يا أستاذنا الكبير علي كال حال فأنا شخصيا تعلمت منك الكثير.

[ماجد عباس محمد]

ليست لى خبرة كبيرة فى هذا المجال كما سبق أن ذكرت لكن هذا النوع من الريلايات موجود و يستخدم كثيرا فى بعض الكروت و قطع غيار السبارات و رأيته فعلا لكن لا اعلم أين يوجد
أبسط مثال له قاطع التيار المغناطيسى عندما يرتفع التيار عن حد ما يفصل .
. الريلاى أصلا يعمل بالتيار و يحتاج مجال مغناطيسى قوته "كذا" أمبير لفة Ampere Turn فكلما زادت اللفات تحتاج أمبير أقل حتى تصل للفات كثيرة بضع مئات مثلا فتحتاج لمثلا 50 مللى أمبير لتفعيله وهذا يحتاج لسلك رفيع و مع عدد اللفات الكثيرة سيكون له مقاومة أومية و حاصل ضرب المقاومة فى التيار يعطى فولت التشغيل لكن الريلاى أصلا لا يعمل بالفولت.
أيضا أعلم أن هناك حساسات لمعرفة ضغط المياة لكن لم أقرأ عنها و لكن بفرض أنها تعمل بالضغط فهى ستقطع التيار عن الدائرة طالما الضغط أقل من المحدد ثم يلى ذلك عوامة الخزان و التى بدورها ستفصل عندما يمتلئ
الآن لا اعلم ما دور التايمر فظنى أن توصيل الحساسيت توالى سيؤدى الغرض ولكن اسأل مختص أفضل

[عمروعمرو]

شكرا ليك يا أستاذنا، هسأل في قسم السيارات بما أن الريليه ده هم بيستعملوه، ربنا يبارك لك ويحميك.

[ماجد عباس محمد]

أخى الكريم
بالنسبة لموضوع الريلاى فقد قرأت مشاركتك فى قسم السيارات و الريلاى يعمل بالتيار و كما ذكرت أن القوة تعتمد على حاصل ضرب التيار فى عدد اللفات
إذن ما سيحدث هو توصيل الريلاى و عندما يقل الحمل سيقل التيار وهو عادة لا يحدث فجأة ولكنه تدريجى مع زيادة سحب المياه مع تقدم النهار وهنا ستقل القوة المفعلة للتلامسات حتى تسبب شرزا و تحترق التلامسات.
حتى بفرض أن التغير فجأة فسينخفض الضغط فجأة و يقل التيار فجأة فيفصل الموتور ولن يعود إلا بعد أن تقوم بتوصيله يدويا
لذا الأصح أن تضع مقياس أو حساس لضغط المياه، لو الضغط مناسب توصل الدائرة ولو غير مناسب تفصل الدائرة حتى يرتفع الضغط
عادة الحساس لا يفصل عند نقطة التوصيل و لكنه يحتاج لضعط أعلى قليلا من حد الفصل حتى لا يتذبذب حول نقطة التحويل

[عمروعمرو]

سألت و لقيت حلين غير الدايرة دي:

1- الفلوماك : هيفصل لو ضغط المياه قل و توصيله علي التوالي مع المخدات بس غالي مش عاوزينه في حدود 700 -800 ج وفيه قليل شوية ب250 و مشاكله كتير.

2- ترموستات بيركب في جسم الماتور تمنه معقول (150-180ج)، و يتوصل علي التوالي بس مش هيفصل غير لما جسم الماتور يسخن و هيوصل تاني و تاني طول ما للمياه ضعيفة فطبعا ضرر علي الماتور.

و هذا خلاني أفكر في الدايرة ، و بقول لو اضطرينا نغير الريلاي كل سنة حتي مش مشكلة بس ألاقي ريلاي بالمواصفات المطلوبة

فكرت في ريلاي التلاجة العادي ( مش اﻹلكتروني ) ، الكويل بتاعه بيكون توالي مع ملف التشغيل في التلاجة و لما الماتور ياخد 75 % من سرعته الريلاي قلبه بيسقط و يفصل ملف التقويم اللي واصل علي التلامس الوحيد له no.

بس أنا مش عارف إزاي أحسب التيار اللي بيكون سرعة الماتور عنده 75% من سرعته بدلالة تيار التشغيل العادي بتاع الماتور لأني لو عرفت طريقة الحساب أقدر أختار الريلاي المناسب من رليهات التلاجات و التكيفات اللي يكون بيفصل عند 5 -6 أمبير.

شئ آخر ، لو مفيش ريلاي مناسب و كان اﻷمبير اللي بيفصل عنده الريلاي المتوفر قليل مثلا 3 بدل 6 ممكن أحط ريلايهين توازي و يكون السلك الواصل لهم نفس المقطع و نفس الشركة المنتجة و نفس الطول فتبقي المقاومة تقريبا متساوية في الفرعين و أربط الوصلة كويس فأقسم التيار علي ملفات الريلايهبن تقريبا بالتساوى، أما التلامسات كل ريليه ياخد فازة و الفازتين يروحوا لملف ريلاي 2 و يبقي ملفه 380 ف و لو لو ريلاين فصلوا او واحد منهم فصل الدايرة كلها تفتح و الماتور يقف.