[حماس]

سلام عليكم ورحمة الله

ازيكم يا اساتذتي


كل سنه وانتوا بخير


من حوالى سنه نزل فى السوق رايتر سامسونج

بيشتغل لمده 4 شهور كويس اوى

وبعد كده تيجى تفتح الباب يقولك ولا انا باب ولا انا هافتحلك

تفضل بقى تجيبه شمال ويمين وتحايله لحد ما يحن عليك ويفتح

او تريح دماغك وتنتشه خبطتين على راسه لحد ما يفتح

او تشوف دبوس ابره وتغزه يروف فاتح علي طول

اساتذتي ياريت اللى يعرف حل المشكله بتاعت الرايتر ده ربنا يرزقه ويكرمه ويقولى على حلها

متشكر جدا

[hariedy]

فعلا كلامك صحيح وده عيب فى الميكانيكا الخاصة بيه مش عيب
سير او موتور .
والله اعلم .

[sadfriend]

هو فعلاً عيب شائع ظهر فى معظم الرايترارت السامسمونج الجديدة الاى ظهرت فى السوق الفترة الى فاتت ... لاحظتها كتير 3 اربع شهور والباب يعلق ... رغم ان حلها بسيط كما تفضل مشرفنا الغالى ...غير سير المتور بسير أضيق منه قليلاً وستجدها بقت تمام

[aboelnagah]

الريتر السامسونج ده مش كويس

انضف ريتر تشتغل بيه وتاخد منه اجمل شغل
هو ال LG

[وائل الحلو]

بارك الله فيك اخى هريدى وsad friend _________

[عبد الفتاح]

مشكلة الباب مع أي سيدي بأختصار هي منحصرة في حاجتين دائماً
أولاً: السير غير السير بأضيق من الموجود
ثانياً: مع الأستخدام ومع تكرار دوران الأسطوانة أثناء شغل السي دي بيكون موجود مغناطيس فوق الماتور علشان يمسك الأسطوانة مع كثرة دوران الأسطوانة هذا المغناطيس بتزيد قوتة فلما تيجي تخرج باب السيدي قوة هذا المغناطيس بتمسك الباب فالعمل وضع عليه لزق ذي السلوتيب والله أعلى وأعلم.

[hariedy]

زى ما قال الاخ عبد الفتاح بس السير هنا مش هيغير شىء لانه عيب شائع
والمشكلة من الاطار الممغنط الموجود فوق موتور السيدى وللتأكد اخبط ولكن
برفق على الريتر اثناء التعليق فوق الاطار ان فتح الباب فأنت توصلت اذاً للحل
مع انها بصورة ابسط قد تكون مشكلة سير ولكنه نسبة لتكرر العطل وحسب
وصفك فهو من الاطار الممغنط .
والله اعلم .

[مهندس منعم]

اقتباس المشاركة الأصلية كتبت بواسطة حماس سلام عليكم ورحمة الله ازيكم يا اساتذتي كل سنه وانتوا بخير من حوالى سنه نزل فى السوق رايتر سامسونج بيشتغل لمده 4 شهور كويس اوى وبعد كده تيجى تفتح الباب يقولك ولا انا باب ولا انا هافتحلك تفضل بقى تجيبه شمال ويمين وتحايله لحد ما يحن عليك ويفتح او تريح دماغك وتنتشه خبطتين على راسه لحد ما يفتح او تشوف دبوس ابره وتغزه يروف فاتح علي طول اساتذتي ياريت اللى يعرف حل المشكله بتاعت الرايتر ده ربنا يرزقه ويكرمه ويقولى على حلها متشكر جدا

تغير السير افضل حل للريتر جرب مش هتندم