[khaled_ai]

السلام عليكم
ارجو من حضرتكم مساعدتي لقد اشتريت مذر بورد نوع compaq والرام sd ram من النوع القديم
وله 24 مأخذ بور للبورد من البور سبلاي وحين اردت تركيبة تبين لي لا يوجد له بور سبلاي في
السوق فقط بور سبلاي 20 مأخذ وحاولت ان اشغلة على بور نوع LGA الحديث 24 مأخذ تبين ان هذه النوعية لاتتوافق مع البور اعلاه . ارجو من الاساتذه مساعدتي بأعطائي الوان الموصلات حسب ترتيبها
من 1 الى 24 لاتمكن من ربط لاتمكن من تشغيلها
http://www.*********.com/files/171095654/d500bo1.jpg
وفي الرابط اعلاه صورة البورد وشكرا

[EN.SaMeH]

انصحك بشراء البور صبلاى مستعمل لانى مفيش منه جديد بدل متتعب نفسك

,,,, تجد هذا الباور عند بعض الشركات والموزعين للاجهزه الاوريجنال المستعمله

[mohamed.mostafa]

اخي على حد علمي سوكت الباور الاورجنال ال24 بن هو هو العادي فلو مامكنش التصليح هتجيب باور سبلاي عادية 20 بن وتركبها بنفس الوضع الصحيح وخلي بالك الاربعة بن الزيادة ممكن تستغنى عنهم تماما .....
ارجوا اكون افدتك

[hariedy]

اقتباس المشاركة الأصلية كتبت بواسطة mohamed.mostafa اخي على حد علمي سوكت الباور الاورجنال ال24 بن هو هو العادي فلو مامكنش التصليح هتجيب باور سبلاي عادية 20 بن وتركبها بنفس الوضع الصحيح وخلي بالك الاربعة بن الزيادة ممكن تستغنى عنهم تماما ..... ارجوا اكون افدتك

الكلام ده غير صحيح ولا ينطبق على كل الاجهزة الاوريجنال 24 pin ولكن الامر تداخل
عليك فالاجهزة LGA فقط هى التى يمكنك ان تستغنى عن الاربعة اسلاك الزيادة المرافقة
لسوكيت البور 20 PIN الذى يتم توصيله على البوردة .
والله اعلم .
والى صاحب المشكلة لا تحاول التجربة ببور صبلاى ان اردت الا الاصلى والمطابق لترتيب
الاسلاك .

[elgaar]

اخى الكريم لا تحاول تركيب اى بور تانى ولو ركبت الاربعه بن التانين اللى فى اللى جى ايه البورده هتتحرق رجاء شخصى اما البور سبلاى كمبك يا مش تركب وعلى حد علمى ان فى كونفرت بيقوم بتحويل من 20 بن الى 24 بن موجود بالقاهره بس والله ما اعرف مكانه لانى شفه مع واحد قبل كده مركبه
اسف لو اخطات فى حاجه

[mohamed.mostafa]

السلام عليكم ورحمة الله
جزاك الله خيرا اخي هريدي
ولكني قلت الكلام ده لاني مجرب الباور الكومباك الاورجنال 24 بن وجدت الاربعة بن الزيادة يمكن الاستغناء عنهم تماما والبردة تعمل زي الفل بالباور العادي ال 20 بن .
هذا على حد علمي من تجربتي المحدودة وانا شغال دلوقتي في باور اورجنال فور 16 بن هركبه في باور عادية ان شاء الله ..
وبخصوص الاجهزة الكومباك اكيد مش كل الباورات زي بعضها لكن اللي عندي نفع 100% .

[الكوتش]

السلام عليكم
كلام الاخوه كله مظبوط بس
فعلا مش كل الحالات زى بعضها
اخى ان كنت خبير بالالكترونيات
قص الكابل القديم من عند البور نفسه
ووصل كل لون فى لونه فى بور جديد متجرب على جهاز عادى
وبعدين هيفضل عندك
كابلات مش لاقيلها لون
فك البور القديم واعرف كل لون مكتوب قصاده الفولت بتاعه
والجديد نفس الحكايه حاول تظبط كل فولت مع المقابل له
هيفضل عندك كابل مش لاقياها لون او بديل فى الفولت حاول تجرب من غيرهم وربنا معاك
والله اعلم

[hariedy]

اقتباس المشاركة الأصلية كتبت بواسطة elgaar على حد علمى ان فى كونفرت بيقوم بتحويل من 20 بن الى 24 بن موجود بالقاهره بس والله ما اعرف مكانه لانى شفه مع واحد قبل كده مركبه اسف لو اخطات فى حاجه

هذا الامر ليس للاجهزة الاوريجنال ولا يصلح معها ولكنه حل يصلح مع الاجهزة التجميع فقط
ذات السوكيت القديم .
والله اعلم .