[atata]

السلام عليكم ارجو من خبراء القرية توضيح كيفية قياس المكثف الكميائي خارج البوردة بالافو الديجيتال ارجو الشرح بالتفصيل من حيث اعرف ازاي اننة سليم او انة شورت او open
وارجو ايضا توضيح ولو قياس مبدئي للمكثف داخل البوردة اذا لم يظهر علية تلف
ولكم جزيل الشكر

[mrcomputer]

أخي الفاضل للكشف علي المكثف الكيميائي اتبع الخطوات التاليه :
أولا : فك المكثف من الدائرة .
ثانيا : تفريغ شحنة المكثف عن طريق تلامس الطرفين .
ثالثا : وضع الافوميتر علي قياس الجرس .
رابعا : وضع الطرف الاسود علي السالب والاحمر علي الموجب

نلاحظ انه يظهر علي شاشة الافو ارقام متتاليه ثم يعود الي واحد

هذا يعني ان المكثف قام بالشحن ووقف وهذا يعني انه سليم .

[TARIQ_ALKDR]

تابع تكملة

[ماهر يونس]

فى حاجات فى قياس المكثف أنا خدت بالى منها
العادى طبعا زى ما قلنا ان المكثف يعد أرقام تصاعديا وبعدين يرجع الى 1 يعنى شحن وتفريغ وكده يبقى سليم
طيب فى الحالات الآتيه هل المكثف سليم ولا لأ
1- لاحظت فى المكثف السليم انه بيسحن بسرعه يعنى فى ثانيه مثلا بتلاقيه عدى 1000 مايكروفاراد طب لو فى مكثف بيسحن ببطء يعنى واحده واحده بس بيرجع برضه للواحد يبقى بايظ ولا سليم وده الحاله الاولى

2- الحاله التانيه مكثف يشحن لحد ما يقف عند قيمه معينه ومايرجعش للواحد أكيد طبعا يبقى بايظ

3- مكثف بعد ما تقيسه ويطلع سليم تيجى تقيسه تانى ما يفضلش يشحن زى اول قياس لأ يديك قيمه معينه بسرعه يرجع للواحد بس بعد ما تفرغ شحنته يرجع يشحن تانى فهل ده ييبقى سليم

نرجو الإهتمام

[م اسلام معروف]

اقتباس المشاركة الأصلية كتبت بواسطة ماهاريكو فى حاجات فى قياس المكثف أنا خدت بالى منها العادى طبعا زى ما قلنا ان المكثف يعد أرقام تصاعديا وبعدين يرجع الى 1 يعنى شحن وتفريغ وكده يبقى سليم طيب فى الحالات الآتيه هل المكثف سليم ولا لأ 1- لاحظت فى المكثف السليم انه بيسحن بسرعه يعنى فى ثانيه مثلا بتلاقيه عدى 1000 مايكروفاراد طب لو فى مكثف بيسحن ببطء يعنى واحده واحده بس بيرجع برضه للواحد يبقى بايظ ولا سليم وده الحاله الاولى 2- الحاله التانيه مكثف يشحن لحد ما يقف عند قيمه معينه ومايرجعش للواحد أكيد طبعا يبقى بايظ 3- مكثف بعد ما تقيسه ويطلع سليم تيجى تقيسه تانى ما يفضلش يشحن زى اول قياس لأ يديك قيمه معينه بسرعه يرجع للواحد بس بعد ما تفرغ شحنته يرجع يشحن تانى فهل ده ييبقى سليم نرجو الإهتمام

السلام عليكم ورحمة الله وبركاته
يا جماعه فيه حاجه مهمه قبل ما نرد
وهي ان الافوميتر العادي أو الديجيتال غير مخصص لقياس المكثفات بدقه
حتي وان كان فيه مكان رجلين اللمكثف
فيه جهاز مخصوص لقياس المكثفات وده منتشر وبيتباع اسمه Capacitor Meter
وممكن تنفذ الدايرة بتاعته وهي مشروحه علي الموقع من هنا
http://braincambre500.freeservers.com/indcap.htm
ولو عايز قياس سليم عليك بالجهاز ده اما الافوميتر فلا تعتمد عليه


بالنسبه للمكثفات في المازربورد لا تعتمد علي القياس وده رايي الشخصي من خلال التجربه
اذا وجدت ان المكثف شكله تالف يعني منفجر من فوق او مسرب من تحت او منفوخ يبقي غيّره ما فيش كلام
ولكن لو هو شغالكويس وشكله سليم نصيحه ما تغيرهوش الا في حالة انك فشلت عن معرفة العطل وآخر احتمال هو المكثف....
اما المكثف بقي ممكن يكون شكله سليم وعامل لك مشاكل في أجهزه تاني مش في المازربورد
زي الشاشات مثلا لو CRT
بيعمل لك مشاكل لا حصر لها
مع ان شكله سليم , وطبعا اخصائي الشاشات عارفين الكلام ده كويس...

أما بالنسبه لحالات القياس اللي قلت عليها :::---

في الحالة الاولي : ممكن المكثف سليم علشان بيشحن ويفرغ وممكن برضو لان قيمته غير الاول اللي شفت قرايته
وممكن يكون تالف لان شحنه بطيييييئ

اما الحالة الثانية::
فالمكثف 70% تالف

اما الثالثه ::
سليم بس لانه شحن قبل كده مستني تفريغ
ولو انت عايز تتاكد اقلب الاطراف
ها تلاقي انه بيعد معاك


وعلي الرغم من كل ده
برضو المفروض المكثف ما يتقاسش بالآفو ولكن يقاس بالجهاز المخصص وقد ذكرته في المشاركه

والله الموفق
===========
أخيكم/اسلام معروف

[ماهر يونس]

كلامك على العين والراس يا أستاذنا نشترى الجهاز مش مهم الفلوس المهم ان الواحد يتعلم
يعنى يا أستاذنا مثلا فى عطل فى دايرة البروسيسور وغيرنا الترانزيستورات وغيرنا المين كنترول ما عدش فاضل غير المكثفات فهل نغيرها رغم أن شكلها سليم وده طبعا لو مافيش دايره تانيه هى السبب فى عطل دايرة البروسيسور زى الشيب طبعا لو درجة حرارته عاديه

وفى حاجه تانيه عايزه أعرفها الشيبات اللى عليها مراوح مش بتبقى درجة حرارتها عاليه ولا عاديه

بالنسبه لجهاز قياس المكثف فى موديل معين سعادتك تنصح بيه

وشكرا لسعة صدرك معانا

[م اسلام معروف]

اقتباس المشاركة الأصلية كتبت بواسطة ماهاريكو كلامك على العين والراس يا أستاذنا نشترى الجهاز مش مهم الفلوس المهم ان الواحد يتعلم يعنى يا أستاذنا مثلا فى عطل فى دايرة البروسيسور وغيرنا الترانزيستورات وغيرنا المين كنترول ما عدش فاضل غير المكثفات فهل نغيرها رغم أن شكلها سليم وده طبعا لو مافيش دايره تانيه هى السبب فى عطل دايرة البروسيسور زى الشيب طبعا لو درجة حرارته عاديه وفى حاجه تانيه عايزه أعرفها الشيبات اللى عليها مراوح مش بتبقى درجة حرارتها عاليه ولا عاديه بالنسبه لجهاز قياس المكثف فى موديل معين سعادتك تنصح بيه وشكرا لسعة صدرك معانا

سعر الجهاز لن يتعدي حوالي 70 جنيه او أقل وتجده في اي مول بيبيع الأدوات والعدد
وبالنسبه للشيبات اللي عليها تبريد مروحة فسخونتها بتبقي اكتر غالبا بس المروحه مع الهيت سينك بتشتت الحرارة
بالنسبه لنوع العطل في دايرة البروسيسور حدد البورده وحدد الموديل اولا
لان فيه حالات كنت شفتها كل القطع تمام وتم تغييرها من بورده شغاله
ومع ذلك برضو البروسيسور ما بيسخنش ولمم تتم صيانتها لان العيب كان في الماستر شيب علي حسب ظني

والله الموفق

[ماهر يونس]

إزاى أحدد إن الشبايه ده حرارتها فوق الطبيعيه