مساعدة في خافض جهد buck من جهد 45 الى جهد 17

[mohamad19]

السلام عليكم

ياشباب مساعدة بسيطة بعد اذنكون أنا عندي الواح طاقة شمسية 400w (4x100w) وواصلهون على التسلسل والمسافة بين الالواح والكبل 50 متر والامور تمام بس المشكلة انو منظم الشحن من نوع pwm منشان هيك أنا عم اخسر كهربا من الألواح بشكل كتير كبير لانو الشاحن pwm بيعطي نفس قيمة الأمبير الداخلة من الالواح تقريبا يعني أنا تقريبا عم استفيد من لوح وعم يهدر طاقة 4 ألواح.
ممكن البعض يقول بدل الكبل ووصلهون على التفرع أو جيب منظم شحن mppt وهاد الشي صحيح بس المشكلة بالأسعار لإنو عنا الأسعار كتير مرتفعة ومافي قدرة مادية إنو اشتري كبل جديد أو منظم شحن جديد بالوقت الراهن منشان هيك الحل الأرخض بالوقت الراهن هوي إنو اصنع دارة buck converter لحتى تخفض جهد الألواح من 48 فولت إلى 17 فولت تقريبا وبعدها بدخل الفولت الناتج إلى منظم الشحن الموجود حاليا pwm.
وبهي الطريقة بخفض الخسائر بشكل كبير بالوقت الحالي.
السؤال هوي إنو أنا بحثت كتير عالنت وبعد عناء طويل لقيت دارة بتلبي طلبي وكفائتها عالية عىل زمة صاحبها ولكن عندي سؤال ماقدرت لاقيلو جواب حتى إنو صاحبها سألتو ومارد بجواب وافي.

لماذا تم وصل بن الايسة رقم 5 إلى المخرج الموجب للدارة مع إنو هذا البن هوي GND بالايسية؟
حتى أن ترانزستورات قيادة الموسفيت تم وصلها بنفس الطريقة فما هو السبب وهل من الممكن أن يكون التصميم غلط بغلط؟
وأي اقتراح لدارة تلبي طلبي فأنا شاكر لكل مساعدة وأسف عالإطالة ياشباب ولكن وضع الكهرباء سيء جدا وأنا بحاجة هذه الدارة بأسرع وقت

[مسلم11]

وعليكم السلام ورحمة الله وبركاته
لماذا هذه الدوامة يارجل
اربعة الواح كبيرة وتساعدك بتامين الانارة وتشغيل بعض الاجهزة بشكل ممتاز ولست بحاجة الى منظمات من اي نوع .
ان كنت بحمص انفذها لك حسب ما تريد والمنظم الذي عندك اعتبره دفعة على الحساب وان كان يوجد عندك شخص اعرفه ويضمنك يمكن ان اقسط لك الدفعات
طبعا هذا بشكل عام وعند المشاهدة والمعاينة والاتفاق على ما تريد تشغيله لنا كلام اخر حسب الواقع.
تحياتي
الرسائل الخاصة متاحة وكل ما ساضعه عندك صناعة محلية من مجموعة الاندلس للصناعة .

[mohamad19]

شكرا على الرد صديقي.
انا بدمشق والمنظومة راكبة جاهزة وانا بركب الواح شمسية بس انا وضحت مشكلتي انو مابدي اشتري كبل جديد او شاحن mppt وبنفس الوقت مابقدر اعتمد على الشمس مباشر لانو انا عندي بطارية والمطلوب من المنظومة انو تشحن البطارية ضمن النهار منشان اقدر استخدمها بالليل.
اظن الفكرة وضحت 🌷

[مسلم11]

في هذه الحالة اليك هذه النصيحة
اجعل البطارية كمصدر والالواح كشاحن
تحياتي

[mohamad19]

وهذا مااريده.
ولكن كما ذكرت سابقا انو انا بحاجة لتخفيض الجهد العالي من الالوال للحفاظ على الامبير دون ضياع كمية كبيرة من الطاقة.
يعني انا بحاجة للمساعدة بتصميم دارة buck converter تخفض قيمة الفولت من ٤٨ الى ١٥ تقريبا مع تيار خروج بحدود ٣٠ امبير.

[mohamad19]

أخر المستجدات:
صنعت هذه الدارة ونجحت بتخفيض الفولت ولكن المشكلة أن الكفاءة سيئة جدا جدا ويكاد يكون الامبير الداخل هو نفسه الخارج حتى لو كان الفرق كبير في الجهد.
حتى أنني أحضرت دارة مخفض جهد صغيرة lm2596 وجعلتها دارة التحكم الاساسية بالموسفيت وأيضا قد اشتغلت الدارة ولكن المشكلة مازالت موجود.
يعني كمثال لقد جربت حمل 12 فولت يسحب 5 أمبير وقد أدخلت فولتية 30 إلى الدارة وكان الأمبير الداخل نفسه الخارج.
12x5=60w
30x5=150w
ملاحظين كمية الضياع الكبيرة؟
يعني تقريبا صارت الدارة مثل دارة مخفض جهد لاينر.
أي حدا ياشباب عندو فكرة عن الموضوع وشو ممكن يكون السبب؟

[zeid25]

لم اجد مخطط لدارة تتحمل 30 امبير
في هذه الروابط توجد دارات مختلفة لتيار 20 امبير او اقل
اليك هذه الروابط لعلها تفيدك :
http://www.solorb.com/elect/solarcirc/scc3/
https://www.electroschematics.com/12...harge-control/
http://www.solorb.com/elect/solarcirc/spc3/


.

[مسلم11]

اخي محمد لا احب عرض دارات جاهزة للتنفيذ
يمكننا معا ان نطور دارتك بحيث تعمل كما تحب وتريد
اول امر يجب معرفته هو نوع وعدد البط البطاريات وسعتها منفردة ومن ثم عدد الواح الطاقة واستطاعتها وجهدها ولو امكن صورة لمعلومات كل لوح طاقة ان كانوا مختلفين وصورة لمعلومات كل بطارية لو كانت مختلفة ومن ثم نتابع
تحياتي
ما تم ذكره بمشاركاتك السابقة انساه ولنبدأ من جديد