[memo_lovestar]

السلام عليكم و رحمة الله و بركاته
أنا النهاردة جايب لكوا موضوع ياريت الكل يشارك فيه ويقولنا رأيه
بس بعد ما يجاوب على الأسئلة دي
هل التستر مفيد لك في الصيانة
طيب
هل تقدر الإستغناء عن التستر في الصيانة
أنا ليه بسأل الأسئلة دي
علشان شايف من وجهة نظري أن التستر ليس له أي قيمة
و عارف طبعاً أن كلكوا سوف تعارضوني
طيب هقولكوا إزاي وليه أنا بقول كدة
دلوقتي حضرتك لو قدامك بوردة
أول حاجة هتعملها أنك هتجربها طبعاً
و طبيعي جداً هيبان إذا كان فيها عيب باور ولا داتا
و كلنا متفقين في أن التستر لا يعمل بكفاءة يعني بالعربي كدة بيخرف لو كان في عيب باور في البوردة
سمعت واحد بيقول مش في كل الحالات
هقولك صح
مش في كل الحالات
لكن إذا توصلت نوع العيب إذا كان باور ولا داتا
يبقى دلوقتي ما فيش غير حاجة واحدة ناقصة
لو كان عيب باور
هتفحص دايرة الباور
و لو كان عيب داتا
هتشوف حاجة حاجة لغاية ما توصل للعيب فين
يعني في الأول ولا في الأخر التستر مالوش أي لزمة
و مش هيقولك على العيب فين خالص
كل اللي بيعمله أنه بيديك إحتمالات و كلها بعيدة عن بعض
يعني مثلا ممكن يظهرلك رقم يكون إما عيب باور
يعني لازم تفحص الدايرة كلها
أو عيب شيب رئيسي مثلاً يعني بردوا لا زم تفحص دايرة الشيب الرئيسي كلها بردو
أو عيب بايوس وهوة دة الإحتمال الأخير
و ممكن يطلعلك رقم يقولك أنه عيب رامة أو شيب
يعني من الأخر ما بيقولكش على العيب فين
و من وجهة نظري أن الفني الشاطر هيعرف العيب من غير تستر
لما يتتبع الإحتمالات بالترتيب
قمال قبل ما يخترعو التستر كانو بيعرفوا العيب إزاي
على العموم دة رأيي
و هسيبكوا بقى تقولولي رأيكوا
و أسف للإطالة
و أنا متابع ردودكوا

[hariedy]

كلامك لا ينطبق على كل كروت التيستر لانه فعلا ً منها الرضىء يجننك ومنها الجيد ، ولكن
فعلاً ليس للتيستر اهمية قصوى بالنسبة للفنى الشاطر ، ولكن لاغنى عنه فى بعض الاحيان !
فمن يريد ان يتعلم فعلاً من الافضل ان يمتنع عن استخدام التيستر فى البداية .

[nasserel]

أنا اعتقد ان التستر يوفر الوقت والمجهود فى العمل وبدل التخمين فى أغلب الاحيان التستر يديلك المكان الى فية العطل اسهل واسرع
وشكرا

[طارق سماش]

اخي الكريم في انوع من الكروت دلوقتي بها شاشه ديجتال بتوضح العيب بالكتابه و انا شوفتها هنا في المنتدي العظيم ده

يعني لو في عيب رام يكتبلك ان في الرام و الله اعلم

اما بالنسبه للكرت الموجود حاليا فممكن تسميها اداه تأكيد يعني لو انت شاكك في الرام مثلا و التستر كتابلاك كود الرام خلاص يبقي تشتغل وانت مطمن ان العيب مش في حته تانيه و ده مثال بسيط من اخ تلميذ القريه
وليس محترف مثل حضراتكم يعني ممكن اكون علي خطئ او صواب و الله اعلم

[م/احمد محمود]

السلام عليكم

اخى الكريم انا مختلف معك فى هذا الامر لان التيستر ماهو بطاقة تشخيص اعطال فقط ولاكن دليل للفنى اوضحلك اكتر اليك الاعطال الاتى
دئرة البرسيسور والبرسيسور بيسخن عادى هنا دور المبات ..
تحديد عطل سوكت الشاشة
تحديد عطل رامات والبورد لاتصفر رام
تحديد عطل فى دئرة الفركونسى التيستر يحدد تلك الامر
تحديد ان كان عطل فى دئرة الربط والتحكم
تحديد عطل فىقاعدة البرسيسور وبصراحة يحدد اعطال كتير جدا
اخى الكريم لقد قومت انا والحمد لله بتشريح للتستر لمبات اكوات واقوم بشرحهم للدرسين فى الكورسات ولا اجد غير انهو كارت ممتاز جدا
ملحوظة كل كروت التيستر ممتازة الرخيص والغالى مفيش فرق بين هذا وهذا المهم المستخدم يكون على دراية كافة فى التيستر

[memo_lovestar]

شكراً على الردود
و قد يكون العيب في عدم معرفتي الصحيحة بالتستر
لاكني كنت أذكر في كلامي التستر العادي القديم اللي كلنا بنستخدمه مش الديجيتال
و قد يكون كما قال الأخ / أحمد محمود هو أداة لتأكيد العطل لكنني أضيف إليه في نفس الوقت أنه يكثر من الإحتمالات وهذا هو سبب كلامي عن الموضوع دة يعني ما بيديلكش إجابة صريحة يعني مثلاً لو كنت شاكك في دايرة الرامات ممكن التستر يديلك كود يخليك تشك في دايرة الشيب أيضاً و ليس الرام و حده
و شكراً على الردود الجميلة

[م/احمد محمود]

اقتباس المشاركة الأصلية كتبت بواسطة memo_lovestar شكراً على الردود و قد يكون العيب في عدم معرفتي الصحيحة بالتستر لاكني كنت أذكر في كلامي التستر العادي القديم اللي كلنا بنستخدمه مش الديجيتال و قد يكون كما قال الأخ / أحمد محمود هو أداة لتأكيد العطل لكنني أضيف إليه في نفس الوقت أنه يكثر من الإحتمالات وهذا هو سبب كلامي عن الموضوع دة يعني ما بيديلكش إجابة صريحة يعني مثلاً لو كنت شاكك في دايرة الرامات ممكن التستر يديلك كود يخليك تشك في دايرة الشيب أيضاً و ليس الرام و حده و شكراً على الردود الجميلة

السلام عليكم و رحمة الله و بركاتة ..


أخي الكريم


شكراً علي ذوق حضرتك في الحديث أحب أن أوضح إليك بعض النقاط و هي
أنا لا أحب أن أعمل إلا بالكارت رخيص الثمن لأنها لا فرق بينها و بين باقي الكروت فالتستر له المهام التي يقوم بها
و هي تحديد الدوائر و ليس تحديدي القطعة المعطوبة إنما يسهل علينا من خلال التستر تحديد العطل في أي دائرة و لا يوجد تيستر من وجهة نظري يقوم بتحديد القطعة نفسها إنما الدلالات التي نتجه عليها تحديد العطل و سهولة الحركة علي الماذر بورد
و في نهاية الامر بارك الله فيك و نراك غدذً مخترع لهذا الكرت إن شاء الله..