[incas]

انا اشتريت بورده msi وده موديلها K9A2GM-F V3 الى هيه مكتوب على علبتها v class وركبت عليها بروسيسور
amd athlon64 x2 الى هوه 4600 والراجل قالى ان البورده msi كارت الفيجا بتاعها البلت ان 1g المهم انا ركبت الجهاز ودخلت على البويس لاقيته قارى كارت الفيجا 256 رحت للراجل تانى بالكيسه مع انى اخر حاجه الكارت كان جايبها لما فتحه لوحه اعدادات البيوس 256 اخر حاجه مافيهاش اختيارت تانى اعلى من كده روحت للرجال ماعرفش غير اعدادات ايه او عمل ايه دخلت تانى على لوحه الاعدادات لاقيت ظهر 512 و 1g ولما سالته عمل ايه عشان يجيبها مارداش يقولى انا هاموت واعرف هوه عمل ايه ياريت الى عنده معلومه مايبخلش بيها
خيركم من تعلم العلم وعلمه نفسى اعرف اتعملت ازاى وشكرا ومعلش انى طولت عليكم

[م/محمود ادريس]

بعد الدخول علي ال Setup بتاع الجهاز
إضغط CTRL+F1

حيدخلك علي شاشة اعدادات مشابهه ولكن بها إعدادات إضافيه خاصه بــ maintenance Engineer
حتلاقي عندك VGA Shared Memory Level
اختار 1024M

[incas]

الف شكر على ردك والله مش عارف اقولك ايه ربنا يزيدك
هاجربها وهارد عليك تانى ان شاء الله وشكرا تانى

[م/محمود ادريس]

العفو أخي Incas
احنا في الخدمه.

[incas]

على فكره انا جربت الطريقه ديه وماحصلش اى حاجه

[جيفارا 28]

ياعزيزى هذا الامر يتطلب منك العودة الى مانول البوردة .... فالمسألة تتعلق بمصطلح شائع داخل البيوس هو

Graphics Aperture size

ومن خلال الوصول اليه نستطيع تغيير حجم كارت الشاشة .ليس الى أى حجم بالطبع وانما هناك حدود وفق امكانيات البورده

هذا المصطلح شائع بصفة عامة داخل شاشة البيوس .. ولكن المشكلة تصبح فى الوصول اليه نظرا لاختلاف شاشة البيوس من شركة لأخرى فمثلا لدى فى بيوس AMI موجود تحت تبويب Advanced ثم اختيار Chipset ومن الشاشة التى ستظهر لنا سنجد هذا الخيار . لذلك أقول لك أن العودة الى المانول والبحث عن هذا الخيار ولو حتى بالضغط على Ctrl +f من لوحة المفاتيح وكتابة هذا المصطلح مباشرة أو كتابة كلمة VGA سيوصلك الى هذا المصطلح أو مايعادله فى بوردتك أو النزول الى المانول فى اخر الصفحات الخاصة باعدادات البيوس ستجد هذا المصطلح أيضا

[mohammedhagag]

فعلا كلامك مظبوط ياباشمهندس محمود فالقائمة السرية للبايوس فى بعض الموديلات لا تظهر إلا بالضغط على CNTRL +F1 ويكون بها خصائص تغيير حجم الفيجا
وكلام أخونا جيفارا هو المعتاد فى أغلب إصدارات البايوس
وعموما جرب الإثنين هتلاقى واحدة منهم تظبط معاك

[incas]

اولا شكرا لاخوانى الى مهتمين بالرد والمتابعه
ثانيا انا بدخل عادى البيوس وبروح عند الشير مومورى بتاعت الفيجا بلاقى اكبر حجم للكارت 256 بس البرده نازله بكارت شاشه بلت ان 1g انا مصدقتش الموضوع ده خدت الكيسه ورحت الشركه قولت للراجل اخر حاجه موجوده للكارت فى اعدادات البيوس 256 بعتنى قسم الصيانه بالكيسه تبع الشركه الراجل هناك عمل حاجه دخلت تانى نفس المكان على اعدادات البيوس الى لسه كنت داخل عليه وكان اكبر حاجه فيه 256 لاقيت ظهر 512 و 1g سالت الراجل عمل ايه مارداش يقولى قريت المنيول بتاع البرده كله ملاقيتش فيه اى حاجه بس هوه ده الى حصل بالظبط جربت على مزر بورد زى بتاعتى بالظبط صاحبى كان لسه مشتريها وكان لسه ماتفتحش عليها 1gيعنى كان اخر اختيار لكارت الشاشه 256 ودوست ctrl+f1 ماظهرش اى حاجه الاعدادات زى ماهيه ماتغيرتش انا عاوز اعرف الراجل عمل ايه خلى 512 , 1g ظهرت فى اعدادات الكارت فى البيوس