[tokina]

برجاء من الأخوه الأعزاء حل هذه المشكله لأنها مدوخاني ولكم جزيل الشكر

المازر بورد جيجا بايت
موديل : GA-8I848p775-G
البورده دي فري مش بيلت إن
المشكله ان البورده دي مش بتطلع داتا لما شلت الرامات ادتني صفاره الرامات
ولما ركبتها مدتنيش حاجه خالص
بس لما اشيل كارت الشاشه ولما اكون مركبه النتيجه واحده مفيش اي صفاره طبعا

بس انا لاحظ ان في ترانزيستور اللي موجود جنبي فتحه AGP ( واحد من الأتنين ) بيسخن قوي قوي
ودي صورة البورده اللي فيها المشكله


وطبعا مش الترانزوستور اللي جنب فتحة كارت الشاشه علي طول
لأ طبعا الترانزوسستور اللي جنبه

مش عارف بقي الحل في اني اغير الترانزيستور دا ولا في حاجه تانيه هي اللي مسببه المشكله دي وهي اللي بتسخن الترانزيستور دا

وحد يرد علي والنبي ويقولي ايه المشكله دي وبلاش تنفيض الله يكرمكم

[tigrrr]

كارت التستر بيكتب أيه ؟؟؟

[tokina]

للأسف انا معنديش كارت تستر
اللي عندي باظ لوحده والله

لو ينفع حد يفيدني علي قد المعلومات اللي انا قلتها دي لأن مش عندي اي حاجه من عده الصيانه اقدر اشتغل بيها دلوقت

[jojo sniper]

اولا طالما الموسفيت بيسخن اوي اوي يبقى لازم يتغير و تتاكد من المكثفات
ثانيا اعمل كلير كموس يعني صفر البايوس
ثالثا ان كاكنش اشحن البايوس
دا طبعا بعد التاكد من الرام والبروسيسور
والله واعلم

[جيفارا 28]

دعنا نضع عدة نقاط مبدئيية
1- الموسيفتات المشار اليها موصلة على التوازى وفى اعتقادى انهما مسؤلان عن دائرة الفيجا
2- وضع الرامات يبدو طبيعيا صفارة فى عدم وجود الرامه وعدم وجود صفارة فى وجودها أما بالنسبة لعدم الصفارة فى عدم وجود كارت الفيجا فتلك اشارة قوية ان السوكيت كاتم أى عدم وجود فوات يصل اليه
3- ضع كارت الفيجا بشكل طبيعى بعد القاء نظرة سريعة على السوكيت نفسه للاطمئنان على سلامته ونظافته وكذلك البنات الذهبية للكارت نفسه ولامانع من نظافة سريعة لكليهما
4- شغل الجهاز عادى جدا لدقائق قليلة ...... قم بجس الشب الماستر وكذلك الموسيفتات المشار اليها .... هل هناك أثر لسخونة غير عادية ؟؟؟؟؟؟؟
5- اغلق الجهاز وانظر الى سطح البورده من اسفل مكان المسيفتات المشار اليها هل ترى تغير فى لون البوردة مكان تلك الموسيفتات من اسفل ؟
6- الخطوة التالية قياس خارجى الباور لكارت الفيجا كاستدلال مبدئى
7- قم بتشغيل الجهاز عادى جدا اضبط الأفوميتر على 20 DC قم بقياس كلا الموسيفتات المشار اليها ........ من الطبيعى أن تجد فوات الفيجا وهو 3 فولت أكثر من ذلك قد تكون اشارة الى تغيير الموسبفتات الذى يتجاوز تلك القيمة مثلا 3.4 فولت
8- للاطمئنان أكثر قم بجس كارت الشاشة هل تلاحظ سخونة غير عادية ؟؟؟؟ قم يقياس السوكيت نفسه غلى الوضع السابق للافوميتر 20 DC أول بنين فى الكارت يمين وشمال ....... وكذلك بنين منتصف الكارت وكذلك بنين نهاية الكارت ؟؟ وابحث عن الفولت المشار اليه 3 فولت .. هل هناك خلل فى الفولت أو فرق بينه وبين فولتات الموسيفتات المسار اليها أو عدم وجود فولت من اصله ؟؟؟؟؟؟؟
9- لقطع الشك باليقين اذا لم تصل الى اى استدلال واضح قم يقياس الموسيفتات المشار اليهما خارج البورده وللاطمئنان اكثر المكثف المشار اليه والمقارب تماما لمنتصف سوكيت كارت الشاشة
10- اذا اكتشفت خلل فى الموسيفتات المشار اليها تحديدا انصحك يتغيرهما معا وليس واحد فقط
هذا حصر مبدئى للمشكلة فبل الحديث عن احتمالات أو شكوك فى دوائر أخرى

[م/محمود ادريس]

اقتباس المشاركة الأصلية كتبت بواسطة jojo sniper اولا طالما الموسفيت بيسخن اوي اوي يبقى لازم يتغير و تتاكد من المكثفات ثانيا اعمل كلير كموس يعني صفر البايوس ثالثا ان كاكنش اشحن البايوس دا طبعا بعد التاكد من الرام والبروسيسور والله واعلم

انا مع الاخوة...

بداية قم باستبدال الترانزستور الذي ترتفع درجة حرارته... وراجع الدائرة في المنطقة المحيطة بها...
ثانيآ وان لم يجد جديد قم بشحن البايوس.



متابع...

[tokina]

الف شكر يا اخواني علي المعلومات وعلي الرد
وانا هجرب الكلام دا وهرد عليكم بكره انشاء الله عشان اطمنكم ان كل حاجه تمام بإذن الله
والف شكر مره تانيه علي الرد وعلي المعلومات الواضحه
وعلي فكره المكثف اللي جنب كارت الشاشه شكله سليم يعني مفيش انتفاخ في المكثف من فوق ولا اي حاجه واضحه عليه
وبالنسبه لنقطه ان البورده لونها متغير تحت الموسفيت
هي بالفعل لونها متغير مش من تحت بس انما من فوق كمان وواضح قوي
بالنسبه بقي لنضافه الكرت والبنات النحاص والكشف الظاهري لفتحة كارت الشاشه كله تمام
وكده باقي القياس والتغير ودا هعمله بكره انشاء الله
وبالليل هرد عليكم واطمنكم
والف شكر مره تانيه علي التعاون دا

[م/محمود ادريس]

في انتظار الرد باذن الله