[..~ SToRM ~..]

بسم الله الرحمن الرحيم

بداية قبل ماطرح المشكله احب اعرفكم بنفسى انا طاهر محمد من كفر الشيخ
وخبرتى بمجال الصيانه ضعيفه جداااااا جدااااااااا فياريت تلحقونى لانى فعلا مش عارف اعمل ايه

البورده DELL P4 GX280
كيسه ديسك توب

الكيسه كانت شغاله 10/10 وفجاءة وجدت الفانه بتاعت البروسيسور
صوتها اصبح عالى جدااااا ( زى صوت المكنسه الكهربائيه )

فصلت الجهاز وشغلته تانى اشتغل تمام عمل نفس الحركه تانى فصلته
بس المره دى ماشتغلش نهائى ابدااا

اضغط على مفتاح الباور للكيسه
اجد المبه الى بتقيد فى زرار الباور لونها برتقانى مش اخضر
ومش شغال الجهاز مع العلم ان لمبه البورده قايده عادى

واجد الفانه بتاعت البروسيسور بتشتغل وصوتها بيعلى لحد مايبقى عالى جدا
ياريت ياجماعه حل لانى والله فعلا حزين جدااا على هذة الكيسه وانا لسه
مفرحتش بيها وجزاكم الله خيرااا
منتظر ردودكم وتفاعلكم معى
اخوكم فى الله طاهر محمد

[hariedy]

السلام عليكم ورحمة الله وبركاته
تأكد اولا من تثبيت المروحة جيدا على البروسيسور ، واستخدم معجون
تبريد ان لزم ، ثم قم بالتأكد من جميع التوصيلات واخبرنا بالنتيجة .
الله اعلم .

[الكوتش]

السلام عليكم
طب ممكن نعرف منك ايه محاولاتك للكشف الكشف على الجهاز
عشان نمشى معاك
خلعت الرامه وركبتها ولا لا
البطاريه برده تخلعها وتعمل كلير
وتعرفنا النتيجه
شكرا

[..~ SToRM ~..]

فعلت اخى الكريم وبرده مافيش نتيجه وفكيت الرامات ومسحتها
وفكيت البروسيسور ومسحته ونشفته وركبت المروحه تمام
لكن للاسف مش بينطق نهائى لسه زى ماهو صوت المروحه يعلى
حتى انى غيرت البروسيسور باخر جديد لكن دون جدوى
والجهاز مش بيفتح حتى مش بيجيب كلمه DELL فى البدايه كما هو الحال دوما
ساكت خالص ارجو الافاده وانا معاك ومتابع
تحياتى اخوك طاهر محمد

[..~ SToRM ~..]

مافيش فايده خلاص يارين ياجماعه الى عنده حل يقولى
كان الله فى عون العبد مادام العبد فى عون اخيه
ياريت المشاركات والحلول

[newtouchraf]

السلام عليكم ورحمة الله وبركاتة

اخى الكريم المشكله دى حصلت معايا بردة ودوختني لما وصلت لحل
المشكله دي فى سوكت البروسيسور والسوكت دة بدون اسنان يعنى عايز واحد متخصص فى تغيرة xxxxxxxxxxxxxxxxxxxxxxxxxxxxxxxxxxx

[ميدو مان]

في معظم الاجهزه الاورجنال لما بتزيد درجة حرارة البروسيسور بتزيد سرعه الفانه
اللي حصل عندك كالاتي :
سوء تهويه للجهاز ادي ارتفاع درجه حراره البروسيسور بالتالي ادي الي ارتفاع صوت الفانه
كده المشكله عندك في البروسيسور ودايرته
غير البروسيسور والمكثفات

[..~ SToRM ~..]

طيب انا دلوقتى ياجماعه غيرت البروسيسور وجبت واحد تانى
وفعلا زى ماقال اخى ميدو مان واخى newtouchraf
بس المفاجاءه ان الجهاز برده ماشتغلش وجربت البروسيسور القديم
على برده جيجا بايت لم يعمل ايضا يبقى المشكله فين
مع العلم انى وديت الكيسه بتاعتى لواحد بتاع صيانه بس انا
مش معترف بي قالى الشيبه بتاعت البروسيسور مش سليمه
وكده الجهاز باظ ومش شغال تانى ممكن يكون كلامه فعلا كده
على العموم انا هاصور البورده وهارفع الصور عشان لو حد
شاف اى حاجه يقولى لانى فعلا حزين على الجهاز ومستنى ردودكم
تحياتى
اخوكم
طاهر محمد