[الكوتش]

السلام عليكم
كل اعضاء القريه كافه والزوار عامه
واعضاء قسم الهاردوير خاصه
كثيرا ما اجد مواضيع للاخوه الاعضاء محتاجه ردود
ولا احد يرض او يهتم بالتعليق على الموضوع سواء بالسلب او الايجاب مجرد انه قرى الموضوع وخلاص ...
ياجماعه عايزين يكون فيه روح تعاون موضوع مثلا الاقى 3 ردود و150 مشاهده
طب ليه انت بتكسل ترد على الموضوع ليه اعرف اخى الكريم ان رايك له صدى صوت حتى لو كان راى خاطئ اكيد هتفيد وتستفيد وده فايدة الحوار ممكن تكون فيه معلومه عندك تايهه عننا اكيدهنستفيد من اراء الاخرين
فياريت الى يدخل موضوع يبدى رايه حتى يتيح الفرصه لصاحب الموضوع ويشجعه على التكمله مش نمرمرور الكرام وخلاص
واسف على الاطاله
وكل عام وانتم بخير

[م/محمود ادريس]

ملحوظة تشكر عليها يا كوتش...

بس هي مش دايمآ كده.
انا مثلآ منشغل جدآ في الفترة دي... وبادخل علي النت كل فين وفين وبيبقي نفسي ارد علي كل المشاركات... بس حيز الوقت ضيق.
الا لو صادف حد بيسأل عن مشكلة ومافيش حد تابع معاه ... باكون حريص اني استهل الردود.

مادون ذلك. ماباحبذش ردود الشكر والتحيات والسلام.
بس فعلا انا ملاحظ الفترة الاخيرة ان المشاركات قلت عن الاول لغالبية الاعضاء.
وان شاء الله المعلومة تكون وصلت.

[TARIQ_ALKDR]

كلامك عسل

نرجو التفاعل

[en.mohamedsaid]

اقتباس المشاركة الأصلية كتبت بواسطة ncc_tariq78 كلامك عسل نرجو التفاعل

اتفق معك اخ الكوتش
هناك ملحوظة يجب ان تاخذ فى الاعتبار
اولا :ان لو هناك سؤال من احد الاعضاء عن مشكلة ما
وقمت انت بارد عليه صحيح مثلا
اخبرته بشحن البيوس واحد الاعضاء دخل على الموضوع
وايقن ان المشكلة شحن بيوس فلما الرد اذا

ثانيا : ان صاحب المشكلة يطرح المشكلة ولا يكمل مع الاعضاء الذين شاركوا
وتلاحظ انت ان من يستمر فى النقاش مع الاعضاء تجد كثره الردود على مشكلته
ويتفاعل معه الاعضاء

تحياتى لك

[hmooa]

هو دا فعلا اللي بيحصل

ودا بئا سبب في اني ما ادخلش المنتدى كتير

لاني كل ما اسال سؤال ما الاقيش حد يرد عليا

فبشوف منتدى تاني .. يكون فيه شوية تعاون

[م/محمود ادريس]

اقتباس المشاركة الأصلية كتبت بواسطة hmooa هو دا فعلا اللي بيحصل ودا بئا سبب في اني ما ادخلش المنتدى كتير لاني كل ما اسال سؤال ما الاقيش حد يرد عليا فبشوف منتدى تاني .. يكون فيه شوية تعاون

منتدي تاني ايه ياعم...
بفضل الله اكثر منتديات الالكترونيات وهاردوير الكمبيوتر نشاطآ. هو منتدي القرية.
بدون مجاملة.

وبعدين يا حمؤه انت مشاركاتك كلها تتعد علي صوابع اليد الواحده. دول 7 مشاركات كمان مش مواضيع... فماعتقدش انك تكون سألت اكتر من سؤالين ونص.

[جيفارا 28]

عزيزى الكوتش أتفق معك تماما فيما طرحته ........المشكلة الأكبر هو عدم رد الزميل العزيز صاحب المشكلة ......... وخاصة إن كان يتواجد فى المنتدى باستمرار ويقوم بطرح مشاكل أو ردود اخرى فى موضوعات تاليه على موضوعه ...اما الغائب فعذره معه .......... وهذا شخصيا يشعرنى بالإحباط ..... ويقلل تفاعلى مع المشكلات ....... لو كنا نتناقش أو نتحاور فى مشكله معينه ...... لامانع من الردود حتى يوم القيامة أما مشكله محدده وطرحت حلول لها .ولا يرد صاحب المشكله رغم تواجده بالمنتدى فهذه أنانيه وعدم احترام للزملاء الذين يقتطعون من وقتهم وجهدهم وعلمهم حتى لو كان متواضعا .وذلك لمساعدته ........ وأتمنى ان يتخذ المنتدى موقفا من ذلك ويعتبر الزميل الذى لا يرد رغم تواجده بالمنتدى مهما كان رده ومهما وصل إليه من نتائج.. المهم الرد ....... يعتبر هذا مخالفة .مثلها مثل باقى المخالفات وقد تصل الى التكرار الى الايقاف

[محمد الفنى]

اشارككم الري وكفايه رد المناضل الكبير جيفار وبكده يثبت ان الثوريين موجودين فى كل مكان حتى فى الالكترونيات