[كريم الوكيل]

بسم الله الرحمن الرحيم
اخوكم واقع في مشكلة كبيرة جهاز p4 فجأة نسخة الويندوز باظت قولت انزل نسخة النسخة بعد اول بوت ونسخ اول ملفات النظام ومع الريستارت الأول تدخل علي السي دي تاني ومش راضية تعمل البوت من الهارد
انا عملت ايه هقولكم شكيت في الهارد الـ 160 بتاعي رحت نزلت عليه نسخه عند واحد صحبي طلع شغال تمام
غيرت الرامه والباور صبلاي والسي دي روم والبروسيسور كل ده علي التوالي ومفيش فايده
قلت بس هوه البيوس رحت عملت ابديت للبايوس مفيش اي نتيجه المشكلة لسه زي ماهيه يا ريت يا أخوانا اللي عنده حل يقوله ممكن اكون فيه حاجه معملتهاش او اللي قابلته المشكلة دي يقولي طبعا انا برضه عملت mbr بتاع الهارد يعني مخلتش لأني اصلا فني صيانة
وشكرا وجزا الله خيرا كل من حاول المساعده

[م/احمد محمود]

اقتباس المشاركة الأصلية كتبت بواسطة كريم الوكيل بسم الله الرحمن الرحيم اخوكم واقع في مشكلة كبيرة جهاز p4 فجأة نسخة الويندوز باظت قولت انزل نسخة النسخة بعد اول بوت ونسخ اول ملفات النظام ومع الريستارت الأول تدخل علي السي دي تاني ومش راضية تعمل البوت من الهارد انا عملت ايه هقولكم شكيت في الهارد الـ 160 بتاعي رحت نزلت عليه نسخه عند واحد صحبي طلع شغال تمام غيرت الرامه والباور صبلاي والسي دي روم والبروسيسور كل ده علي التوالي ومفيش فايده قلت بس هوه البيوس رحت عملت ابديت للبايوس مفيش اي نتيجه المشكلة لسه زي ماهيه يا ريت يا أخوانا اللي عنده حل يقوله ممكن اكون فيه حاجه معملتهاش او اللي قابلته المشكلة دي يقولي طبعا انا برضه عملت mbr بتاع الهارد يعني مخلتش لأني اصلا فني صيانة وشكرا وجزا الله خيرا كل من حاول المساعده

هل تم استبدال الهارد على الجهاز

[كريم الوكيل]

بعم اخي تم استبدال هارد بهارد ديسك 40 جيجا اشتغل ونزل النسخة طيارة
ربنا يباركلك يا هندسه تابع معايا انا فاتح النت وقاعد المشكلة دي قابلتي في الشغل كتير

[حمادة الجامد]

ممكن نوع الهارد ؟؟؟ ويسترن - سيجيت - ماكسور - هيتاشى الخ ؟؟؟؟

هل غير من وضع الجمبــر ؟؟ او فى اعدادات البيــوس ؟؟؟؟

هل جربت عمل cls clear ?

[م/محمود ادريس]

المشكلة انك قلت ان الهارد نزل ويندوز علي جهاز تاني...
لولا كده كنت قلت لك Active ال C

[م/محمود ادريس]

بص يا باشمهندس :

المشكلة دي قابلتني في بعض الهاردات ال 80 الويسترن وكانت بتتحل بتقسيم الهارد ب FDISK .


ياريت تقول لنا الهراد ال 160 ساتا ولا عادي....

[كريم الوكيل]

أولا شكرا لكل الأخوة اللي تابعوا المشكلة معايا
اولا الهارد داتا ويسترن اتعمل فيه كل حاجه قولتو عليها من تشيك علي بادات لجنابر لكلير لكل حاجه
وأخيرا بفضل الله ونعمته انا لقيت الحل بس بالله عليكم مفيش حد يضحك
كابل داتا اوريجنال وهوه ده الوحيد اللي بتنزل عليه النسخة واي كابل داتا الترا اصفر مبيشتغلش
انا هعمل استفتاء في موضوع خاص للمشكلة دي
جزاكم الله خير

[عبد الفتاح]

فعلاً موجود في السوق حالياً كوابل داتا لونها أصفر تيواني تالفة بتركبها الهارد بيتعرف تمام لاكن لما بتنزل نسخة بتديك ديسك ارور والله أعلى وأعلم.