[atata]

السلام عليكم
هل يمكن قياس الفولت علي المحولات في الباور سبلاي
وياريت شرح لكبفية قياسة هل يقاس علي ارجل المحول الخرج علي الجهد المتردد
والمفروض يكون كام
ام القياس عي مكثفات الخرج بعد المحولات علي الجهد المستمر
ارجو التفاعل من كل الاعضاء

[atata]

اين الردود يا جماعة
مش عايزين تساعدوني لية

[حماس]

اقتباس المشاركة الأصلية كتبت بواسطة atata السلام عليكم هل يمكن قياس الفولت علي المحولات في الباور سبلاي وياريت شرح لكبفية قياسة هل يقاس علي ارجل المحول الخرج علي الجهد المتردد والمفروض يكون كام ام القياس عي مكثفات الخرج بعد المحولات علي الجهد المستمر ارجو التفاعل من كل الاعضاء

استاذى الغالى

القياس بعد اى محمول ليس له اى قيمه

وخدها نصيحه

دائما بيكون خرج المحول تيار متردد

وعشان نوحد التيار بنضع دايوم ومكثف

انت دائما تقيس على التيار الثابت من بعد الدايود

الكلام ده بينطبق على اى دائرة باورصبلاى

سواء للشاشه او للكمبيوتر

[atata]

اقتباس المشاركة الأصلية كتبت بواسطة حماس استاذى الغالى القياس بعد اى محمول ليس له اى قيمه وخدها نصيحه دائما بيكون خرج المحول تيار متردد وعشان نوحد التيار بنضع دايوم ومكثف انت دائما تقيس على التيار الثابت من بعد الدايود الكلام ده بينطبق على اى دائرة باورصبلاى سواء للشاشه او للكمبيوتر

تمتم يا بشمهندس
طب عند القياس علي التيار المستمر هل اقيس علي طرف الدايود وكيف ذلك
ام علي طرف المكثف وهتطلع القيمة كام مثلا

[حماس]

اقتباس المشاركة الأصلية كتبت بواسطة atata تمتم يا بشمهندس طب عند القياس علي التيار المستمر هل اقيس علي طرف الدايود وكيف ذلك ام علي طرف المكثف وهتطلع القيمة كام مثلا

استاذى الغالى


انسى شىء اسمه المكثف اثناء القياسات

دائما القياس زى ماقولت لك بيكون على خرج الدايود

يعنى الدايود بيكون فيه خط من ناحيه مرسوم على الجسم الاسمر

القياس بيكون من الناحيه اللى فيها الخط المرسوم

وطبعا الطرف الاسمر بيكون على ارضى البورده والطرف الاحمر بيكون على الرجل اللى مرسوم عليها الخط

وبالنسبه لقيمة القياس انا موش فاكرها هاتبقى كام

بس انتا لو فتحت باورصبلاى شغال وقمت بالقياس هاتقدر تحدد القيم وتكتبها فى ورقه خارجه عشان النسيان

متشكر على استماعك

[م اسلام معروف]

اقتباس المشاركة الأصلية كتبت بواسطة حماس استاذى الغالى انسى شىء اسمه المكثف اثناء القياسات دائما القياس زى ماقولت لك بيكون على خرج الدايود يعنى الدايود بيكون فيه خط من ناحيه مرسوم على الجسم الاسمر القياس بيكون من الناحيه اللى فيها الخط المرسوم وطبعا الطرف الاسمر بيكون على ارضى البورده والطرف الاحمر بيكون على الرجل اللى مرسوم عليها الخط وبالنسبه لقيمة القياس انا موش فاكرها هاتبقى كام بس انتا لو فتحت باورصبلاى شغال وقمت بالقياس هاتقدر تحدد القيم وتكتبها فى ورقه خارجه عشان النسيان متشكر على استماعك

السلام عليكم ورحمة الله وبركاته
لو فيه حاجه غندك في البارو سبلاي قول لي عليها لانه حتي انا كان فيه عندي حاجات كتيرة في الباور سبلاي مش عارفها ولما قعدت مع نفسي فهمت القصه بتاعته كلها ماشية ازاي وحاليا الحمد لله انا كل مشاكل الباور سبلاي غطيتها بفضل الله حتي البورات الاوريجنال بتاع الكيسات الديل والاتش بي والحمد لله حتي قطع الغيار بتاعته موجوده فلو فيه عندك حاجات واقف فيها حاول توصف لي العطل وانا بفضل الله ها اتابع معاك باذن الله...........

[Elmaystro]

اقتباس المشاركة الأصلية كتبت بواسطة اسلام آفاق السلام عليكم ورحمة الله وبركاته لو فيه حاجه غندك في البارو سبلاي قول لي عليها لانه حتي انا كان فيه عندي حاجات كتيرة في الباور سبلاي مش عارفها ولما قعدت مع نفسي فهمت القصه بتاعته كلها ماشية ازاي وحاليا الحمد لله انا كل مشاكل الباور سبلاي غطيتها بفضل الله حتي البورات الاوريجنال بتاع الكيسات الديل والاتش بي والحمد لله حتي قطع الغيار بتاعته موجوده فلو فيه عندك حاجات واقف فيها حاول توصف لي العطل وانا بفضل الله ها اتابع معاك باذن الله...........

مشكور أخي علي المساعده
انا بيجلي ساعات باورات بتكون جديده او بيكون متصلح بس بيبقي فيه عيب بيجنني وهو :
القطع كلها بتكون سليمه حتي المقاومات الفيوزيه وبالرغم من كدا الباور راسه والف سيف مايقمش وكمان بيكون قاطع الخمسه فولت بتوع الستارت أب ممكن تتكرم بتحديد سبب المشكله دي بيكون ايه وايه المسأوول عن قطع الخمسه فولت ؟؟

[م اسلام معروف]

اقتباس المشاركة الأصلية كتبت بواسطة Elmaystro مشكور أخي علي المساعده انا بيجلي ساعات باورات بتكون جديده او بيكون متصلح بس بيبقي فيه عيب بيجنني وهو : القطع كلها بتكون سليمه حتي المقاومات الفيوزيه وبالرغم من كدا الباور راسه والف سيف مايقمش وكمان بيكون قاطع الخمسه فولت بتوع الستارت أب ممكن تتكرم بتحديد سبب المشكله دي بيكون ايه وايه المسأوول عن قطع الخمسه فولت ؟؟

أخي العزيز آآآآسف جدا علي التاخير ولكن اعذرني لانقطاع النت عندي

بالنسبة للعطل اللي عندك باذن الله ها تلاقيه ان شاء الله ينحصر في الترانزيستورات المثبته علي اللوح المعدني الاول المجاور للمكثفات الكبيرة في الباور سبلاي
[IMG][/IMG]

[IMG][/IMG]

[IMG][/IMG]


وغالبا ها تلاقي فيهم واحد او اثنين شورت وده وضع شبه عام بالنسبه للي انا جربته شخصيا يعني

اما بالنسبه بقي لصيانة الباور سبلاي فعلا فانا عن نفسي باصينه بالطريقة دي


اقلب الباور سبلاي بحيث المكونات من اسفل
ابدا بقياس الفيوز اولا لو مفتوح يبقي فيه 1 او 2 من الدايودات اللي في الصورة شورت ممكن تطلعهم برا الدايرة وده بانك تفك طرف منهم او الاثنين وتبدا تقيسهم بالفو علي وضع الجرس لو صفر يبقي شورت انما القياس الصحيح بتاعه هو علي وضع الجرس تحط طرفين علي اطرافه ما يقيسش ولما تعكس اطراف الافو يقيس قياس من 400 لـــ 700 تقريبا كده يبقي سليم
ها تغير التالف منهم

وممكن تطلع الشريحه الالومنيوم كامله باستعمال شفط قصدير او شيلد نحاس وتبدا تقيس الترانزيستورات اللي عليها لانه مش ها ينفع تقيس جوه الدايره ها تدي معاك شورت حتي لو كانت هي مش شورت ..

وها تبدا تغير التالف فيهم

وانصحك نصيحة انك لما تجرب يا ريت يكون عندك لمية سيريا توصل بيها وانت بتجرب
والقاعده انه لو اضاءت اللمبة اضاءة شديدة يبقي شورت
ولو اضاءت وانخفضت اضائتها يبقي الباور يعني شغال
[IMG][/IMG]

وفيه حاجة كمان
وانت قالب الباور تجيب الافو وتظبطه علي التيار الثابت == وتبدا تقيس وانت موصل علي السيريا تقيس الفولتات علي المكثفات الرافعة ها تلاقي ان كل واحد منهم علي اطرافه 110 الي 140 تقريبا
وعلي الثنين ها تلاقي حوالي 280 فولت تقريبا الي 300

وتبدا بعديها بقياس دخل الترانزيستور الاوسط ولو فيه خرج منه ها تتابع الفولتات

وهكذا الي ان تحصر عطلك


واي استفسار انافي الخدمه ان شاء الله