[ahmedcd]

المشكلة ان الريتر بيخرج الباب لوجده بعد فترة سواء كان فى سى دى او لا ياريت اللى عنده الحل يساعدنى او تكون واجهته نفس المشكلة

[TARIQ_ALKDR]

اقتباس المشاركة الأصلية كتبت بواسطة ahmedcd المشكلة ان الريتر بيخرج الباب لوجده بعد فترة سواء كان فى سى دى او لا ياريت اللى عنده الحل يساعدنى او تكون واجهته نفس المشكلة

أخي المشكلة بسيطة

بس انشالله تفهم عليّ

1- سبب المشكل الغبار : نظف السواقة كويس وخصوصا المكانيك

2-على المتور بتاع الباب في سير ( قشاط ) الي صايره زي المطاط مش عارف انتو تسموها اية دي غيرها بوحدة غير ( أصغر )

والله الموفق

[ahmedcd]

مشكور اخى الغالى واحد الاخوة نصحنى ان تكون المشكلة فة زرار الباب نفسه

[jojo sniper]

طبعا اولا اتاكد من زرار الباب وفيره لان المشكلة منه في الغالب اوي

[en.mohamedsaid]

اقتباس المشاركة الأصلية كتبت بواسطة ahmedcd مشكور اخى الغالى واحد الاخوة نصحنى ان تكون المشكلة فة زرار الباب نفسه

بلالضافة الى ما قاله الاخوه

عاده ما يتسبب فى هذه المشكله عدم رفع العدسه الى مكانها الطبيعى
وللتاكد كم فك الرايتر وتوصيله بور وعند دخول الباب قم بالضغط على العدسه من اسفل حتى ترتفع الى مكانها
فمن الطبيعى عند الضغط لخروج الباب تنخفض العدسه بماتور لف الاسطوانه حتى يسمح للباب بالخروج وعند الغط لدخولها تعود الى مكانها لقارءه الاسطوانه
فان لم يتم الرفع بشكل تام يخرج الباب مره ثانيه

متابع

[sadfriend]

أعتقد إن المشكلة فى السير زى ما ذكر أخونا طارق ... لوأتغير بسير أصغر قليلاً وليس أصغر أوى ممكن يكون وبكدة الباب يتقفل أوى ويرفع العدسة كما ذكر مهندسنا الكبير محمد سعيد وتنحل المشكلة ولا تنسى طبعاً تنظيف شاسيه الرايتر جيداً وخاصة التروس والأسنان التى فى الباب بإستخدام البنزين وتشحيمها بالفازلين

[jojo sniper]

لا في الغالب وبنسبة 99.99 % موش سير لان الاخ بيقولك بعد فترة بيخرج الباب وطالما الباب بيخرج يبقى السير زي الفل

[en.mohamedsaid]

اقتباس المشاركة الأصلية كتبت بواسطة jojo sniper لا في الغالب وبنسبة 99.99 % موش سير لان الاخ بيقولك بعد فترة بيخرج الباب وطالما الباب بيخرج يبقى السير زي الفل

وانا اتفق فى هذا
لان السير وظيفته هو اتصال الماتور بالتروس
وتظهر مشكلته اما فى عدم دخول الباب او عدم خروجه
تقبلوا تحياتى جميعا