الكل يعرف انة يوجد نوعان من الافوميتر الانالوج والديجيتال انا استخدمت الانالوج بس مجربتش الديجيتال قبل كدة...... لكن اطلب المساعدة فى الافضل هل الانالوج ام الديجيتال ؟؟واى المميزات؟؟؟؟؟ارجوا المساعدة
|
السلام عليكم ورحمة الله وبركاته
لكل استخدامه والا لتوقف انتاجه
بالنسبه للانلوج فهو مطلوب بالتحديد للمكثفات و للتعامل مع الفولتج بيك تو بيك ده غير انه ليه انواع بيتعامل مع فولتيه متغيرة ترددها يصل الى 5 ميجا هرتز يعنى حلو جدا مع التلفيزيون و الار اف
و غير كده الانلوج بيكون بيعكس قيم حقيقيه للمقاومات و يرجع ده لان درجه الحراره بتاعة الغرفه اللى بتائثر على المقاومه هى نفسها اللى بتائثر على ملف الانلوج
يمكن يعيبه ان لو اتحرق الملف هترمى الانلوج كله كمان لازم تصفره كل شويه
فى انواع كتير منه منها ما يبدا من 15ج وحتى 300ج مثل السيمنز
و نصيحتى ليك تشترى zx505 ده قوى جدا وفيه امكانيات كتير
بالنسبه للديجيتال فهو الشائع و منه عائلات
عائله الامبير العالى والافو الكليب و النص ملف وده مخصص لفنين التكييف والتبريد ولف المواتير و بيوصل الافو النضيف عندهم ل 300ج فى فى السوق حاجات ب 28ج صينى متبصلوش حتى
عائلة التردد العالى قياس التردد وهذه العائله مناسبه لفنين و مهندسين الاتصلات ويوجد النوع النضيف منه بدا من 154 وحصل فى الاونه الاخيره دمج بين الافو الزى يدعم التردد ولاوسليسكوب فظهر الاوسليسكوب الديجيتال المحمول وبيوصل التردد اللى بيدعمه لحد 900 ميجا لكن لم يصل للموجود حاليا وهو 1.3جيجا هرتز مع اننا فى مصر اخرنا اوسليسكوب عادى 200 ميجا
عائله الداتا و الافرا ديتيكتور
العائله ديه صممت خصيصا لمصمين انظمة التحكم لانها بتتميز على انها افو انها بتتعامل مع الهيكس وبيتقدر تقراء الاكواد ديه و تتبع وجودها من عدمه وللاسف النوع ده بيخضع للاستغلال فى مصر و سعره فى رديو شاك مرعب جدا
العائله العاديه وديه بتاعة كل الفنين والمهندسين والمتخصصين عموما و لو انت عاوز تبتدى ممكن تشترى واحد من هذه العائله ولكن راعى الاتى
1-يوجد افوهات رخيصه وده الانها لا تدعم تردد عالى وطبعا انت عاوز افو يدعم تردد 20 كيلو هرتز على الاقل اقراء الكتلوج قبل متنخدع فى السعر
2-تاكد من وجود فتحه مريحه لقياس الاتش اف اى للترانزيستور و انه مصمم جيدا ضد الصدمات
3-تاكدمن وجود فته لقياس المكثفات ان لم تجد تاكد انك هتطر لشراء جهاز مخصوص لقياس المكثفات بالبيكوفراد ثمنه 75 ج
4-ارتفاع السعر ليس دليل على الجوده ولكن دليل الجوده الحقيقى فى جوده الخامات و اهمها البروبل بتاعه فى بروبل فى السوق بيبتدى من 3ج حتى 26,5ج فى المحل المقابل للنخيلى قطع غيار
فى النهايه يجب الاثين و اعلم ان الافو يمثل يد ثالثه للفنى فى الشغل فوجود اتنين مش مشكله لكن عدم الجوده هو المشكله و ربنا معاك
بالتوفيق
ارجوا الافادة فى انواع الافوميتر
