[HAYEL2005]

السادة الأعضاء الكرام
املك بوتاجاز يونيفيرسال 5 شعلة موصل غاز طبيعى مش انابيب بقالى 4 سنين
ظهرت عندى مشكلة غريبة اليومين دول ان عين الفرن العلوية انخفضت بشكل كبيييييير جدا لدرجة انها مش بتولع خالص دلوقتى ومش عارف ايه السبب ، سألت واحد صاحبى قالى ممكن تكون الفونية اتكتمت وعايزة تتنظف .. بس للأسف انا مش عارف افكها وانظفها ازاى .. مع العلم بأن باقى عيون البوتاجاز سليمة وتعمل بكفاءة بإستثناء فقط عين الفرن العلوية .... لو احد من الاعضاء يتكرم ويوضح لى كيفية فك الفونية وتنظيفها اكون من الشاكرين ...
والسلام عليكم ورحمة الله وبركاته ،،،
وكل عام وانتم بخير ...

[شرى كوول]

أخى الفاضل / HAYEL2005

ان عين الفرن العلوية تسمى الشواية ولتنظيف الفونية اتبع التالى :

1- قم بفك جزء الشواية وهو مثبت بمسمار واحد او اثنين فى سقف الفرن .
2- بواسطة مفتاح لقمة مناسب قم بفك فونية الشواية ( ستجد الفونية امامك مباشرة بعد فك جزء الشواية) .
3- بواسطة الة التنظيف المناسبة ( وهى تباع بمحلات قطع غيار البوتاجاز) قم بتنظيف الفونية ولكن لا تسرف فى التنظيف حتى لا يحدث توسيع للفونية .
4- اعادة تركيب الفونية بعد غسلها بقليل من البنزين .
5- اعادة تركيب جزء الشواية مع ملاحظة ضبط وادخال بوق الشواية فى مكانه الصحيح .

اليس الامر سهل .

[HAYEL2005]

فعلا فعلا
الأمر سهل كثير قوى عن ماكنت متخيل وعملت اللى قلت لى عليه بالضبط واشتغلت عين الشواية تانى زى الفل
تسلم ويسلم ردك ليا ألف شكر على المساعدة
بالمناسبة انا كنت هاجيب واحد يشوف العين ولما شرحت له اللى حصل قالى هتكلف 35 جنيه فى حين انى انا اللى عملتها وماكلفتش منى نص جنيه ثمن ابرة التسليك
بجد ألف شكر على المساعدة

[شرى كوول]

اقتباس المشاركة الأصلية كتبت بواسطة HAYEL2005 فعلا فعلا الأمر سهل كثير قوى عن ماكنت متخيل وعملت اللى قلت لى عليه بالضبط واشتغلت عين الشواية تانى زى الفل تسلم ويسلم ردك ليا ألف شكر على المساعدة بالمناسبة انا كنت هاجيب واحد يشوف العين ولما شرحت له اللى حصل قالى هتكلف 35 جنيه فى حين انى انا اللى عملتها وماكلفتش منى نص جنيه ثمن ابرة التسليك بجد ألف شكر على المساعدة

أخى الفاضل مرحبا بك فى اى وقت فى قريتك العملاقة .

وهذا من فضل ربى .. وبالتوفيق ...