اقتباس:
المشاركة الأصلية كتبت بواسطة Dabash
بسم الله الرحمن الرحيم..
السلام عليكم..
هذا الموضوع يحيرني..مع أني حاولت التفكير أذا كان هناك تناسب بالنسبة للأمبير مع الفولت..لاكن معطياتي كانت بسيطة..
فلم أفهم!! هل يوجد رابط بين الفولت و شدة التيار؟؟!! يعني اذا زاد الفولت يزيد الأمبير ..بحثت فلم أجد أي موضوع قد يفدني..قد يكون سؤال بسيط لكم..
لاكن أحتملوني قليلا..شكر مقدم..
تحيتي لكم.. |
اخي الفاضل , ينبغي توضيح الأمر اكثر بمعني تبسيط المفاهيم لسهوله استيعابها.فالفولت هو فرق الجهد بين نقطتين و التيار هو نتاج لهذا الفرق عند سريانه في الدائره الكهربيه. طبعا كلام جاف , فيمكن تبسيطه كالتالي الكهرباء هي عباره عن سريان الكترونيات يعني لو شبهناها بقطرات المياه فقطره بجوار قطره اخري و هكذا . طيب ؟ ازاي كميه الالكترونيات دي ممكن تنتقل من مكان لآخر او من نقطه لأخري؟ الاجابه المنطقيه انه لازم في قوه حركت الالكترونيات دي من مكان لآخر . صح ؟ طيب القوه دي جت منين . هو ده فرق الجهد اللي بيحدد معدل اندفاع كميه الالكترونيات من نقطه لنقطه. و التيار بيبقي كميه الالكترونيات اللي ماشيه في المسار في الثانيه مثلا . طيب السؤال هل شرط لو زودنا الجهد هتزيد شده التيار ؟؟؟ طبعا الاجابه لا !! لماذا؟ لان ده بيعتمد علي المصدر الكهربي نفسه بمعني اكثر توضيحا هي قدره المصدر اللي بيضخ الالكترونيات . يعني عشان نوضحها لو احضرنا جركن مياه به 20 لتر مياه و احضرنا ايضا كوب مياه به نصف لتر و قمنا برفع الاثنين بارتفاع يعادل 5 طوابق عن الأرض يعني عند نفس الجهد بلغه الكهرباء . و قمنا بعمل ماسوره نفس القطر علي فوهه كل منهما فهل في رأيك هتتساوي كميه المياه المندفعه في الحالتين حتي تنفذ ؟ طبعا لا . و المثال ده موجود في المحولات الرافعه يعني لو عندك 6 فولت علي الملف الابتدائي و عايز 220 فولت علي الثانوي , ما تتصورش ان 220 اللي علي الثانوي ممكن ينورولك منزلك ليه ؟ لاننا اغفلنا شيء مهم وهو القدره اللي داخله المحول كام ؟ يعني انا مدخل مثلا 12 وات بجهد 6 فولت يعني التيار 2 امبير . صح الكلام . هتلاقي عند الثانوي 220 فولت بس التيار هيبقي 0.0545 لان نفس القدره هي هي بس اصبحت بصوره تانيه يعني المحول ما بيخلقش كهرباء يعني كوب المياه هيفضل كوب مياه بس الفرق اني زودت مستوي ارتفاعه بس لاني عايز استفيد من الاندفاع ده . المثال ده برضه هتلاقيه في الفرق بين لاين شاشه التليفزيون و خطوط الضغط العالي لنقل الكهرباء , فشاشه التليفزيون تحتاج آلاف الفولتات حتي تعمل و بيولدها محول صغير لا يتجاوز حجم قبضه اليد بس الدخل اللي داخله كام ؟؟
هو ده السر . و هو انك ما تتصورش ان آلاف الفولتات دي ممكن ينوروا المدينه اللي انت فيها مكانش فيه مشكله و كانت اتحلت مشكله الطاقه في العالم . و هو ده السبب انك لو اتكهربت من المحول الصغير ده رغم آلاف الفولتات مش هتموت ( بعد الشر عليك طبعا) بش هتشعر بلسعه جامده جدا , لكن لو فيه احد لمس اسلاك الضغط العالي اللي ممكن تكون نفس قيمه الفولتات اللي بيخرجها محول التليفزيون
هيتفحم و يموت في الحال !!! و السبب في ذلك ان كميه الالكترونيات في الحالتين تختلف عي الرغم من انهم علي نفس فرق الجهد و ده هو اللي بنطلق عليه قدره المصدر .
الأمبير بالنسبة للفولت..
