[محمد البدوي]

منتدي التبريد والتكييف اصبح يمتلئ بمشاركات رائعة جعلني اتشجع واحاول القيام بتجربة تبريد البروسيسور

فقد علمتونا اعزائي الاساسات من لحام وافكار دائرة التبريد جزاكم الله كل خير

لكن منين اشتري الكباسات ومواسير النحاس والفريون وسائر قطع الغيار والمستلزمات

البعض قاللي
شارع نجيب الريحاني في العتبة
شارع كلود بيه في رمسيس
شارع الجمهورية وبرضه في رمسيس

...ايه رايكم اعزائي

[محمد البدوي]

يا جماعة ليه مفيش حد راضي يفيدني

[زيد المعمار]

السلام عليكم كنت اتمنى ان اتمكن من مساعدتك ولكنني من العراق ولا اعلم اسواق مصر وبضاعتها اعذرني من التقصير

[محمد البدوي]

ولا تزعل نفسك يا باشا
العيب مش عليك بس العيب علي ان تلات تربع فنيين المنتدي مصريين ومفيش واحد فيهم راضي يرد علي

[محمد البدوي]

ايه الكرم ده يا جماعه ....كرم فياض

علي العموم انا هفسركم اللغز الجميل ده
اعضائنا مش بيدوا لسببين لا ثالث لهما

السؤال عيب منافي للاداب العامة

السؤال من اسرار المهنة


علي العموم انا نفسي طويل ومستني البشمهندس عصام جويدة واللي هيرد عليه

وشكرا عزيزي شيري كول علي الرؤية لموضوعي كثيرا دون ابداء اهتمام لمن يسال

[essam gwaida]

بسم الله الرحمن الرحيم
الجميع هنا فى الخدمه ومستعدين للمشاركه معك

أخى الفاضل /المغامر
تحيه طيبه عطره
بعد مشاهدة موضوعك يمكننى أن أقول لك يا سيدى الفاضل أن معظم القطع متوافره فى جميع منافذ بيع قطع غيار التبريد والتكييف

وأذا تعذر على حضرتك شراء المبخر فيمكنك عرض الصوره الخاصه بالمبخر على أى خراط ليقوم بخرط واحد مماثل لك

ولكن سيدى ستكون التكلفه عاليه عليك عندما تفكر فى تصنيع وحدة تبريد للبروسيسور وذلك كون حضرتك سوف تشترى ضاغط وسربنتينه ومروحه ومبخر ومواسير وفريون وعاذل ألخ ألخ

كما فهمت أن حضرتك من مصر فلماذا تحتاج الى مثل هذا النوع من التبريد للبروسيسور عندك

أذا كنت تريد وسيله لتبريد البروسيسور بدون تكلفه عاليه فهناك سيدى طريقه بسيطه وهى دراسة توزيع الهواء داخل كيسة الكمبيوتر من ناحية الدخول والخروج
سوف يتطلب منك الأمر مجرد التركيز فى هذه المسأله وستجد أن الأمر لا يستحق عناء تبريد البروسيسور بوحدة تبريد بالفريون

وتقبل منى وافر الأحترام والتقدير
وأنا فى أنتظار ردك أو أى أستفتسار

essam gwaida
0103853915
مركز سنورس محافظة الفيوم جمهورية مصر العربيه

مصر أولآ

[محمد البدوي]

رائع كما توقعت ايها العبقري الكريم غير المخيب للامال
وهذا اولا

ثانيا
لم نختلف علي ان قطع غيار التكييف موجودة عند باعة قطع غيار التكييف

لكن اين هؤلاء الباعة ...هو ده السؤال يا باشا
مثال
انا مثلا راجل شغال في صيانة المازربورد والشاشة

لما اشتري قطع غيار المازربورد

باقسم القطع اللي امامي الي قطع يمكن شراؤها من الاسواق واخري تقاطيع

لما اقول الاسواق او باعة قطع الغيار فانا اقول في شارع التحرير ولمزيد من التحديد اقول اول حارتين علي اليمين او تمشي الي الامام حوالي 5دقايق الي ان تجد علي يسارك شارع ضيق فيه قهوة فيها كراسي بامبو وفيها محلات النخيلي ورام ...الخ

التقاطيع ..لما نقولها نقول بعدها
موجودة عند محلات الصيانة القريبة في اي منطقة

وبرضه اراعي ظروف سكان الاقاليم حيث تقل المكاتب فلا توجد بكثرة كما هو الحال في القاهرة
فاقول اذهب الي القاهرة مثلا في التحرير في مول البستان الدور الارضي او الاخير وهات برده تقاطبع

وهكذا فالتحديد في الاجابة هو فقط ما ينقص اجابة معاليك
وانا انسب الجزء اللي اعرفه في التبريد بالكامل لمعاليك وهي مش مجاملة ...اه والله

اما بخصوص تبريد البروسيسور فانا اتقف معاك ان تبريد البروسيسور هايبقي جامد مووت لو انتقيت من البداية هيت سينك صح ومروحة كويسة ونضفت كيستك بشكل دوري وراعيت توزيع الاسلاك مع زيادة المراوح

بس كل المراوح اللي في السوق بتخرج هواها علي الجنب علشان تخربلها كام موسفيت بعد ستة ولا اتنين وهذا هي رغبة المصتعين

عموما نرجع لموضوعنا انا ليه مصر علي التبريد بالفريون

اولا الغرض الحالي هو التجربة وليس غرض تجاري لان الكلام ده هيكلفله حوالي 1200جنيه علي الاقل

وانا سابرد بالفريون حيث اني سارفع سرعة المعالج الamdالphenom اللي معي وانا من البداية اشتريته بعد قراءات مكثفة عرفتني ان البروسيسور ده قابل لزيادة سرعته عن غيره

لما ترفع السرعة تزيد دؤجة الحرارة بشكل جنوني لذا يلزم التبريد بشكل جنوني

شكرا يا باشا
اسف علي الاطالة

[M O R S H D Y]

شارع نجيب الريحاني في العتبة

افضلهم وهتلاقئ كل اللى محتاجوا فيه ....وابئا بلغتا بالنتجية .. الى الامام