[zo0omaa]

من غير مقدمات اخش في الموضوع علي طول. علشان نقضي علي جشع التجار والسرقة العلنية اللي بتحصل علي مرأي و مسمع الجميع وغصب عننا كلنا بقولكوا ان الحل هو:

إضراب !

ايوة إضراب. في العالم كله لما بيبقي في سلعة معينه التجار مزودين سعرها جامد المستهليكن بيضربوا عن شراء السلعة دي لمدة معينه علشان السعر يتظبط تاني مستغلين قانون العرض والطلب.

الفكرة كلها ان احنا هانمتنع عن الشراء نهائيا ً لمدة معينه نتفق عليها نقول مثلا ً اسبوعين بس ، في المدة دي ماحدش يشتري اي حاجة خالص ولا حتي سلك ، في الاسبوعين دول المولات لازم تبيقي فاضية ، المحلات هاتبقي بتنش ، اللي هايدخل مول من المولات مش هايسمع سريخ ابن يومين فيها ، وبعد المدة دي ماتخلص اتفرجوا علي الاسعار هاتبقي عاملة ازاي ، وانا بقولكوا اهو من دلؤتي هاتلاقوا تغيير شامل في السوق لان التجار هايحسوا ان احنا لينا تأثير ، لينا صوت ، لينا دور وعندنا القوة اللي نأثر بيها عليهم وبكدة نبقي وجهنالهم ضربة قوية ولو فكروا يغلوا الاسعار تاني هايشوافوا اللي هايحصلهم.

احنا لازم مانقللش من روحنا ونفهم ان احنا الاقوي واننا نقدر نعمل كتير ، ببساطة لاننا كتير مش عدد قليل ، حد مكن يقولي بس طبعا ً احنا مش كل المستهلكين ، هاقولوا طبعا ً عند حق بس احنا نسبة كبيرة ماتقلش عن 80 % لـ 85 % وممكن كمان نوصل لـ 90 % من المستهلكين ، انا مش اصدي اعضاء منتدي القرية الاليكترونية بس لكن انا اصدي كل الناس اللي كل واحد فينا يعرفهم يعني كل واحد يقول لاصحابه و قرايبه وبكدة يبقي كلامي صح ان احنا مش اقل من 80 % مثلا من المستهلكين ، وتخيلوا معايا لو ان نسبة الشرا قلت بنسبة 80 % ايه اللي هايحصل ؟! :ah26:

ممكن حد يقولي برضه ان التجار مالهومش زنب وان الوكلاء هما السبب هاقولوا ان برضه الإضراب دة هايربي الوكلاء والاسعار برضه في النهاية هاتتظبط.

و برضه في نقطة احب اوضحها: كل التجار يعدوا يقولوا النقل والضرايب والجمارك والشحن والمشعارف ايه هو اللي بيخلي الحاجة هنا سعرها اغلي من برة ، حلو اوي طيب ليه مثلا ً الهارد WD1001FALS ( اللي هو الـ 1000G Black ) تمنه علي النت 130 $ ( يعني 714 جنيه )وآخر سعر ليه هنا هو 740 جنيه (من غير فصال) - ( وطبعا ً كلنا عارفين ان تمنه كان 700 جنيه من شهر بس هانقول ايه علي اللي ماعندهمش ضمير) ، هو مش السعر دة شامل الضرايب والنقل والشحن والجمارك وكل حاجة ولا لا ؟ طيب ليه تمنه هنا اغلي من برة بـ 26 جنيه بس ؟ يبقي كل دي حجج بس ، والضرايب والجمارك و إلخ مش كتير و مش غالية و مش هاتفرق في تمن الحاجة خالص والفرق اللي بيبقي في تمن قطع تانية دة - اللي بيبقي بين سعرها هنا وبرة - بيبقي في جيب التاجر مش جمارك وضرايب والشحن زي مابيقولوا.

واديكوا مثال تاني البروسيسور Q9650 اول مانزل كان هنا بـ 3700 جنيه والسعر دة في المجلة (في شهر 11) وكان تمنه علي النت بـ 350 $ (يعني بـ 1925 جنيه - يعني قول يا سيدي 2000 جنيه ) ودلؤتي سعره بقة 2150 جنيه مع ان سعره برة زي ماهو والجمارك والضرايب والشحن برضه زي ماهما ، يبقي الفرق في السعر دة راح فين ؟! في جيب التجار برضه ، لان اكيد لو اللي كان مغليه و مخلي تمنه 3700 جنيه الضرايب او الجمارك كان هايفضل تمنه ثابت علي كدة ، ويعني هم لما رخصوه كل دة بيخسروا ؟ لا طبعا ً - ولو تاخدوا بالكوا ان دلوئتي تمنه يفرق عن تمنه بره 150 جنيه بس شاملة الضرايب والجمارك والنقل وكل حاجة - .

انا برضه بقترح لو نعمل برضه مثلا ً جروب علي الـ Facebook علشان نوسع دايرة الناس المشتركة معانا في الاضراب دة - كل دة في حالة لو ان اقتراحي لاقي قبول عن حضراتكوا طبعا ً - .

بس خلاص.

مستني ردودكوا و ارائكوا في الاقتراح دة

سلام عليكم ورحمة الله وبركاته.

[سلسبيلا كمبيو]

والله فكرة فعلا جميلة ودا المفروض يحصل ف كل حاجة مش ف القطع الكمبيوتر بس اى سلعة وكمان ف السلع الغذائية (يعنى نبئى شعب ليه كلمة وليه رأى )موش شعب سلبى زى ميقولوا نئول حاضر وخلاص

واحنا المفروض منبئاش ااقل من شعوب العالم اللى ليهم رأى وليهم كلمة وليهم تأثير يعنى موش كل واحد يقول ياعم قول يابااااااااسط

لا والله دايما تقدم الشعوب يبئى ف الوحدة والكلمة الواحدة
وبعدين موش كل واحد يقول لو انا مشترتش غيرى هايشترى لازم يبئى فيه عزيمة وارادة لازم نبدأ حتى ولو بنفسك اولا وبعدين بالمعارف وهكذا
ويسلام لو مشرفنا الغالى ينشأ ف القرية قسم لحملة مكافحة الاستغلال عاى الاقل نطرح فيه اسعار الحاجات المتداوله علشان محددش يشترى حاجة ويضحك عليه
انا اول المنضمين لصوتك
بس طريقة التقاطع لازم بيقالها شكل صح وموثر

والله الموفق

ويارب ميكونش كلااااااااااااااااااااااااااام وبس

[مصطفى 151]

الله , انا منتظر الوقت