[aga63]

الأخوة الأعزاء.
لدى سؤال.
حيث أن الكمبيوتر الخاص بى هو كمبيوتر عادى جدا وهو:
بنتيوم 4 - 3 جيجا - 1 ميجا كاش.
1 هارد 160 اى تى اى.
1 دى فى دى رايتر
1 سى دى.
ولكن كلما اشتريت باور سبلاى لايكمل 6 شهور الا ويعطل ويجعل الجهاز يعمل (reset) عند بدء تحميل اى برنامج. (مع ملاحظة اننى اقوم بشراء الباور سبلاى بالضمان وبقوة 650 وات و2 فانه وانا حاطط له كمان 3 فانه زياده).
لذا فكرت انى أوصل 2 باور سبلاى واحد للماذر بورد والثانى يحمل الهارد والملحقات من سىدى والرايتر.
هل يمكن عمل اى شئ لكى يقمو الاثنين بالعمل معا (حيث أن البورده (اى تى إكس) لذا فإن زرار الباور واصل على البورده وليس على الباور سبلاى). وأخاف أن اطفى البورده وتكون الهارد شغال مما يمكن أن يؤدى الى عطل الهارد لو طفيت الباور عنه (كتأثير مثل قطع الكهرباء وهو شغال مما يؤدى الى كون رؤوس القراءة والكتابه ممكن ان تنزل على الاسطوانات وتتلف).
ومعذرة على الاطاله.

[hariedy]

بالطبع لا يصلح تنفيذ تلك الفكرة فالمازربورد ليست مهيئة لذلك ، مع ان بعض الاجهزة
المستخدمة كخادم تأتى بعدد اثنين بور صبلاى ، والمشكلة فى التنفيذ تتلخص فى صعوبة
توصيل البورصبلاى الاضافى وتحكم المازربورد فيه .
ولحل صلب المشكلة حاول البحث عن بورصبلاى جيد ولا شرط ان يكون ذات وات عالى
فقط ابحث عن الجودة العالية وقد تكون مشكلتك فى التيار الكهربى وهنا ستحتاج للاستبليزر
والله اعلم .

[aga63]

الأخ العزيز.
أولا أشكرك على الرد.
ثانيا انا فعلا استخدم استبليزر 1 كيلو.
بصراحه انا مش عارف المشكله فين. ولكن الكمبيوتر مابيعيشلوش باور سبلاى حتى انى أخر واحد المفروض انه أصلى وب 150 جنيه وفانتين و650 وات وبرضه ضرب!
وانا مش شايف ان الجهاز المفروض يكون بيستهلك باور عالى لأن حسب المواصفات اللى ذكرتها من قبل أعتقد ان حتى 200 وات كافيه له.

[hariedy]

طيب ممكن تحدد المشكلة اللى فى البورصبلاى قد تساعدنا للوصول للاسباب
طالما انك تستخدم منظم للتيار .
والله اعلم .

[hariedy]

طيب ممكن تحدد المشكلة اللى فى البورصبلاى قد تساعدنا للوصول للاسباب
طالما انك تستخدم منظم للتيار .
والله اعلم .

[aga63]

السلام عليكم ورحمة الله وبركاته.
أخى العزيز،
المشكله انه كل مابأغير الباور سبلاى فى الجهاز (أكتر من 6 مرات أخرهم اليومين الماضيين)، يشتغل الجهاز كويس لمده لاتزيد عن شهرين. وبعدها الجهاز يشتغل عادى ويحمل وكل حاجه ولكن عند فتح برنامجين (تطبيقين مختلفين ، أى عند تشغيل البروسيسور لفتح برنامج أخر مثلا أكون فاتح الإنترنت وشغال على انترنت إكسبلورر، وأقوم بتشغيل برنامج أوتوكاد او ساب 2000 أو ساعات حتى وورد) يقوم الجهاز عامل ريست ويشتغل من أول وجديد. اما لو شغلت تطبيق واحد فقط يمكن أن يشتغل 24 ساعه.
بالمناسبه انا لسه مغير باور أمس.
وألف شكر على مساعدتك.
بارك الله فيك.

[mohamed.mostafa]

السلام عليكم ورحمة الله وبركاته

أخي العزيز اعتقد ان المشكلة عندك وخصوصا بعد توضيحك الاخير ليس لها علاقة بالباور سبلاي في حد ذاته ، فلك خطوات عملية :
1 - تاكد ان اكبلات الباور المغذية للهارد ديسك سليمة وغير مسربة (( لو لقيت البنات واسعة حاول تضيقها باي مفك رفيع لانه ده بيبقى نسبة كبيرة من مشاكل الريستارت)) .
2- لو مجابتش معاك نتيجة تاني حاجة تشك فيها الرام ودي احتمال كبير جدا خصوصا ان الرامات اللي موجودة ف السوق اليومين دول مضروبة وشغلها اي كلام.
لو كل ده مجابش نتيجة معاك تبقى لازم تودي الجهاز لفني متخصص يحددلك المشكلة
ارجو اكون افدتك

[aga63]

الأخ الكريم
أولا بالنسبه للأسلاك فأنا لاأعتقد ان المشكله منها لأن كما ذكرت سابقا اى باور سبلاى جديد يعمل معى مده لاتقل عن شهرين او ثلاثه.
اما بالنسبه للرامات. فنفس الرامات تعمل مع الباور سبلاى لنفس المده حتى يبدأ فى عمل الريستارت.
عموما لقطع الشك باليقين. فأنا مع تركيبى للباور سبلاى الجديد منذ يومين وهو يعمل الى الأن بدون مشاكل مع العلم أن قدرته قليله بالنسبه لما سبقه (الحالى 200 وات والسابق 650) .
ولكنى سأتأكد مره أخرى اليوم ان شاء الله بعد ماأقفل الجهاز وسأقوم بالتأكد من الأسلاك. اما بالنسبه للرامات فأنا سأقوم اليوم بتغييرها (مع ان الرامات القديمه تعمل منذ سنتين حتى الأن) حيث أننى قد اشتريت رامات أكبر.
المشكله التى تواجهنى هى لماذا يعمل أى باور سبلاى جديد لمده من شهرين حتى 4 أشهر ثم يبدأ عمل الريستارت. فأغيره فيعمل الجديد مده أخرى وهكذا. انا أعتقد ان أغلب الباور سبلاى الموجود فى السوق غير مضبوط ويحدث له هبوط فى الجهد .
وبالتفكير مره أخرى أعتقد ان مشكلة الريستارت تحدث من جانب الباور الداخل على البورده وليس باور الهارد. لأن المسؤول عن الريستارت والتوصيل دائما البورده اما لو حصل خطأ او تهريب عند الهارد لإاعتقد ان الجهاز لن يقوم بعمل ريستارت ولكنه لن يقرأ الهارد مثلا!!
لذا فكان تفكيرى أن أضع باور على البورده. وأخر يعطى للسى دى (حيث أن السى دى لن يتأثر حتى لو قطعت عنه الكهرباء) الفكره ان الهارد لابد ان يصل مع البورده حتى يقوم الجهاز عند عمل باور داوون بقفل الهارد بطريقه سليمه حتى لاتبوظ الميديا او رؤوس القراءه والكتابه.
أسف على التطويل. ولكن أعتقد انى على حق. بالمناسبه انا مهندس مدنى ولكنى عملت بمجال الصيانه للكمبيوتر والبمجه منذ عام 1987. فأعتقد ان عندى خبره معقوله فى المجال.
وانا معك أن المكونات اليومين دول مش زى الأول وهناك الكثير من البضاعه المضروبه. ولكن العيب فينا وليس فى البضاعه. حيث انه لايوجد حمايه فعليه للمستهلك ولا ضمان ولااى حاجه.
ربنا يسترها علينا جميعا ولكن "ان الله لايغير مابقوم حتى يغيروا مابأنفسهم"
وأشكرك مرة أخرى. بارك الله فيكم جميعا.
وعموما سأقوم بعمل ما قلناه ونرى.
والسلام عليكم ورحمة الله وبركاته.