[alalbeet]

بسم الله والصلاة والسلام على سيدنا رسول الله وعلى آله وصحبه ومن والاه اما بعد :-

يا جماعه بجد انا عاوز حد يساعدنى علشان اصلح الباور سبلاى دة

الباور سبلاى لما بوصله بالماذربورد اللمبه اللى فى الماذربورد بتشتغل آجى اشغل الكمبيوتر الاقيه مش بيقيد اصلا بس اللمبه اللى فى الكيسه بتقيد مرة واحدة وتطفى قلت لما اغير الباور سبلاى جبت باور سبلاى واحد صاحبى لقيت الكمبيوتر شغال تمام

انا عاوز بس اعرف كدة يبقى العيب فى اى جزء فى الباور سبلاى ؟؟؟؟؟؟؟؟؟؟

ياريت لو فى كتاب بيشرح طريقه صيانه الباور سبلاى ياريت تديهولى لحسن بجد الموضوع عاجبنى قوى وعاوز اتعلمه

وفى معلومة

وصلت الطرفين الأخضر والأسمر ببعض والمفروض بقى الاقى المروحة بتاع الباور سبلاى تشتغل بس مشتغلتش وجيت اقيس الفولت على الأطراف بس مدانيش خرج خالص كدة يبقى الباور سبلاى مش شغال بالرغم من انى لما بوصله فى الماذر بورد اللمبه اللى جواة قادت

[mrcomputer]

أخي العزيز
راجع المكثفات الكيميائيه الموجوده بوحدة الباور سبلاي وخصوصا عند خرج الفولتيات وانشاء الله المشكله مش حتخرج عنهم .

[alalbeet]

اقتباس المشاركة الأصلية كتبت بواسطة mrcomputer أخي العزيز راجع المكثفات الكيميائيه الموجوده بوحدة الباور سبلاي وخصوصا عند خرج الفولتيات وانشاء الله المشكله مش حتخرج عنهم .

ماشى يا باشا كلامك جميل بس دلوقتى اللى اعرفه انى علشان اراجع المكثفات دى الطريقه العمليه ليها انى ابص على المكثفات واشوف شكلها متغير والا لأ صح كلامى

ياريت لو فى طريقه اقدر اعملها احسن من دى علشان انا مش حاسس ان الطريقه دى بتنفع قوى على العموم انا هجرب دة يا باشا وشكرا على السرعه فى الرد

[mrcomputer]

اقتباس المشاركة الأصلية كتبت بواسطة alalbeet ماشى يا باشا كلامك جميل بس دلوقتى اللى اعرفه انى علشان اراجع المكثفات دى الطريقه العمليه ليها انى ابص على المكثفات واشوف شكلها متغير والا لأ صح كلامى ياريت لو فى طريقه اقدر اعملها احسن من دى علشان انا مش حاسس ان الطريقه دى بتنفع قوى على العموم انا هجرب دة يا باشا وشكرا على السرعه فى الرد

بص يا سيدي :
اولا : 90 بالمائه من المكثفات لما بتكون عطلانه بيبان علي شكلها زي مانت عارف .
ثانيا :
في طريقه احنا بنتبعها للاختبار وبتنجح بنسبة 90 بالمائه وهي طريقة الشحن والتفريغ :
فك المكثف من الدائرة .
لمس الطرفين لتفريغ الشحنه كما يلي

ضع الافو علي وضع الجرس
لمس الطرف السالب للافو بطرف المكثف السالب والطرف الموجب للافو بالطرف الموجب للمكثف كما يلي :

لو المكثف سليم حيعد الافو تصاعدي ثم يعطي واحد وهذا معناه انه شحن وفرغ وبكدا يكون سليم .

[حماس]

شكرا استاذى مستر كمبيوتر

طيب انا عندى معلومه وعاوزيين نتكلم فيها

دلوقتي انا اعرف ان المكثف بيسمح بمرور التيار المتغير ولا يسمح بمرور التيار الثابت


يبقى انا ممكن لو اخدت سلكين من سلك الباورصبلاى

واحد ارضى والتاني 5 فولت مثلا

وفكيت موتور من سى دى روم بايظ

ووصلتهم بالموتور المفروض الموتور يلف طبيعى


طيب انا بقى هاقطع الطرف الكهربه ال 5 فولت واحط مكثف بينه يبقى كده المفروض الموتور يلف لفه ويقف صح ؟؟؟؟؟

معاك عشان تفيدني فى الكلام ده

ومتشكر جدا ليك


وفى حاجه كمان عاوز اتناقش فيها

وهى وظيفة المكثف فى المازربورد

وبالاخص فى مرجلى تغذيه البروسيسور

انا اعرف ان اخر عنصر قبل البروسيسور هو المكثف

وبتخيل ان وظيفة المكثف هنا هي خزان للكهرباء لا ينقطع عشان يبقى الفولت متوفر باستمرار امام البروسيور

والكلام ده عكس اللى بيتقال من كل الخبراء

هما بيقولو ان المكثف بينعم التيار

ياريت يا استاذى انتا وكل اساتذة الصيانه نتناقش مع بعض حول الكلام ده

وياريت اللىفاهم بسسسسسسسسسس هو اللى يحاول يفهمنا الصح

موش عاوزين حد يفتى بدون علم

يا اما يقول زى منا بقول (( عندى معلومه وموش عارف ان كانت صح ولا غلط))

متشكر

[wleed antar]

السلام عليكم ورحمة الله وبركاته

أخى الفاضل الأسلوب الصحيح لتتبع الطل كالآتى:

1- الكشف عن خرج الخمسة فولت والكشف عن الأثنتى عشرة فولت.
ومن ثم نتتبع من خلال هذا العطل عكسيا فلو كان أحد المخرجات موجود والاخر غير موجود فلن تعمل البوردة ولكن قد تعمل اجزاء منها ، وبالله التوفيق

[mrcomputer]

اقتباس المشاركة الأصلية كتبت بواسطة حماس شكرا استاذى مستر كمبيوتر طيب انا عندى معلومه وعاوزيين نتكلم فيها دلوقتي انا اعرف ان المكثف بيسمح بمرور التيار المتغير ولا يسمح بمرور التيار الثابت يبقى انا ممكن لو اخدت سلكين من سلك الباورصبلاى واحد ارضى والتاني 5 فولت مثلا وفكيت موتور من سى دى روم بايظ ووصلتهم بالموتور المفروض الموتور يلف طبيعى طيب انا بقى هاقطع الطرف الكهربه ال 5 فولت واحط مكثف بينه يبقى كده المفروض الموتور يلف لفه ويقف صح ؟؟؟؟؟ معاك عشان تفيدني فى الكلام ده ومتشكر جدا ليك وفى حاجه كمان عاوز اتناقش فيها وهى وظيفة المكثف فى المازربورد وبالاخص فى مرجلى تغذيه البروسيسور انا اعرف ان اخر عنصر قبل البروسيسور هو المكثف وبتخيل ان وظيفة المكثف هنا هي خزان للكهرباء لا ينقطع عشان يبقى الفولت متوفر باستمرار امام البروسيور والكلام ده عكس اللى بيتقال من كل الخبراء هما بيقولو ان المكثف بينعم التيار ياريت يا استاذى انتا وكل اساتذة الصيانه نتناقش مع بعض حول الكلام ده وياريت اللىفاهم بسسسسسسسسسس هو اللى يحاول يفهمنا الصح موش عاوزين حد يفتى بدون علم يا اما يقول زى منا بقول (( عندى معلومه وموش عارف ان كانت صح ولا غلط)) متشكر

اخي الفاضل
هناك مواضيع بالمنتدي تناقش المكونات الالكترونيه وطريقة عملها وتركيبها وهكذا ....
ابحث جيدا بالمنتدي الملئ بالمعلومات لتجد ما تريد
ومن هنـــــــــــــــــــــا احد المواضيع المميزه عن المكثفات ومكونات اخري

[ozza]

اقتباس المشاركة الأصلية كتبت بواسطة حماس شكرا استاذى مستر كمبيوتر طيب انا عندى معلومه وعاوزيين نتكلم فيها دلوقتي انا اعرف ان المكثف بيسمح بمرور التيار المتغير ولا يسمح بمرور التيار الثابت يبقى انا ممكن لو اخدت سلكين من سلك الباورصبلاى واحد ارضى والتاني 5 فولت مثلا وفكيت موتور من سى دى روم بايظ ووصلتهم بالموتور المفروض الموتور يلف طبيعى طيب انا بقى هاقطع الطرف الكهربه ال 5 فولت واحط مكثف بينه يبقى كده المفروض الموتور يلف لفه ويقف صح ؟؟؟؟؟ معاك عشان تفيدني فى الكلام ده ومتشكر جدا ليك وفى حاجه كمان عاوز اتناقش فيها وهى وظيفة المكثف فى المازربورد وبالاخص فى مرجلى تغذيه البروسيسور انا اعرف ان اخر عنصر قبل البروسيسور هو المكثف وبتخيل ان وظيفة المكثف هنا هي خزان للكهرباء لا ينقطع عشان يبقى الفولت متوفر باستمرار امام البروسيور والكلام ده عكس اللى بيتقال من كل الخبراء هما بيقولو ان المكثف بينعم التيار ياريت يا استاذى انتا وكل اساتذة الصيانه نتناقش مع بعض حول الكلام ده وياريت اللىفاهم بسسسسسسسسسس هو اللى يحاول يفهمنا الصح موش عاوزين حد يفتى بدون علم يا اما يقول زى منا بقول (( عندى معلومه وموش عارف ان كانت صح ولا غلط)) متشكر

السلام عليكم ورحمة الله وبركاته
ارد اولا على صاحب الموضوع وان شاء الله اوفق في الاجابة
اولا :موضوع الفولت اللى ظاهر في الباور سبلاي دا فولت دائرة ال 5 فولت فقط
بمعنى انه لايستطيع تشغيل الجهاز بهذا الجهد فقط وانما يلزم وجود باقي الجهود الاساسية 12 فولت & -12 فولت و3،3 فولت و5 فولت لكي نحكم على الباور انه سليم يجب ظهور هذه الجهود تماما كما هي او بنسبه خطا حوالي 2% من الارقام المبينه
اما بالنسبة لمشكلة الباور المذكورة فهي وكما رأيت في عدد كبير من الباور سبلاي ان دائرة ال 12 وهي اكبر ترانزستور من ترازستورات الخرج واحيانا يأتي على هيئة 2 دايود موصلين مع بعض من اعلى وملحومين في البوردة من الاسفل هذا الترانزستور فيه شورت في الدائرة الخاصة به او فيه هو اصلا او في احد المكثفات المتصلة به تمنع الباور من العمل ككل ولحل هذا العطل يتم استبدال المكون التالف بأخر ثم التجربة وانصح بالتجربة على اللمبة السيريا اولا
قبل توصيل الجهاز على مصدر الكهرباء مباشرة
طيب لو مفيش حاجة عطلانة وبالقياس كل شيئ تمام يبقا ، نأكد على اللحامات في دائرة الخرج ونجرب على بركة الله تعالى ،
الاخ حماس : ارحب بالنقاش معك حول وظيفة المكثفات ولكن يجب ان نتفق اولا ان العنصر الواحد لايشترط ان تكون له وظيفة واحدة
وضع المكثف في الدوائر هو الذي يعبر عن الدور الذي يقوم به في هذه الحالة فقط وله عدة اوضاع اذن نحن بصدد عدة وظائف للمكثف في الدوائر المختلفة
فمنها على سبيل المثال دوائر الترشيح بالمكثفات ودوائر تنعيم التيار في منظمات القدرة ودوائر تخزين الطاقة كما في دوائر معامل القدرة ولك ان تعرف ان معظم البطاريات المستخدمة في السيارات عبارة عن مكثفات تحتفظ بالطاقة الكهربائية لاستخدامها عند الحاجة اليها
اما ماصنعته انت من تجربه فمن الطبيعي ان دائرتك متصلة بالمكثف على التوالي وعلى ذلك فان الموتور سوف يأخذ مقدار من الطاقة الكهربائية في زمن ضئيل جدا وهو زمن شحن المكثف ثم يتوقف عن العمل لان المكثف في هذه الحالة عمل مقاومة (معاوقة ) لمرور التيار في الدائرة
تقبل منى تحياتي لك ويارب اكون افدتك بشيئ ولو قليل
والله الموفق