القطع السطحية

[Ahmed Wahpa]

السلام عليكم ورحمة الله وبركاته
انا دورت في منتديات كتيرة عن المقاومة السطحية وإذا كان في أي مهندس شارحها بطريقة وافية شوية بس فشلت
انا كل اللي عايز افهمه هو إيه الفرق بين المقاومة السطحية والمقاومة العادية بتاعتنا اللي بنقرأها عن طريق الألوان
هو الفرق في درجة الحرارة ولا في الوات بتاعها ولا في إيه
المقاومات والمكثفات والترانزستورات ـ يعني كل القطع السطحية ـ إيه الفرق بينها وبين الكبيرة بتاعتنا اللي احنا شغالين عليها
أنا مش عايز رد على الموضوع بس ...
انا عايز البشمهندسين يعملوا موضوع وافي عن القطع السطحية دي ويبقى موضوع خاص بذاته.
جزاكم الله خيرا

[osama matar]

بسم الله
هل اطلعت على هذا الموضوع في نفس الصفحة الأولى

قراءة القطع الاإلكترونية الحديثة

[Ahmed Wahpa]

السلام عليكم ورحمة الله وبركاته
أنا فعلاً قرأت الموضوع ده
بس انا مش كان قصدي ان الموضوع مش موجود
انا قصدي ان الموضوع لازم نهتم بيه بشيء من التفصيل
علشان لو فعلا القطع دي بتؤدي نفس الغرض يبقى احنا كدة ممكن نستخدمها بدل القطع الكبيرة، وبكدة طبعًا حجم المشاريع بتاعتنا هيبقى أصغر بكتير.
وعلشان كمان في كل أجهزة الكمبيوتر بنلاقي القطع دي على البورد وكل الكروت زي الصوت والفيجا وتقريبًا كلها، وفي نفس الوقت بنلاقي المكثفات الكبيرة، وفي الغالب مش بيكون في مقاومات كبيرة، إيه الفرق ....؟؟؟ وليه المكثفات بالذات ؟؟؟
كل ده المفروض نعرفه، ولو كان المهندسين بالمنتدى عارفينه يبقى زي ما تعودنا ان المبتدئين في المنتدى ليهم حظ في التعليم.
وجزاك الله خيرًا يا بشمهندس أسامة وآسف لو كنت طولت

[osama matar]

بسم الله
غالباً ما يزيد حجم القطعة الإلكترونية من أجل تسهيل تداولها بأيدي الفنيين سواء عند التجميع أو الصيانة ولكن اذا استخدم الروبوت في عملية التصنيع وكانت القطع نادرة التعرض للتلف أو أن تكون نفس الدائرة غير مجهزة للصيانة فتستخدم القطع السطحية SMD
أعلم أن اجابتي غير كافية ولكنا في صراع مع الكهرباء فقد تنقطع في أي لحظة

[Ahmed Wahpa]

السلام عليكم ورحمة الله وبركاته
جزاك الله خيرًا يا بشمهندس أسامة على ردك عليا لتاني مرة
في الحقيقة الكهرباء المرة دي هعتبرها عدوي ـ مقدرتش افهم الإجابة بالضبط
لكن هستنى الكهرباء ـ وحاول تربطها كويس بعد كدة
هستنى ردك تاني ـ ومتشكر جدًا على مشركاتك في الموضوع
ويا ريت نشوف اراء الأعضاء في الموضوع ـ إذا كان ليه لازمة يعني
او حتى اسمع ردود عن عدم اهمية الموضوع ـ المهم اسمع مشاركات مفيدة زي البشمهندس أسامة كدة
السلام عليكم

[nodey]

شكر لك والي الامام دائما