[عمروعمرو]

صوت زنة في مفتاح إنارة عادي خارج الحيطة واصل علية لمبات ليد و حلزوني و تانجستان، ايه سبب الصوت؟

[ماجد عباس محمد]

معذرة لم الحظها سابقا لكن يمكنك عزل السبب بخطوات
1- افصل الخرج لو بقى فالعيب منه و أن اختفى اعزل الأحمال جتى تجد الحمل الذى يعيد الصوت مرة أخرى
قيس التيار قد يكون أعلى من مقننه نظرا لوجود لمبات "حلزونى" و تنجستن
هل تقصد بالحلزونى الموفرة؟؟

[عمروعمرو]

اللمبات ليد و موفرة و تانجستان.

المفتاح مش قدامي دلوقتي عشان اجرب، من يومين شوفته في شغل و كان راكب من اﻷول مش انا اللي ركبته و محدش ملاحظه ولا اشتكي و الزنه راحت لما ضغط عليه قوي، بس بسأل عشان افهم السبب.

انا متصور و مش عارف إذا كان صح ولا غلط ان السوستة اللي بتضغط علي التلامس الحر عشان يلصق في التلامس الثابت مبتكنش كفاية عشان تلغي الخلوص بينهم تماما، بالتالي التلامس الحر بيبقي فيه ذبذبة ميكانيكية بحيث انه بيبعد عن التلامس الثابت نهاية كل نص سايكل بسبب انعدام الجهد علي الفازة، بالشكل ده بيكون زي الجرس بس الصوت لا يسمع بسبب قصر مشوار التلامس الحر.

لو ان المفتاح سايب يعني السوستة ضعيفة في الحالة دي مشوار التلامس الحر بيطول ، و لو ان الحمل بيسبب ذبذبة كهربية في الحالة دي بتزيد الذبذبة الميكانيكية ، في الحالتين نسمع صوت الزنة.

بس مش عارف ليه زيادة التيار ممكن تسبب زنة.

ده يا بشمهندس ماجد ما اتصوره عن سبب الزنة و انا فكرت فيه علي اساس اﻷسباب التلاتة اللي قولتلي افحصها و هي اﻷحمال و زيادة التيار و عيب المفتاح نفسه، فأرجو تصححلي و انا للاسف مش امامي العيب حتي اجرب بس فهمت خطوات اﻹصلاح كما شرحتها في مشاركتك و اريد ان افهم سبب ما يحدث.

[ماجد عباس محمد]

تحليلك صح
الصوت من اهتزاز الهواء وهو ينشأ من امرين لا ثالث لهما
تفريغ فى الهواء أى شرارة أو اهتزاز ميكانيكى لجسم ما
فلو السوستة ضعيفة قد ينشأ عنها تفريغ أو شرارة فعلا و بالضغط كما فعلت يتوقف الصوت لكن سيكون هناك حرارة و من ثم صدأ و مزيد من الشرار ثم تعطل المفتاح فى النهاية
أما اهتزاز جسم ما فيكون بتأثير المجال المغناطيسى وهذا أمر آخر
فقط أردت أن احلل معك الموضوع

[عمروعمرو]

طب هذا ما يحدث في حالة ضعف السوستة و وجود خلوص بين التلامسات، لكن ماذا يسبب الزنة في حالة ان المفتاح سليم
و التيار اعلي من المقنن او حمل من اﻷحمال هو المتسبب في الزنة؟

[ماجد عباس محمد]

عند زيادة التيار سيتسبب فى السخونة و من ثم بداية صدأ و الذى قد يتسبب فى شرر
حمل ما قد يكون السبب لو المفتاح به دوائر حماية مغناطيسية وهو غير منتظم مثل اللمبت الفلوريسنت القديمة التى تبدأ الإضاءة عند جزء من الدورة عند التأين و ليس كالتنجستن الدورة كلها توصيل
عموما كلها ظواهر غير طبيعية لشيء ما تالف أو بدأ يتلف فى الدائرة

[عمروعمرو]

بالنسبة للمبات الفلورسنت و الزيبق و الصوديوم و المتاليت التقطيع اللي بيسبه بادئ التشغيل ان وجد او التقطيع في اللمبة في بداية التشغيل ان حدث او التأيين خلال التشغيل كل ده هيسبب اقواس تنتج حيز ترددات كما قلت لي في موضوع سابق و هذا يرفع المقاومة الحثية لملف الحماية المغناطيسية بالنسبة للترددات العالية منها فيقلل التيار المار بسبب هذه الترددات فلا يزيد التيار بدرجة كبيرة و عموما طالما التيار لم يزيد عن التيار القانوني فلن تتحرك الحماية المغناطيسبة للمفتاح و اذا كان ورنيش الملف مش متاكل مش هتحصل زنة من اﻹهتزازات الميكانيكية داخل الملف، فكيف تحدث الزنة؟

[ماجد عباس محمد]

نحن نتحدث عن الزيادة عن مقنن المفتاح وهذه الزيادة قد تنتج من أكثر من مصباح
أيضا لا يجوز الجمع "لمبات كذا" فلمبة فلوريسنت بدون مكثف تحسين معامل قدرة تيارها أعلى بكثير من أخرى بالمكثف وهذا التيار سيمر فى الدائرة كلها بما فيها المفتاح