[EN.SaMeH]

بسم الله الرحمن الرحيم

تعودنا جميعاً فى القريه الالكترونيه تلبيه جميع طلبات أعضاء المنتدى من أسئله , استفسارات , مقترحات .. إلخ ,


ولاكن كثير من الأخوه تبخل علينا جميعاً ببعض المعلومات والتى تعتبرها من اسرار المهنه ويتم الاجابه على طلب هذه المعلومات بردود دبلوماسيه مثل بدائل القطع التالفه فى المازربورد اى عضو يقوم بوضع موضوع يطلب فيه شرح لبدائل القطع بيحصل

1- ميتردش عليه ويبقا موضوعه عباره عن عدد مشاهدات فقط ونسبه المشاركه صفر

2- يترد عليه باجابات دبلوماسيه جداً القطعه دى ملهاش بديل لازم تركب مكنها قطعه بنفس الرقم والمواصفات او انظر للداتاشيت


طبعاً دى اجابات منطقيه جداً بس اللى بيحصل عكس كده نسبه استعمال فنى الماذربورد للداتا شيت الخاصه بالقطع الموجوده على المازربورد 1 % لو مكنتش معدومه من الاساس

فياريت حد من الأخوه يعملنا موضوع يختصرلنا بدائل جميع قطع الماذربورد ولو قولنا هنستعمل الداتا شيت يبقا اكيد فى كام قطعه بس فى الماذربورد لاكن اغلب القطع يا ريت نعرف ازاى نختار بدائل ليها بعيد عن الكلام اللى بيحصل شوف الداتا شيت وهات قطعه مماثله للفولت والامبير والكلام ده طبعا كلو صحيح لاكن احنا عاوزين المفيد يعنى

ويا ريت اللى ناوى يبخل بمعلومه ميتجهش للاجابات الدبلوماسيه اللى كلنا حفظناها دى

طبعاً الموضوع موجهه للأخوه اصحاب الخبره الطويله فى مجال صيانه الماذربورد

شكراً

[en.mohamedsaid]

اولا تحية طيبة لك مهندس سامح

ثانيا موضوع البدائل من الموضوعات المهمة فى مجالنا لانه من الصعب ان يتوفر
لدى الفنى جميع القطع بجميع ارقامها

الموضوع باختصار شديد
هو ناتج لخبره الفنى وكثره تعامله مع الاعطال فهى توضح له خريطة يعمل بها
هذه الخريطة هى نتاج الخبره فى العمل
فمن واقع العمل يوجد اكثر من 90 % من القطع الموجوده على الماذر بورد لها بدائل
سواء كانت شيب او فركوانسى او ايتى او موسفت او غيره

عمليه اختيار البدائل قد تكون للمبتدأ فى بدايه الامر نتاج التجربه
ولكن سيتعلم يوم بعد الاخر
لذا من الافضل ان يقوم المبتدا او الفنى عامة اذا ما توصل لبديل ان يدونه بورق خاص به حتى يتوفر اليه الكثير مما سيحتاجه فيما بعد

تحياتى لك
دمت بخير احى العزيز

[EN.SaMeH]

اقتباس المشاركة الأصلية كتبت بواسطة en.mohamedsaid عمليه اختيار البدائل قد تكون للمبتدأ فى بدايه الامر نتاج التجربه ولكن سيتعلم يوم بعد الاخر لذا من الافضل ان يقوم المبتدا او الفنى عامة اذا ما توصل لبديل ان يدونه بورق خاص به حتى يتوفر اليه الكثير مما سيحتاجه فيما بعد

من الطبيعى ان يتوصل المبتدأ الى بدائل للقطع اثناء الممارسه ويدونها لوقت الحاجه اليها

ولاكن من الصعب ان يكون الامر مجرد تجربه يعنى واحد مبتدأ هيجيله عميل بوردته بايظه هيبتدى انو يدور على القطعه التالفه ولما يوصلها وميلقيش عنده بديل مماثل لنفس القطعه يجرب من برد تقطيع والاحتمال الاكبر انو يخطئ فى الاختيار

ممكن بدل مكان عطل داتا يبقا عطل باور وممكن البرده تبوظ خالص كده يبقا مبتدأ صيانه الماذربورد بيتعلم فى العملاء ياصابت والعميل اخدت بردته يخابت والمبتدأ جاب للعميل برده جديده


على العموم لك كل الشكر والتقدير مهندسنا الغالى مهندس محمد على مشاركتك فى الموضوع , اعلم جيدأ ان هناك الكثير من الأخوه سترى الموضوع وكأنها لم تراه ولاكن الموضوع مفتوح وان شاء الله مش هيتقفل غير لما نلاقى حل يرضى جميع الأخوه اللى محتاجه للموضوع


شكراً

[en.mohamedsaid]

اقتباس المشاركة الأصلية كتبت بواسطة EN.SaMeH ولاكن من الصعب ان يكون الامر مجرد تجربه يعنى واحد مبتدأ هيجيله عميل بوردته بايظه هيبتدى انو يدور على القطعه التالفه ولما يوصلها وميلقيش عنده بديل مماثل لنفس القطعه يجرب من برد تقطيع والاحتمال الاكبر انو يخطئ فى الاختيار

لا اعتقد ان هناك فنى مبتدا يقوم بصيانه البرده امام العميل
لانها مجازفة لا تحسب فى صالحة

وغالبا الفنى او حتى المحترف لا يقوم بهذا لاسباب عديدة

اولها : هناك اسرار لا يصح ان يعلمها العميل
ثانيا : هناك اولويات شغل يجب ان تنتهى قبل البدا فى جهاز العميل
ثالثا : من الممكن ان يسبب هذا مشكلة للفنى واختلاف بينه وبين العميل فى
تحديد مبلغ الصيانه فقد يعتقد العميل ما قام به الفنى شئ تافه لا يستحق المبلغ المطلوب
وتسمع الجمله المعتادة ( الجزء اللى ركبته دا يساوى مثلا 20 جنية دا لو لقيته مش هوطى اجيبه )
لذا فعمليه الصيانة امام العميل لا تصح قد نتجاوز عنها احيانا ولكن غالبا لا تتم

اقتباس المشاركة الأصلية كتبت بواسطة EN.SaMeH ممكن بدل مكان عطل داتا يبقا عطل باور وممكن البرده تبوظ خالص كده يبقا مبتدأ صيانه الماذربورد بيتعلم فى العملاء ياصابت والعميل اخدت بردته يخابت والمبتدأ جاب للعميل برده جديده

مهندس سامح دعنا نتفق على انه لا تعليم بدون خسائر
فان جاز ما تقول فمكسب المعلومة اقيم

وحتى للمحترف الخسائر وارده ولا يمكن استبعادها

قد ياتى اليك جهاز لاتفه شئ وهو تثبيت ويندوز ويحدث ما لا تتوقعه


دمت بخير اخى

[alshymaa]

الاختلاف فى الرأى لايفسد للود قضيه
على العموم الموضوع ممتاز

[Salah Elsayed]

السلام عليكم ورحمة الله وبركاتة

موضوع البدائل موضوع شائك جدا

واعتقد ان حاولت اقدم على الاقل الطربقة التى اعتمد عليها فى تحديد بعض البدائل لكن للاسف من الصعب توصيل خبرات طويلة تحصلت عليها فى سنين
فى بعض لحظات ببعض كلمات
العملية تأخذ وقت حتى يتفهما البعض واعتقد ان العملية سهلة للمتعمق قليلا فى هذا المجال وطبعا للمحترف طريقتة الخاصة
فهل يمكن لباقى الاخوة تقديم ما لديهم ولكى يختار الاخوة الافضل من بينهم

تحياتى للجميع

[EN.SaMeH]

اقتباس المشاركة الأصلية كتبت بواسطة Salah Elsayed السلام عليكم ورحمة الله وبركاتة موضوع البدائل موضوع شائك جدا واعتقد ان حاولت اقدم على الاقل الطربقة التى اعتمد عليها فى تحديد بعض البدائل لكن للاسف من الصعب توصيل خبرات طويلة تحصلت عليها فى سنين فى بعض لحظات ببعض كلمات

مهندسنا الغالى واخى الكريم صلاح السيد أعلم جيداً ان الموضوع شائك والدليل على ذلك ما وضحته فى بدايه الموضوع الكثير يبخل هنا بالقريه فى المشاركه على مواضيع طلب البدائل او المشاركه بالمشاركات الدبلوماسيه التى نتحدث عنها


ولا انكر محاولاتك فى طرح الطرق التى تعتمد عليها فى تحديد بعض من البدائل

اقتباس المشاركة الأصلية كتبت بواسطة Salah Elsayed العملية تأخذ وقت حتى يتفهما البعض واعتقد ان العملية سهلة للمتعمق قليلا فى هذا المجال وطبعا للمحترف طريقتة الخاصة فهل يمكن لباقى الاخوة تقديم ما لديهم ولكى يختار الاخوة الافضل من بينهم

هذا ما نتحدث عنه وهو الأخوه الذين لا يسعون فى طرح ما لديهم من الخبره فى هذا الموضوع الشائك وكل ما يقومون به فى المشاركه بالردود الدبلوماسيه التى حفظها الجميع والتى لا يعمل بها من يقولها . .

ننتظر رد باقى الأخوة

[م اسلام معروف]

السلام عليكم ورحمة الله وبركاته

يا ريت نطرح الاول اسماء القطع اللي محتاجين لها بدايل
وان شاء الله كل اللي يدخل الموضوع
يطرح البدايل اللي هو عارفها وشايفها من خلال خبرته
ويكون الطرح قطعه قطعه

===============
هذا مجرد اقتراح اعتقد انه يسهل الحكايه