[sadfriend]

اليومين الى فاتوا قابلتنى مشكلة أثناء تغيير مكثفات دائرة الباور وإتكررت معايا كذة مرة وحيت أخد رأيكم فيها ....

الموضوع وما فيه .. إنه المكثفات الى موجودة فى السوق حالياً .. بتكون من نوع ردىْ أو بتكون شكلها مختلف عن المكثفات الى موجودة أثاثاً فى البوردة من حيث الشكل والحجم .... يعنى مثلاً أنا كنت أمبارح بغير مكثفات الباور لبوردة جيجا بايت 533 المكثفات الى أشتريتها والى ملقيتش غيرها كان قطرها أكبر من قطر المكثفات الى فى البوردة ... الـ 4 مكثفات الى فى البوردة كانوا جنب بعض جداً ... يعنى عشان افكهم وركب التانين كان محتاج إنى أزخنقهم فى بعض لدرجة إنى لحمت الأخير فى بعيد عن مكانه معتمد على طول السلك الخارج منه .... بس أنا بصراحة مش حابب الموضوع ده ..

طب يا ترى ايه الحل

[yousefjoe]

السلام عليكم
طب متشترى بورد تقطيع احسن وكمان الحاجات الى فيها بتبقى احسن من الى فى السوق بكتير دا رائى المتواضع يعنى

[jojo sniper]

الحل يا اخي انك تاخد المكثفات من بوردة تقطيع وسعر البوردة مش غالي دا طبعا بعد ما تتاكد من ان الكثف اللي انت فاكيته سليم يعني بالقياس تشوفه بيشحن ولا لا بغض النظر انه منفوخ او مسرب

[جيفارا 28]

اقتباس المشاركة الأصلية كتبت بواسطة jojo sniper الحل يا اخي انك تاخد المكثفات من بوردة تقطيع وسعر البوردة مش غالي دا طبعا بعد ما تتاكد من ان الكثف اللي انت فاكيته سليم يعني بالقياس تشوفه بيشحن ولا لا بغض النظر انه منفوخ او مسرب

كما أشار عزيزى جوجو وكانت لدى نفس المشكله فى نفس البوردة GA-8ID533 وكان الحل تغيير المكثفات بالكامل من بوردة تقطيع ولازالت تعمل حتى الان بكفاءة

[sadfriend]

اقتباس المشاركة الأصلية كتبت بواسطة jojo sniper الحل يا اخي انك تاخد المكثفات من بوردة تقطيع وسعر البوردة مش غالي دا طبعا بعد ما تتاكد من ان الكثف اللي انت فاكيته سليم يعني بالقياس تشوفه بيشحن ولا لا بغض النظر انه منفوخ او مسرب

اقتباس المشاركة الأصلية كتبت بواسطة جيفارا 28 كما أشار عزيزى جوجو وكانت لدى نفس المشكله فى نفس البوردة GA-8ID533 وكان الحل تغيير المكثفات بالكامل من بوردة تقطيع ولازالت تعمل حتى الان بكفاءة

مشكور ليكم وبالفعل انا راودتنى الفكرة دى بس لصراحة كنت شاكك فيها .... لان المكثفات وخاصة الى فى دائرة الباور بتكون أول حاجة بتبيوظ وحتى لو مكثف واحد باظ أو حتى لإنتفخ او سرب بيأثر على المكثفات الى حواليه وعشان كدة إحنا بنغير كل المكثفات مش المكثف الى تلف فقظ ...

شكراً على النصيحة وجارى التجربة فيما بعد

[fantomas2005]

ممكن اعرف اشترى منين البرد التقطيع و بكام
لو سمحتم

[جيفارا 28]

اقتباس المشاركة الأصلية كتبت بواسطة fantomas2005 ممكن اعرف اشترى منين البرد التقطيع و بكام لو سمحتم

عزيزىfantomas2005 أقدر أهمية سؤالك لأنه يكون عادة السؤال الأول لمن أهتم سواء بتعلم الصيانة أو أخذ قدرا من التعلم ويريد التطبيق واكتساب الخبرات فيكون هذا هو سؤاله الأول :
1-أعتمد أولا على المعارف والاصدقاء فى ابلاغهم بأنه اذا كان لديهم مذربورد عطلانه أو بها مشاكل أو يعرفون أحد عنده مثل هذه المذربورد ذات الاعطال والمشاكل .... ويمكنكهم الاستعناء عنها سواء بمقابل أو بدون مقابل ..فسيكون هذا أفضل لك ...... لأن المذربورد ستكون عندئذ استعمال شخصى ..... أى لم تستهلك فى الصيانة من قبل أخرين
2- سوق الجمعة بالقرب من السيدة عائشة معروف بتداول مكونات الكمبيوتر عامة سواء السليمة أو التالفة طبعا الأغلب التالفة ومنها المذربورد والهاردات والرامات ..الخ وأحيانا أنت وحظك يمكن أخذ الشىء على انه تالف ويكون سليم او به عطل بسيط
3- المولات أيضا رغم صعوبة هذا بعض الشىء وهناك من سيغالى او يشترط شراء كميات معينه ...إذ انهم يفضلون الاحتفاظ بها غالبا لمجال الصيانة الخاص بهم
4- هناك فى بعض المنتديات بأقسام البيع والشراء أو اقسام العرض والطلب مثل منتدى دى فى دى فور عرب ... يمكنك أن تجد بعض الزملاء يعرضون للبيع بورد ذات أعطال أو تضع أنت طلب برغبتك فى شراء مذربورد بها اعطال ويمكنك تحديد مواصفات تلك البورد .......... وسبلغك كل من يقرأ طلبك هذا بمالديه وبالسعر المطلوب .ويمكنك وضع اعلان مجانى مثلا فى موقع مصراورى تطلب مذربورد بها اعطال
5- هناك أماكن فى القاهرة لبيع بعض المكونات للمذربورد أمثال المكثفات والموسيفتات والسوكيت الخاصة بكارت الشاشة ..الصوت البيلت إن أو الUSB والماوس والكيبورد ....الخ مثال على ذلك ...... مول النخيلى فى باب اللوق ..... بعض محلات اكسسورات الكمبيوتر فى شارع التحرير ........ محل أسمه راديو ميكو ........ وهناك محل خاص بالنخيلى فى نفس الشارع ...الخ

[fantomas2005]

يا باشا ربنا يخليك للجماهير
و الف شكر على الشرح المستفيض
بس انا فعلآ عاوز كمية 100 بوردة على الاقل لانى ناوى افتح محل صيانة ان شاء الله فعاوز اى حد يدخل مقولوش معنديش علشان اعمل سمعة و اسم كويس