[حماس]

سلام عليكم اخواني

اناعندى 2 هوت آير

والمشكله اني كل ما شترى شمعه من محل فى مول البستان اسمه xxxx تتحرق فى خلال ساعتين .. وانا لسه بتعلم يعنى مابشتغلش كتير

ونزلت العتبه فى شارع عبدالعزيز اشتريت من هناك 3 شمعات ب 15 جنيه واتحرقوا فى خلال يومين

مع العلم انى كنت بشتريها من عند نمبر وان ب 10 جنيه


اخوانى انا عاوز اعرف منين اجيب شمعه اصليه تشتغل زى اللى كت جايه مع الهوت آير الاول



وانا سمعت ان فى شارع اسمه شارع العطار ياريت لو حد يوصفلى مكانه بالظبط فين مع العلم اني من شبرا الخيمه

متشكر جدا يا اساتذتي على سعة صدركم

[وائل الحلو]

شارع العطار دة فى العتبة وهو بالقرب من شارع عبد العزيز والمطافى الى هناك


______________وائل الحلو___________--

[عبد الفتاح]

تقصد بالشمعة الملف الموجود في يد الهوت أير ولا الموجود في الكاوية.
وعموماً لو أنت تقصد الملف الموجود في الهوت أير فدا لازم يكون نفس نوع القديم أو لو أشتريتة وتحرق بسرعة دا معناه أن حضرتك المفروض تهدي الهيتر شوية يعني لو أنتن كنت بتشتغل على درجة 7 أو 8 يا ريت تشتغل على 3 أو 4 في الغالب دا بيكون نتيجة أن الملف بيكون بتاع هوتأير مختلف والله أعلى وأعلم.

[حماس]

اقتباس المشاركة الأصلية كتبت بواسطة وائل الحلو شارع العطار دة فى العتبة وهو بالقرب من شارع عبد العزيز والمطافى الى هناك ______________وائل الحلو___________--

استاذ وائل يعني انا اروح عند المطافي واسأل هناك

[حماس]

اقتباس المشاركة الأصلية كتبت بواسطة عبد الفتاح تقصد بالشمعة الملف الموجود في يد الهوت أير ولا الموجود في الكاوية. وعموماً لو أنت تقصد الملف الموجود في الهوت أير فدا لازم يكون نفس نوع القديم أو لو أشتريتة وتحرق بسرعة دا معناه أن حضرتك المفروض تهدي الهيتر شوية يعني لو أنتن كنت بتشتغل على درجة 7 أو 8 يا ريت تشتغل على 3 أو 4 في الغالب دا بيكون نتيجة أن الملف بيكون بتاع هوتأير مختلف والله أعلى وأعلم.

ايوا يا استاذى عبدالفتاح اقصد الموجود فى يد الهوت آير


طيب انا مش عندى القديم رميته لما اتحرق من شهر كده


والاتنين هوت ىير اللي عندى حتى لما بهدى درجة الحراره عاالاخر برده بيضل الشمعه شغاله علي الاخر

انا كنت مفكر ان المشكله فى الهوت الجديد

طلعت القديم وركبت له شمعه من اللى انا شاريهم برده اشتغلت سخن جدا حتى لما بهدة درجة الحراره

وبعدين بتتحرق علي طول

مش عارف بقى اجيب شمعه نضيفه منين

[mrcomputer]

أخي الفاضل
هناك عدة اجراءات للحفاظ علي الهوت أير الخاص بيك
أولا :- لا تترك الهوت يعمل لفتره طويله طالما انك لاتسنخدمه .
ثانيا :- لا تقوم برفع درجة الحرارة الي اقصي درجه مع خفض الهواء دائما يكون هناك توازن في اندفاع الهواء ودرجة الحرارة .
ثالثا :- اذا لاحظت احمرار في رأس الهوت أير فاعلم جيدا ان تقديرك في درجة الحرارة خاطئ .
رابعا :- من المعلوم أن السخان الاصلي عمره اطول من السخان البديل - لكن قصر عمر السخان عندك دليل علي سوء استخدام منك .
خامساً :- هناك موضوع بالقرية لكيفية الحفاظ علي ادوات الصيانه قم بمراجعته .

من هنـــــــــــا

[حماس]

اقتباس المشاركة الأصلية كتبت بواسطة mrcomputer أخي الفاضل هناك عدة اجراءات للحفاظ علي الهوت أير الخاص بيك أولا :- لا تترك الهوت يعمل لفتره طويله طالما انك لاتسنخدمه . ثانيا :- لا تقوم برفع درجة الحرارة الي اقصي درجه مع خفض الهواء دائما يكون هناك توازن في اندفاع الهواء ودرجة الحرارة . ثالثا :- اذا لاحظت احمرار في رأس الهوت أير فاعلم جيدا ان تقديرك في درجة الحرارة خاطئ . رابعا :- من المعلوم أن السخان الاصلي عمره اطول من السخان البديل - لكن قصر عمر السخان عندك دليل علي سوء استخدام منك . خامساً :- هناك موضوع بالقرية لكيفية الحفاظ علي ادوات الصيانه قم بمراجعته . من هنـــــــــــا

استاذى مستر كمبيوتر

انا بستخدم الهوت اير من حوالى سنه وكان الشمعه الاصليه اللى جايه معاه شغاله جدا كويس

لحد ما اتحرقت وانا شغال

واشتريت من مول البستان

واتحرقت بعد دقيقتين شغل

واشتريت من شارع عبعزيز وبرده اتحرقت

مع علمك يا استاذى انا لما بظبط المؤشر بتاع الهوت اير على اوطى درجه برده الشمعه بتفضل عاليه اوى

لو انتا تعرف نوع كويس اشتريه او حدكويس توصفه ليا اكون متشكر اوى لو تدلنى

متشكر جدا لردك

[وائل الحلو]

تركب ميكروباص من شبرا الخيمة عندك بتاع العتبة وتنزل عند المطافى اول ما هتنزل هتلاقى فى وشك على طول شارع عبد العزيز هناك اسال على شارع العطار هو قريب منة او تقريبا فى ظهرة ولو xxxxxxxxxxxxxxxxxxxxxxxxxxxx


_______________وائل الحلوووووووووووووووو_____________