[theprof_2x]

ممكن احد الاخوة المتخصصين يقوم بشرح ماتحتوى علية هذة الدائرة

[Salah Elsayed]

السلام عليكم ورحمة الله وبركاتة

هذا الموضوع شائك جدا جدا اولا لندرة الكلام فيه
ثانيا لصعوبة تجربتة باماكنياتنا الحالية

عموما هذة الصورة ترمز الى تعديل فى دائرة بروسيسور فى بعض انواع البورد لتتيح عملية Overclocking للبروسيسورات الجديد core2 quad
وبنسب اكبر وطاقة وحرارة اقل
لا اعلم ان كان كلامى صح ام خطا فى ما يوف اقولة الان ولكن هذا ما اعتقد انى فهمته
قديما كان زيادة سرعة البرسيسور كانت تعمد على زيادة الميجا هيرتز مع زيادة FSB
ام حاليا فاصبح زيادة FSB هى الاهم مع موجود كاشات اعلى ونوايا برسيسور اكثر من واحد فاصبح الاهتمام اقل بالميجاهيرتز لحساب الFSB والنوايا
اولا معنى FSB بالبلدى كدة هى الاتوبيس الى بينقل الداتا من البروسيسور للمكونات الاخرى ولما زادت عدد البروسيسورات المدمجة فى بروسيسور واحد اصبح النقل هو الاهم يعنى مينفعش تتطور تضع اتنين من المعالجات وفى نفس الوقت تنقل بنفس الباص القديم

والتعديل دة بالذات عشان حاجة زى كدة يعنى الكورتو كواد يعنى 4 نوات بروسيسور وطبعا انت لسة شغال من 800 باص الى 1066
طيب ماحان كنا شغالين قبل كدة ببروسيسور بنواة واحدة مع اقصى باص كان 533
طيب لما بقينا dual core والباص بقى 800
والمفترض انه يكون 1066 يعنى انا ضفت معالج تانى واديتة اتوبيس صغير ينقل بية الى بيعالجة يعنى حسنت اداء المعالج من ناحية النواه بشكل قوى الى هو تقدر تقول علية الضعف بس الباص يدوبك رفعتة شوية بس

طيب رفعنا dual core وعملنا الباص الى 1066 يعنى الضعف بالضعف يبقى احنا كدة ماشين تمام
طيب مرة واحدة اعمل core2 quad يعنى برضوا الباص بقى 1333
برضوا الاداء افضل بس موش الى هوا المفترض
خلا بقى الباص 1600 فى البروسيسور Core2 Extreme
بس برضوا افكرك ان الباص المفترض يبقى 2133
بس بعد كدة انتل تقريبا زهقت من الحكاية دى وقالت ننزل بال I7
بس بقى قصة الباص هنا وقفت لان الليلة بقت حوار تانى واسعار تانية
ورامات تالتة وعلينا اننا نتفرج

عموما الناس بتدأت تفكر ازاى نرفع الباص عشان الاداء يبقى افضل فطلعت الطريقة دى ( بكرر تانى الكلام دة على حسب فهمى يمكن هما يقصدوا حاجة تانية الله اعلم بيها ولو فى حد فاهم الموضوع بطريقة تانية ياريت نتناقش فيها عشان يمكن اطلع انا غلطان )
مهو برضوا حرام ابقى باتفرج على ماتش كورة ويطلع ماتش تنس

وقد قامت انتل بوضع بعض الملفات عن هذة الطريقة ولكن بطريقة ما لم نعد نجد تلك الملفات ( الله اعلم بالسبب هل للتطوير ام لاخفاء مشكلة ام الاستفادة من تلك العملية فى المعالجات الاعلى )

عموما هذة الدائرة تشرح ما هو التعديل للبورد ويبقى تنفيذة على PCB
لمن يمتلكون ملفات صناعة البورد ( منهم فيهم يعنى - احنا نتفرج وبس )

[Salah Elsayed]

السلام عليكم ورحمة الله

عموما برضوا فى اشياء تانية انتل بتحاول تتعامل معاها وهى استهلاك المعالج للحرارة
http://ark.intel.com/ProductCollecti...familyId=28398
دى صفحة فيها بعض من معالجات انتل ببعض تفاصيل البروسيسور مع السعر
وهتلاقى حاجه غريبة
Intel® Core™2 Quad Processor Q9100 (12M Cache, 2.26 GHz, 1066 MHz FSB) بروسيسور بهذة المواصفات ب $851


وبروسيسور تانى Intel® Core™2 Quad Processor Q9650 (12M Cache, 3.00 GHz, 1333 MHz FSB) بحوالى 316 دولار

خلو بالكم ان البرسيسور الى فوق المفترض انه اقل فى المواصفات
الكاش واحد بس الجيجا هرتز فى فرق كبير وبرضوا الباص وعدد الانوية واحد بس الفرق الوحيد الوات
الاول بيستهلك 45وات بس
اما التانى بيستهلك 95 وات
تفرق جدا طبعا فى اللاب توب

تحياتى للجميع

[theprof_2x]

ماشاء الله لاقوة الا بالله باراك الله فيك أخى صلاح وارجوا المشاركة من باقى الاخوة فى هذا الموضوع الغنى بالمعلومات المفيدة لجميع الاخوة