اسألة فى الدايود وانواعة

[kingmido]

اعذرونى لأنى ببدأ الكترونيات من اول وجديد فأنا بدات بالدايود وهذة هى النقاط اللى مش فاهمها فارجو اللى يعرف اى شئ ياريت يفيدنى بة:

1- فى حالة توحيد نصف الموجة هل الموجة اللى خارجة تعتبر دى سى أم اى سى يعنى لو دخلتها على ترانسفورمر هيتحرق ولا لاء

2- يعنى اية الزينر يستخدم كجهد مرجعى فى دوائر تثبيت الجهد وياريت مع الذكر بأمثلة

3- عند دخول الزينر منطقة الانهيار فأنة لن يتلف حيث ان الدائرة الخرجية الموصلة بة تحد من التيار ليكون اقل من القيمة التى تسبب تلفة.... عايز اعرف اية هى الدائرة الموصلة بالزينر اللى بتعمل الكلام دة وازاى فعلا بتقلل التيار؟؟؟

4- عايز اعرف اى معلومة عن الثنائى ثلاثى الالوان وهو نوع من انواع الدايود وصور لة وكمان عايز اعرف اى معلومة عن الثنائى النفقى ( tunnel diode)

5- الثنائى السعوى ( varactor ) يستخدم كمكثف تصل قيمتة الى 2500 بيكو فارارد ,, طيب لية بنستخدمة طالما يعمل عمل المكثف (اية الفرق بينو وبين المكثف)

أرجو سرعة الرد للأهمية وجزاكم الله خيرا وزاد الله من حسناتكم

اخوكم/محمد محمود (بندق)

[ماجد عباس محمد]

أخى
توجد سلسلة مثبتة أعتقد أن بها كل الإجابات فإن لم تجد فيسعدنى الرد عليك
بالنسبة لل Varactor Diode فسعتة تتناسب مع الجهد الواقع علية و بالتالى يصلح لاختيار القنوات وهو المستخدم فى كل أجهزة التليفزيون والريسيفر لتحديد المحطات

الثنائى منه نوعان ثنائى الألوان هو أخضر و أحمر داخل غلاف واحد و منه نوعين
أحدهما ذو ثلاث أسلاك لتوصيل هذا أو ذاك
الثانى الإثنين على التوازر عكس بعضهما و يتغير اللون يتغير اتجاه التيار
اللون الثالث هو الأصفر و ينتج من إضاءة الإثنين معا

أما النوع ثلاثى الألوان المستخدم لتوليد كل الالوان فهو أزرق +أخضر + أحمر لتكوين لوحات دعائية ملونة و كل منها يماثل نقطة على شاشة الحاسب والمسماة Pixel لتكوين الصور الكبيرة

http://www.superbrightleds.com/TriColor%20LED.htm

[kingmido]

المشاركة الأصلية كتبت بواسطة ماجد عباس محمد

أخى
توجد سلسلة مثبتة أعتقد أن بها كل الإجابات فإن لم تجد فيسعدنى الرد عليك
بالنسبة لل Varactor Diode فسعتة تتناسب مع الجهد الواقع علية و بالتالى يصلح لاختيار القنوات وهو المستخدم فى كل أجهزة التليفزيون والريسيفر لتحديد المحطات[

انا قرأت ان كلما زاد الجهد المطبق علية تزداد المنطقة الفاصلة ويعمل الموصل السالب والموجب على انهم لوحى المكثف فعندما تزداد المنطقة الفاصلة تقل سعتة انما بالنسبة لأستخدامة فهو فعلا يستخدم فى التلفزيون وخصوصا فى التردد العالى جدا UHF , فياريت لو تعرف اى معلومة اخرى يبقا جزاك الله خير وياريت لو تعرف اجاية السؤال الاول عشان مش لاقى حد يجاوبنى علية؟؟

وعايز اعرف اية الفرق بين الفاراكتور والمكثف من ناحية طريقة العمل فياريت تساعدنى لأنى ببدأ الكترونيات من جديد وماسك كل جزء لوحدة عشان يبقا عندى معلومات قيمة فى الالكترونيات تفيدنى انى اصمم دائرة واتمنى لك التوفيق وشكرا لمرورك واجابتك

اخوك/محمد محمود (بندق)

[mohamedse]

السلام عليكم

بالنسبة للسؤال الأول

التيار الموحد هو تيار فى أتجاة واحد و لكنة مقطع أى أنة موجب فقط مثلا..... لذلك عند تطبيقة على قاعدة ترانزستور NPN لا يتلف لأنة وجب

[ماجد عباس محمد]

المشاركة الأصلية كتبت بواسطة kingmido

انا قرأت ان كلما زاد الجهد المطبق علية تزداد المنطقة الفاصلة ويعمل الموصل السالب والموجب على انهم لوحى المكثف فعندما تزداد المنطقة الفاصلة تقل سعتة انما بالنسبة لأستخدامة فهو فعلا يستخدم فى التلفزيون وخصوصا فى التردد العالى جدا UHF , فياريت لو تعرف اى معلومة اخرى يبقا جزاك الله خير وياريت لو تعرف اجاية السؤال الاول عشان مش لاقى حد يجاوبنى علية؟؟

كما قال الأخ الفاضل هو تياروحيد الإتجاه و البعض يسميه متقطع لكن المستمر يجب أن يكون ثابت القيمة
هناك عالم اسمه فورير أثبت أن أى شكل موجى يمكن تمثيلة بجزء مستمر + مجموعة من الترددات عبارة عن 1ت،2ت،3ت،4ت،5ت،الخ لمالا نهاية حيث ت هو تردد الشكل الأساسى يعنى 50ذ/ث (فتنتج 50 و 100 و 150 و 200 الخ) لو نصف موجة و 100 للموجة الكاملة (فتنتج 100 و 200 و 300 الخ) إلا أن كل تردد منها له قيمة مختلفة وتقل بزيادة التردد وتسمة التوافقيات وعليه ح يكون الخرج مكون من جزء مستمر وهو الذى تستخدمة بدوائر التنعيم من مكثفات وملفات الخ و جزء متردد اللى بتتخلص منه بنفس هذه الدوائر
الترانس يستطيع نقل هذه المركبات المترددة لكن الجزء المستمر يسبب تشبع للحديد و يعمل مشاكل لكن على أى الأحوال زمان لما كانت الترانزيستورات غير قادرة على توليد كل الترددات كانت هذه احدى الطرق لتوليد تردد مثلا 100 ميجا و اخذ التوافق الخامس له مثلا للحصول على 500 ميجا

وعايز اعرف اية الفرق بين الفاراكتور والمكثف من ناحية طريقة العمل فياريت تساعدنى لأنى ببدأ الكترونيات من جديد وماسك كل جزء لوحدة عشان يبقا عندى معلومات قيمة فى الالكترونيات تفيدنى انى اصمم دائرة واتمنى لك التوفيق وشكرا لمرورك واجابتك
اخوك/محمد محمود (بندق)

قلت لك الفرق ان المكثف ثابت القيمة أو يتغير ميكانيكيا اما الفاراكتور يغير قيمتة بتغيير الفولت

يعنى لو حدث "ترحيل" للتردد واكتشفت الدائرة هذا ، تستطيع الدائرة تغيير الفولت لإعادة ضبطة أما المكثف فتحتاج موتور لتحريك و ضبطه

[kingmido]

كدة تمام اوى بالنسبة للفاراكتور ياريت بقا لو تعرف الاجابة على الجزء رقم 2 , 3
وياريت لو تعرف اى معلومة عن الثنائى النفقى عشان اقفل نقطة الدايود ويبقا فهمتها تماما وشكرا جزيلا على المساعدة وزادك الله علما وحسنات يا اخى الكريم

اخوكم/محمد محمود (بندق)

[ماجد عباس محمد]

عند تجهيز الرسم ساشرح لك