[محمد الشابورى]

السلام عليكم
عندى سخان يونيفرسال 6 لتر بيتكتك بس مش بيولع
فكيت الميكروسويتش و قسته لقيته سليم
غيرت البطارية برضه مش بيلقط و لا يهب
مش بسمع تكة السيلينويد "صمام الغاز"
قفلت الغاز و حليت السيلينويد من مكانه من غير ما افصل الكابل بتاعة
و شغلت السخان و الغاز مقفول و السيلينويد ما لقطش ولا الجلدة رجعت لورا
ركبت السيلينويد فى مكانه و فتحت الغاز
و شبكت مغناطيس قوى فى ظهر السيلينويد السخان لقط
بس لما قفلت المية السخان مفصلش النار
اكيد علشان قوة المغناطيس
طيب اغير السيلينويد و لا يكون ده من الدايرة لالكترونية ؟؟
ازاى اتأكد انه السيلينويد ؟؟

[محمد الشابورى]

الا يوجد اى رد ؟

[Thegazy]

من اشهر أعطال الينيفرسال هو السلونيد ،، يفضل استبداله بآخر جديد ،، مع التأكد قبل التغيير من سلامة جلدة الرداخ

[محمد الشابورى]

اقتباس المشاركة الأصلية كتبت بواسطة Thegazy من اشهر أعطال الينيفرسال هو السلونيد ،، يفضل استبداله بآخر جديد ،، مع التأكد قبل التغيير من سلامة جلدة الرداخ

شكرا للرد لكن المشكلة كانت غير متوقعة على الاطلاق و لا تخطر على بال الجن الازرق و بطلها كان المهندس عديم الضمير بشركة الغاز الذى قام بتركيب مواسير الغاز

[Thegazy]

اقتباس المشاركة الأصلية كتبت بواسطة محمد الشابورى شكرا للرد لكن المشكلة كانت غير متوقعة على الاطلاق و لا تخطر على بال الجن الازرق و بطلها كان المهندس عديم الضمير بشركة الغاز الذى قام بتركيب مواسير الغاز

يا تري المشكله مع تركيب الغاز كانت في إيه بالضبط حتى نستفيد من ذلك مستقبلا،،والحمد لله على كل شئ

[محمد الشابورى]

اقتباس المشاركة الأصلية كتبت بواسطة Thegazy يا تري المشكله مع تركيب الغاز كانت في إيه بالضبط حتى نستفيد من ذلك مستقبلا،،والحمد لله على كل شئ

بتوع الغاز معاهم مادة اسمها vitcas مادة زى الكريم و لونها سمنى
بيدهنو بيها سن المواسير بدل التيفلون
بييجى الباشمهندس سادد مدخل الغاز بتاع السخان بالمادة دي وييجى رابط خرطوم الغاز عادى جدا و لا كانه عمل حاجة
و يقولك متفتحش غاز النهارده
علشان ايه بقى ؟
علشان المادة تمسك !!!!

و طبعا منتظر تانى يوم تتصل بيه
لسوء حظه ان السدد مكانش كامل عندى
و فضلت 5 سنين السخان حلو فى الصيف و زفت فى الشتا

لغاية لما تعطل تماما و شاكوش السيلينويد بطل يضرب نهائى
طبعا لأن السدد مقلل ضخ الغاز
و ضغط الغاز هو و الكويل الاتنين مع بعض هما الى بيسببو ضربة شاكوش الكويل و فتح الغاز و ان السخان يلقط
القصد
بعد ما سلكت الماسورة و حليت المشكلة
اكتشفت ان الناس بتوع الغاز
متعوده دايما
انها تعمل الحركة النص كم دى
اتمنى كل الزملاء يعرفوها
و ان بتوع الغاز "اللى معندهمش ضمير منهم فقط"
يبطلوا الحركة اللى مش و لابد دى