[bersy]

انا اخوكم فى الله محمد وعاوز مساعدتكم
انا المازر بورد بتاعتى msi 848
المهم انا اكتشفت ان العيب فيها ازاى انا كنت كل لما اشغل الجهاز كانت الشاشه تطفى مره واحده انا اول حاجه فكرت فيها الفيجا بس مجربتهاش فى الاول انا جربت كل حاجه وكله تمام ونزلت جبت فيجا 256 اعلى من اليى كانت عندى وبرضه بس المره دى الجهاز قام عادى بس مرضاش يفتح الوندوز اساسا اما 128 كنت اشغل الجهاز وكان يفضل نصف ساعه وبعد كده الشاشه تطفى واساسا الجهاز فى الاول ما كنش بيقوم على طول كنت لازم ارستت الجهاز علشان اسمع التكه ويقوم ويفتح البيوس ويقرا المهم بعد كل ده الحوار مطلعش من الفيجا خالص وطلع من البورده وعلى فكره انا جبت فيجا قليله 64 شغلت الجهاز من غير ما يطفى بس لازم ارستت الجهاز فى الاول برضه انا كمان اخر ما زهقت عملت تحديث للبيوس ببرنامج البيوس بتاع msi ياريت اى حد ينجدنى بالله عليكم علشان الجهاز شغال بفيجا 64 وميت خالص انا عاوز العيب فين واعمل ايه وانا من الاسكندريه اروح فين بالظبط علشان اصلحها او اى حد يقولى اعمل ايه بالظبط وانا اعمله
اخوكم فى الله محمد

[hariedy]

مشكلتك بسيطة ولا تحتاج لفنى .
موضوع انك لازم تعمل اكثر من اعادة تشغيل حتى يستجيب الجهاز قد يكون بسيط
لدرجة انه قد يكون بسبب تراكم الاتربة لذلك قم بفك الجهاز وتنظيفه وتنظيف الرامات
والفتحة التى يتم تركيب الرامات فيها ونفس الامر للفيجا ، وقد يكون لسبب اخر ولذلك
قم بالتحقق من عدم انتفاخ المكثفات الموجودة خاصة بجوار البروسيسور .
واطلعنا بالنتائج .

[memo_lovestar]

أسف للمقاطة
في الحقيقة أنا قد أوافق الأستاذ هريدي في شيئاً و أعارضه في شيئ آخر.
و أسف مرة أخرى فالإختلاف في الرأي فضيلة
أنا أوافقه في موضوع المكثفات دة كدة كلامه 100 100
و أوافقه أيضاً في موضوع الأتربة لأن هذه صيانة وقائية لابد منها ولازم نعملها على طول
لكنني لم أعتقد في حد علمي أن الأتربة هي السبب الرئيسي في المشكلة دي علشان الأخ bersy بيقول أن الجهاز بيشتغل طبيعي على فيجا 64 بس لازم يرستت الجهاز و 128 كانت بتشتغل نصف ساعة ولازم بردو يرستت الجهاز
يبقى العيب ينحصر في 3 حاجات
إما المكثفات
أو الترانزيستور الصغير اللي بين AGP و PCI ودي محتاجة فني
أو أن البوردة اللي عند حضرتك ما بتقبلش إلا بعض أنواع كروت الشاشة و إنت بتركب عليها كروت مش متوافقة معاها

[bersy]

اولا اشكرك اخى لردك على واهتمامك بالاجابه على اسئلتى
بص انا عملت كل حاجه تفكر فيها فكيت البرده وسيبتها علشان قولت يمكن شحنه زياده فيها
وكمان نظفته ستين مره وكل مره افكك ستين حته وجربت باورسبلاى تانى وجبت فيجا اعلى 256 ومش نافع والفيجا ال128 اديتها لواحد زميلى يشغلها عنده وشغاله حلو وعادى وكان فيه ملاحظه فى كل مره الجهاز افكه كانت المده اليى بيشتغل فيها قبل ما الشاشه تسود بتزيد
وانا بصيت على اللمكثفات بتاعة البروسيسور شكلها طبيعى ومش باين فيها اى انتفاخ
المهم الجهاز شغال دلوقتى بفيجا 64
انا نفسى اعرف ايه حلها بس مش اكتر

[محمد المنسى]

احسنت القول جزاء الله كل خير

[bersy]

الف الف شكر اخى على ردك وجزاء اللع عنى خيرا
انا بصيت على كل المكثفات اليى فى البورده وشكلها طبيعى جدا مش باين عليها حاجه

واى ترانسستور حضرتك تقصد بص اهيه المازر ادامك بالله عليك قولى اعمل ايه بالظبط
علشان انا نفسى فى حل نهائى
معلش انا اسف يا جماعه معطلكم بس انا بجد زهقت من فك وتركيب البورده ديه بس هيه دلوقتى محترمه نفسها وشغاله بفيجا 64 بس انا مش عارف اشغل عليها لانى بحتاج الجرافيك
فيه ملحوظه انا لما نزلت وجبت الفيجا 256 من نفس نوع الفيجا 128 geforce xfx
لما جيت اركبها مقرتش الفيجا اساسا وبالعافيه دخلت بالصدفه على البيوس ولما حاولت انزل وندوز كان بينزل بالعافيه يعنى بعد ما يعمل كوبى للفايلات مكنش بيخش على الوندوز
انا عاوز اعرف ايه حل المشكله بالظبط ربنا يبارك لكو

[memo_lovestar]

السلام عليكم
برجاء قم بإتباع الخطوات التالية
1- حدد موديل البوردة و إن لم يوجد عليها فيمكنك الحصول عليه من الصفحة السوداء التي تظهر عند فتح الجهاز
2- قم بالدخول على موقع :
http://global.msi.com.tw/index.php?func=prodindex
ثم إكتب الموديل في خانة البيحث أسفل الصفحة حتى يعطيك بيانات البوردة والكروت المتوافقة معها
و أحب أن أضيف أن كروت الشاشة أيضاً لها موديلات مختلفة
فمثلاً أنت تقول أنك ركبت عليها كارت
Geforce xfx 128
ولاكنك ربما لست على علم أنه يوجد الكثير من الموديلات المختلفة التي تحمل إسم هذا الكارت
وطبعاً موديل الكارت بيكون مكتوب على علبته أو في الكتالوج
و قد تكون المشكلة في الشاشة لو كان الجهاز قايم باور تمام بس الشاشة سوداء
وممكن بالرغم من أن هذا إحتمال ضعيف الترانزيستور الصغير الموجود بين AGP اللي بللون الأحمر وPCI اللي بللون الأبيض و دة في الغالب بيكون ترانزيستور واحد لو إنتا بصيت كويس في البوردة هتلاقيه
أما المشكلة الثانية بتاعت الويندوز فدي حلها سهل جداً كما ذكر لي الأخ الفاضل هريدي من قبل و هو:
بعد ما الجهاز بيعمل ريستارت علشان يدخل على الويندوز سيت أب أدخل على إعدادات البايوس و أظبط البوت أنه يقوم من الهارد ديسك مرة آخر وليس من السي دي روم
جرب و أنا متابع
و لو فيه أي مشكلة قابلتك أنا موجود و رقم تليفوني
0100978441
يومياً إبتداء من الساعة 6 إلى 12 مساءً

[hariedy]

ده عيب مشهور فى البوردة دى ، لدرجة انها قد تتلف بعض كروت الفيجا ويلاحظ ذلك
على الشكل الخارجى للمكثفات الموجودة على الكارتة وهنا يكون سبب المشكلة ترانزيستور
تغذية الفيجا وتجده بجوار فتحة agp ومن المؤكد الان انك تعانى من ثقل عام فى تشغيل
الجهاز بالاضافة الى بطء شديد عند تنزيل الويندوز .
والله اعلم .