[medhat99]

السلام عليكم ورحمة الله
ياريت يا اخوانى الاقى حد يصلح كارت شاشة من نوع geforec 256
عيب الكارت انه بيعمل خطوط على شاشة الويندوز وكمان مش بيقبل التعريف بيعمل علامة صفرة عليه وديته لواحد قال ان البروسيسور بتاعه عايز يتغير

وشكرا يا اخوانى

[وائل الحلو]

اقتباس المشاركة الأصلية كتبت بواسطة medhat99 السلام عليكم ورحمة الله ياريت يا اخوانى الاقى حد يصلح كارت شاشة من نوع geforec 256 عيب الكارت انه بيعمل خطوط على شاشة الويندوز وكمان مش بيقبل التعريف بيعمل علامة صفرة عليه وديته لواحد قال ان البروسيسور بتاعه عايز يتغير وشكرا يا اخوانى

__________________________________________________ __

بعد التاكد اخى من التعريف الصحيح للكارت وانك نزلت اخر اصدار للكارت من موقع الشركة المنتجة للكارت بص على المكونات الداخلية فى الكارت من مكثفات او اى مكون الكترونى اخر موجود على الكارت نفسة وعلى اى اساس الشخص دة قالك ان البروسيسور بايظ وعاوز يتغير واعتقد انة حتى لو كدة هتكون العملية دى مش مجدية لانك لازم تجيب بروسيسور تانى زية بالضبط ان كان ليك فى القياسات الاكترونية قم بفحص المكثفات والموسفيتات والبفات وكل المكونات اللى على الكارت للتاكد بنفسك من تلف الكارت ام لا وياريت لو تحاول انك تركب الكارت على جهاز تانى اخر مختلف عن مكونات الجهاز دة مع تنزيل احدث تعريف للكارت ودة للتاكد ان الكارت هيديك علامة تعجب صفراء ام لا واهم ما فى الموضوع انك تنظف الكارت كويس وتنظف مكانة جيدا مع امكانية انك ترش الكارت بمادة جافة زى اسبراى akay وتنظر لاى اثار احتراق او سخونة على اى من مكونات الكارت مع تركيب مروحة للكارت واتمنى لك التوفيق ولو احتاجت اى حاجة انا موجود


________________وائل الحلو________________

[sadfriend]

ممكن أعرف موديل الكارت ... غالباً الكروت 6200 وما فوقها بيظهر فيها عيب الخطوط ده دايماً وحله هو تغيير المكثفات

[hariedy]

راجع المكثفات كما قال الاخوة ولا تنسى الموسفيت وتسببه لمثل تلك المشكلة
والله اعلم .

[medhat99]

متشكر جدا يا اخوانى على مشاركتكم الكريمة
انا للاسف ما اعرفش اعمل اختبار للكارت وما اعرفش اغير فيه حاجة بس انا اللى عملته انى وديته لمكتب صيانة عادى وجربه على كذا جهاز وعمل نفس الموضوع فعرضت المشكلة هنا فى المنتدى وقالولى مكثفات فعرفت واحد بيصلحه كروت خده وحاول فيه قالى المكثفات سليمة وبعد كدة قال البروسيسور هو اللى فيه المشكلة ولازم يتغير ونوع الكارت وموديله اهو
NVIDIA GeForce 6200 TurboCache(Tm
وانا هاحاول انزل تعريف للكارت حديث واجرب يمكن تتحل المشكلة وشكرا جزيلا جدا يا اخوانى وبارك الله فيكم

[وائل الحلو]

منتظرين النتيجة وان شاء الله خير

[medhat99]

للاسف يا اخوانى انا نزلت احدث تعريف للكارت وبرضوا مش بيقبل تعريفه بيعمل علامة صفرة عليه وخطوط على شاشة الويندوز بصراحة مش عارف اعمل ايه مع الكارت ده