[وليد 2003]

لو سمحتم عندى مشكلة فى بوردة جيجا بايت بانتيم 3 غريبة شوية ليه بقى
البورده مفيهاش اى حاجه بتسخن يعنى عادية وتفتح باور بشكل طبيعى خالص
ان وديتها لواحد واتنين وتلاته لما زهقت كله احتار فيها واشتغلوا فيها قدامى وكله بيقول الدواير سليمة البروسيسور والرامات والشاشة طيب المشكله فين اخر حاجه قالوا اشحن بيوس وبعد ماشحنت مفيش نتيجة واحد ابن حلال قال دى اخرها قاطعه من الشب رغم انه مفيش سخونة ولا يحزنون والبف سليم وكل حاجه سليمه
التيستر مابيديش اكواد خالص فمش عارف اعمل ايه ؟اسلم امرى لله ولا ليها حل عندكم البوردة موديل جيجا بايت 6oxc
--------------------------------------------------------------------------------------------
سؤال تانى لو سمحتم عندى رامه 128 كانت بتشتغل على البوردة دى لما احطها على بورده بانتيم 2 تتقرى 64 رغم انه فيه واحده تانى جنبها 128 على نفس البوردة البانتيم 2 وتتقرى عادى 128 اشمعنى يعنى
------------------------------------------------------------------------------------------
سؤال اخير معلش انا هارف انى تقلت عليكم هو فيه سوكيت على البورد عامة ممكن يقبل بروسيسور انتل وفى نفس الوقت ممكن يقبل بروسيسور ايه ام دى
اكون شاكر جدا لو ساعدتونى بالاجابة وخاصة فى مشكلة البوردة البانتيم 3 وليكم منى كل الشكر

[jojo sniper]

اولا اهلا بيك في المنتدى

ثانيا : هو انت عايز البوردة تسخن ممكن يكون الجو عندك حلو ومراوح البوردة كويسة فامبتسخانش ودا مصلحة ليك

ثالثا :ممكن يكون البوردة البانتيم 2 اخرها تشيل رام 192 ميجا بس

يعني بتاخد رامة كلها 128 وبتاخد من الرامة التانية 64 لانها مابتشيلش اكتر من كدا 192

رابعا :بالنسبة للسوكيت اللي بيقبل اكتر من بروسيسور انا سمعت عنه لكن ماشوفتهوش

خامسا : اهلا بيك في المنتدى واسال زي ماتحب

[وائل الحلو]

مشكور جوجو على الردود الجميلة دى

_______اخوك وائل الحلو_____

[محمد البدوي]

رائع عزيزي جون

[وليد 2003]

اقتباس المشاركة الأصلية كتبت بواسطة jojo sniper اولا اهلا بيك في المنتدى ثانيا : هو انت عايز البوردة تسخن ممكن يكون الجو عندك حلو ومراوح البوردة كويسة فامبتسخانش ودا مصلحة ليك ثالثا :ممكن يكون البوردة البانتيم 2 اخرها تشيل رام 192 ميجا بس يعني بتاخد رامة كلها 128 وبتاخد من الرامة التانية 64 لانها مابتشيلش اكتر من كدا 192 رابعا :بالنسبة للسوكيت اللي بيقبل اكتر من بروسيسور انا سمعت عنه لكن ماشوفتهوش خامسا : اهلا بيك في المنتدى واسال زي ماتحب

وانا بشكرك زى الزملا بس فين الحلول
البورده مشكلتها انها معليهاش ملحوظات الصيانة والاعطال الشايعة ورغم الفحص مره واتنين وتلاته وسلامة الدواير اللى انا قلت عليها ومع كده مش شغاله داتا يعنى تشتغل باور كويس وعادى لكن داتا لا وكل المكونات اللى عليها بروسيسور ورامات وكارت شاشة سليمه وزى الفل
وبالنسبه للرامه هى 128 وحتى لو وحدها على الجهاز البانتيم 2 لوحدها تتقرى 64 ولبجهاز البانتيم 2 ده بتشتغل عليه رامات 256 عادى لكن الرامه دى بتتشاف 64 على اى سلوت على البورده
بشكرك لسرعة ردك وترحيبك ده العشم منكم برضه بس ياريت الاقى اجوبة تحليلى مشاكلى ياريت النهارده اوصل لحلول فبل الاجازة

[جيفارا 28]

كان لدى بوردة مشابهة أعتقد انها تنتمى لجيل 6ox إن لم تكن هى على ما أتذكر أو ربما اختلاف الحروف الاخيرة .المهم مع سلامة جميع الدوائر هذه اذا كنت متأكد منها بالفعل وشحن البيوس ........ دقق فى امر الشبات رغم سلامتها الظاهرية وخاصة النورث بريدج .إذا تبدو متأكدا من سلامة الثاوث بريدج ثم دعنا نقوم بما يلى :
1- البوردة قطعت معك شوطا طويلا فى التجارب وعدم الاستخدام فقم بالتأكد من البطارية .ثم قم بعمل كلير سيموس من جمبر البوردة
2- قم بتشغيل البورده دون اى مكونات عليها تماما ثم قم بغلقها
3- قم بوضع البروسيسور المناسب بعد التاكد من سلامته بالطبع وتثبيت الفانة
هذه البوردة على ما اذكر تعتمد على السويتشات قى تظبيط ترددات البروسيسور فانتبه لذلك جيدا ... مع تردد البروسيسور الذى ستضعه ويفضل لو كان أقل من 1 جيجا أو هذه حدوده .اذا احترت قم بوضع السويتش بكل مفاتيحه على وضع OFF
وليكن التظبيط يدويا أى وفق احساس البوردة بالبروسيسور المثبت
4- قم بتشغيل البوردة باور ثم أطفأها بعد ثوانى بشكل طبيعى
5- الان ضع رامة واحده موثوق فيها ثم قم بتشغيل البورده باور ثم أطفأها بعد ثوانى بشكل طبيعى
6- الان ضع كارت شاشة وليكن على سلوت ال PCI لنتأكد من شىء واحد فقط مبدئيا قم بتشغيل البورده باور ثم أطفأها بعد ثوانى بشكل طبيعى مع ملاحظة الشاشة هل هناك اشارة لوجود داتا من عدمه
7- بناء على الحطوة السابقة يبدو أن المشكله ليس خللا فى كارت الشاشة ال AGP
8- محاولة احتياطية فقط ضع كارت الشاشة ال AGP الموثوق فيه ثم قم بعمل كلير سيموس من جمبر البوردة و قم بتشغيل البورده باور ثم أطفأها بعد ثوانى بشكل طبيعى مع ملاحظة الشاشة هل هناك اشارة لوجود داتا من عدمه
9- اذا لم تنجح كل تلك المحاولات السابقة فاتجه الى شب النورث بريدج ... ودقق فيما بينه وبين السلوت ال AGP اذا يبدو فى صورة البوردة هناك موسيفت وهو خاص بدائرة ال AGP وكان محل شك لو عملت البوردة بكارت الشاشة ال PCI ..ز المهم راجع ما بينه وبين السلوت ال AGP من بفات أو دايودات اومقاومات أو موحدات صغيرة ..مكثفات ..الخ ... وهذا ما أقول عنه لا تستبعد التوافه
-----------------------------------------------------
مسألة الرامه ال 128 فمالديك أن الرامة قد لا تقرأ بحجمها الحقيقى رغم سلامتها لما يلى :
1- قدرة السلوت على التعامل مع حجم الرامه أى لا يستوعب رامه بحجم أكبر من 64 .وهذه قمت انت بنفيها
2- الحاجه الى تحديث البيوس وهذه ايضا لاحاجة لك بها
3- السبب الأهم وهذا ما أرجحه هو عدد الشبات على الرامه نفسها اذا ان قدرة السلوت قد تتوقف على وجود رامه بعدد شبات معينه وكلما كان عدد الشبات اكثر على الرامه كانت القدرة على قراءتها أسهل .......... وهذا ماجعل السلوت لديك يقرأ رامه 128 بعدد شبات أكبر سواء كانت من ناحية واحده او على الناحيتبن ولا يقرأ رامه 128 عدد شباتها قليله 4 مثلا وهذه مرجعها الى تقسيم حجم الرامه على عدد الشبات
4- السبب الأخير وجود تعارض بين رامتين مختلفتين ويفضل الحكم هنا بتشغيل كل رامه على حده واستبيان الأمر كما فعلت أنت
------------------------------------------
بالنسبة للسوكيت الذى يمكنه أن يتعامل مع معالجات انتل ومعالجات AMD فى وقت واحد ...... لا ادعى العلم بوجود اكثر من سوكيت ولكن ما اتذكره وصادفته من قبل هو سوكيت قديم يسمى سوكيت 7 وهو موجود على البورد التى تدعم بعض أجيال بانتيم 1 وبانتيم 2 من معالجات انتل او مايكافئها من معالجات AMD امثال مايلى :
1-انتل بانتيم بترددات 75-200ميجا هيرتز و ايضا 166-333 ميجا هيرتز
2- معالجات AMD من فئة K6 بترددات 166-300 ميجا هيرتز وفئة K6-II بترددات 266-550 ميجا هيرتز
-------------------------------------------------
هذا كل مالدى الان وانتظر تجاوبا اكثر من الزملاء وخاصة فيما يتعلق بمشكلة البورده

[jojo sniper]

10/10 اخي جيفارا

[حمادة الجامد]

1 - بالنسبة للبروده 65 x
اولا لابد ان تتأكد انه لا يوجد عيب مهما كان غير قابل للصيانه او الاصلاح ولكن السـؤال ما هى مدى جدواه الاقتصادية اذا كان عيب خبيث
وسيطول البحث عنه ومجهود خرافى فضلا عن مدى وجود الامكانيات

لدى الفنى ( ادوات مساعده فى القياس قطع غيار اجهزة فك الشيب تتبع خطوط البورده الخ ) هل تستاهل عمل مجهود اضافى وتخصيص مساحة فراغ للبحث والتعقيب ؟؟

2 - اعتقد ان البورده 3 لديك باص 100 وانت حاطط يها رامتين
الاولى باص 100 فهتقراها طبيعى 128 والاخرى رامة باص 133 فهتقراها 64

الخلاصة تحتاج ان تنزع الرامة الباص 133 وتضع مكانها رامة اخرى باص 100

3 - لا اعتقد ذلك ولك لا أنفيه