ابليس يستقيل و يجمع اغراضه للرحيل
كان في غرفته , يلملم ملابسه في حقيبة إلى جانب باقي متعلّقاته , على المنضدة القريبة كانت استقالته موقّعة ومختومة حسب الأصول , وبجوارها تقبع تيكت إلى حيث نشاته قي الولايات المتحدة وبالتحديد في الكونغرس
كانت ملامح وجهه في تلك اللحظات تنطق بالحزن, الكآبة , الإحباط , اليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل إبليس راحلٌ عن بلادالعرب إلى غير رجعة... فليفرح المؤمنون .... لوين وين رايح؟ ليش عم بتضبّ غراضك
يارجل مابقالي قعدة عندكونصرلي سنين عاطل عن العمل وقرّبت موت من الجوع .. ما بلاقي معك سيجارة يا أخي ؟
ما رح أترك فيكم لاوسواس ولا خنّاس! كنت زمان بوسوس للوحدة تترك ابنها يبكي وهي عم تحكي مع جاراتها, هلأ صاروا لحالهم يرموا اولادهم بالحاوية أوّل مايجوا
كنت وسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يارجل إذا أنا إبليس تسمّمت بالشاورما والفول والطعمية
كنت كمان اوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه
واحد بيسرق 100 مليون عينك عينك بيحبسوه 3 سنين بـــ فيلاّ عالشط , وتنين عم بينبشوا بمكبّ الزبالة بتقوصهن ( تطلق عليهم النار ) الشرطة , إنتو بدّكون إبليس إنتوا ؟
اخوانكم في غزة يذبحون وانتم ترقصون على شاشات الفضائيات؟ واطفال تقطع اوصالها وناس قافلة معبر .. نسوان تموت بالفوسفور الابيض على الطرقات ومذيعات ما شاء الله غلبوني بالسخرية عليهن؟ حتى انا قلبي اتقطع على هلشوفات والزعماء عندكم ابلسة تفوقوا عليّ؟
صار عندكم فائض بقلة الحياء والانحطاط وعدم الاحساس و بالفساد بكفّي 30 سنة لقدّام, صرت خاف على حالي منكم يا رجل ؟؟
صرت اتجبر مرّات وسوس بالمقلوب وقول للمسؤول اشفق على اهلك يذبحون؟ واستجدي النخوة فيهم. وللحرامي بيكفّي خلّي شويّ للحراميّة اللي رح ييجوا بعدك وووووووو
يعني إذا إنتو لحالكون ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تكسي يعني ولاّ أفتح صالون حلاقة ؟
ماضلّ غير قدّم للأوقاف يعيّنوني واعظ أو إمام جامع
=== ===
حُرّك بتصرّف
ابليس يستقيل و يجمع اغراضه للرحيل
